عايز اشترى lcd 32
 

سلام عليكم
كنت عايز اشترى شاشه الى سى دى 32 بوصه و تكون امكانياتها معقوله
اشترى ايه و منين و سعرها فى حدود كام
شكرا
سلام عليكم

انا بضم صوتى لصوتك ومنتظر رد عمالقة مصراوى سات

انا عايز حاجه تكون فى حدود 2000 او 2100 بالكتير

فية جهاز اسمة جولدى كويس وبنفس السعر تقريبا حوالى 2000جنية 10/10

اخى الفاضل عليك بذهاب الى سيتى ستارز يوجد محل اسمة سبنس يوجد فى جميع انواع الشاشات من سامسونج وتوشيبا وال جى و جولدى وسونى وغيرهم عن نفسى اشتريت سامسونج 40 بوصة led لجودة الصورة والالوان ويوجد ميزة من الشراء من سبنس وهى عند الشراء بتاخد فاتورة باستبدال الشاشة خلال 14 يوم بشرط ان تكون بنفس التقفيل عند الشراء انا اشتريت الاول ال جى ورجعتها ثم جبت سونى ورجعتها وفى الاخر جبت سامسونج واخوية جاب سامسونج ايضا بس 32 بسعر 2100 سيرس 4 والسلام عليكم

طيب اشترى نوع ايه احسن ، يعنى سامسونج ولا ال جى ولا سونى ولا هايسنس ولا توشيبا و لا ايه
مش عارف
انا عايز اجيب حاجه 32 بوصه فى حدود 2100 جنيه ، اجيب انى نوع من دول

حضرتك لو تلاحظ كلامى انا قلت جبت ال جى ورجعتها وسونى ورجعتها ثم جبت سامسونج عليك اخى الفاضل بشاشة سامسونج وانسا بعد كدة

طيب هل فيه انواع من السامسونج
يعنى داخل عالم شاشات السامسونج هل توجد افضليه لانواع على انواع اخرى
فى حاله ال 32 بوصه

بص يا سيدي هنحاول نختار واحدة واحدة
أولا فيه سوني و باناسونيك و هاي سينس بس دول صيانتهم مكلفة جدا و مش موجودة إلا في حدود بسيطة

ثانيا : فيه بينك و جولدي و حاجات شبههم بس الحاجات دي فيها عيوب كتير

ثالثا : شارب المستورد انا معرفش نظام الصيانة بتاعته و هل ممكن يتصلح في مراكز توشيبا العربي ولا لأ

رابعا : توشيبا و ده التليفزيون الشعبي الاول في مصر

خامسا : فيه عندك ال جي و سامسونج الاتنين قريبين من بعض في الجودة و الامكانيات و الاسعار يعني انا عندي ال جي و مريحني جدا جدا جدا و فيه ناس عندها سامسونج مريحها برضه

بالنسبة لأماكن الشراء .. انت مقلتش انت ساكن فين بس في لو في اسكندرية او المنصورة ادلك

بالنسبة للأسعار لازم تحدد الماركة اولا و تحدد الامكانيات بس في حدود السعر

علي العموم الموديلات دي في حدود الاسعار
toshiba 32 inch regza full hd lcd tv: 32hv10e ب 2100 جنيه

lg tv 32" lcd hd ready: 32cs410 ب 2000 جنيه
وده فيه يو اس بي

toshiba tornado 32 inch tv lcd: 32cd12 ب 1950 جنيه

lg tv (32-inch lcd): 32lk311 ب 2150 و ده فيه usb

و ممكن تلاقي موديلات في سامسونج أو غيرها بقرب الاسعار دي

انا من مدينه نصر - القاهره

لو حضرتك فى مدينه نصر يبقى روح لتوكيل lg فى امتداد مكرم عبيد بعد التوحيد و النور و انت رايح على السراج هتلاقى عندهم تلفزيونات منوعه و بالاسعار الانت عوزه و فى بردو (بى تك) فى اول مكرم و فى برضو (مركاتو) فى اول عباس شوف الينسبك و عندهم كل المركات

طيب ال جى فى ناس كتير قالتلى ان مراكز صيانتها وحشه
و قالولى السامسونج كويسه جدا
هل الكلام ده صحيح ولا لأ