ارجوا ان تتقبلوا كلامى
 

ارجوا ان تتقبلوا كلامى بصدر رحب
الصراحه انا بستغرب جدا من اهتمام البعض بموضوع اليوتيوب دا
يعنى انا عمرى ما هفكر اشغل يوتيوب من الريسيفر حتى لو اللاب توب بتاعى اتكسر
يعنى الصراحه موضوع اليوتيوب دا مش عارف ليه بيضايقنى
ارجوا ما اكونش ضايقت احد بكلامى
لكن الصراحه من 3سنين وانا بدخل الموقع وبستغرب جدا من سؤال البعض عن اليوتيوب وعن حالة الجو !
يعنى حاجات بعيده كل البعد عن مستخدم ريسيفر
وانا من رأيى ان اهم الاشياء الى الواحد بيهتم بيها هى
1-هارد وير الجهاز (هل الجهاز بيتلف بسرعه ام لاء وهل بيهنج كتير ولا )
2-هل هو اتش دى وصورته كويسه ؟
3-هل بيشتغل عن طريق فلاشات المودم عشان لو معنديش نت او لو خدته مصيف ؟
4-هل ليه دعم فنى وبينزله سوفتات
5-مدخل اليو اس بى عشان التسجيل
طبعا انه يكون بيدعم تشغيل الويرلس حاجه جميله برضه واضافه لمميزاته
كده يعنى
لكن تقولى هو فيه ساعه ولا لاء
ولا اليوتيوب مش عارف ماله ولا حالة الجو مش شغاله
الصراحه كنت اتمنى الجوكر ما يكونش فيه الاوبشنات الزياده دى لعدم اهميتها لمستخدم ريسيفر لمشاهدة القنوات
اتمنى ماحدش يضايق منى من المهتمين بالاوبشنات دى لكن دا رأيى

رأى ولابد من احترامه

ربنا يخليك يا باشمهندس على تقبلك رأيى

اناا اهتم فقط انه يفتح القنوات المشفرة ويدعم قنوات الاتش دي

وخاصية التسجيل علي الكمبيوتر

فعلا انا كنت استغرب الامر ده لكن بعدين تاقلمت معه لدرجة اننى اصبحت ابحث معهم
عن اليوتيوب فى السوفت على اى حال هو دليل على جودة السوفت

انت من تستاهل التحيه مهندسنا الكبير حماده
وشكرا على ردك الجميل

اليوتيوب فيه افلام جديده ممكن تشغلها على الرسيفر يعنى مهم برضه حاجه فاتتك قبل كده هتشوفها وصورتها كويسه اغانى فديو كليب مباره يعنى فيه كل شى مفيد وتحياتى لحضرتك

الشاشات الحديثة السمارت نازله بخاصية اليوتيوب لاهميتها عند البعض فى ناس تفضل تشوفه على الشاشة الكبيرة بدلا من الكومبيوتر احيانا يكون الاولاد محتلين الكومبيوتر ولا يمكن باى حال مشاهدته الا من خلال الشاشة او الريسيفر وهو عليه كل الفديوهات التى ترفع ع الانترنت لذا مهم جدا للشاشات والريسيفرات فهى مخصصة لعرض صوت وصورة

جميع الاراء تحترم كلا علي هواه

شكرا يا جماعه ع ارائكم الجميله والمفيده
خاصة معلومة ان اليوتيوب بيشتغل بسرعةنت عاديه
لانى كنت فاكره بيشتغل بسرعه عاليه
وكمان ان اصلا بيجيلى افلام جديده كتير اوى وعمرى ما اتفرجت ع حاجه منهم
فواضح انى انا الى استخدامى مختلف عن الناس
عامة شكرا لردودكم الجميله وارائكم المفيده الى خلتنى افكر انى استخدم اليوتيوب