رشحولى تلفزيون
 

بعد ازن الاخوة الاعضاء
عاوز اشتري تلفزيون ومحتار بين نوعين
الاول بلوتو 39 بوصة lcd
والثانى 40 بوصة جلاكسى led

كلهم صينى انصحك بسمسونج

اخى جلاكسى توكيل سامسونج

الاتنين اسوء من بعض وانصحك اما lg او سامسونج سواء ال سي دي او ال اي دي
والاعلي led والمزايا للنوعين متقاربة لكن دقة الالوان في lg اروع من السامسونج والاخيرة في تقنيات الصوت والدعم والنت افضل

طبعا يا غالي led افضل ولكنها اغلي
والفرق بين led & lcd فى الاضاءة
تكون اعلى وأوضح فى led وذلك عن تجربه
وكان لي صديق اشتري lcd ورجعها تانى علشان يجيب led لانها معجبتهوش
وعموما انا ممكن انصحك تجيب شاشة lg led 3d تحفة وثلاثية الابعاد
والشاشة دي عنديوملهاش حل
وسعر الـ32 بوصه 3200 ومعاها رسيفر اتش دي هديه وحامل و11 نظاره
وسعر الـ 40 بوصه 5000 ومعاها نفس الكماليات

اذكر سعر الشاشتين اخي
لنحسب السعر بالنسبه للمواصفات

نوع اليسفر ايه وياترى فاتح قنوات مشفره؟؟

عشان ناوي اشتري كمان اسبوعين ان شاء الله بس ناوي اجيب سامسونج

بصراحه 32 بوصه ثري دي

اخواتى بلوتو 37 بوصة عامل 2560 جنية وضمان 3 سنوات تشغيل فيديوا ومداخل hdmi
تلفزيون جالاكسى 40 بوصة led عامل 3200 وبضمان سامسونج

من الأخر لو ناوى تجيب LCD أو LED ماتجيبش غير واحد من إتنين sony أولا أو panasonic ثانيا ولو فرضنا طلع سعرهم غالى عليك هات LG وإبعد عن SAMSUNG لأن صيانته مكلفه لاقدر الله لو حصل اى عطل فيه ومش فنى يصلحه

ال جي افضل من سامسونج وذلك عن تجربة لاني اشتريت النوعين ومن ناحية الهارد وير ال جي افضل بكثير

يا اخي الفاضل lg led 3d home cinema روعة كما قال لك الاخ باعلي وفعلا شئ خيالي ان الامكانيات دي بالسعر البسيط دا ومعاها رسيفر اتش دي هدية دا عرض جديد لكني اخر مرة سألت عليها كان العرض 6 نظارات فقط وكان 42 بوصة 5500

نصيحة ماتشتريش السامسونج وخليك فى lg
وتعتبر افضل شاشات ثلاثية الابعاد هيه lg
باللاضافه انها ارخص من السامسونج

الاسعار اللى انا كاتبها والعرض بسعر اليوم
1*2*2013
غير ان التوصيل للبيت مجانا

http://tv.toptenreviews.com/led-tv/

انا عن نفسى انصحك يا غالى تنزل مول فيه الانواع كلها او اكترها , و تشوف الفرق بعينك .
انا لما جيت اشترى كان السونى اعلى حاجه , بس اغلى ثمن
و شوفت اربع او خمس انواع تانيين , و حصرت المفاضله ما بين باناسونيك و سامسونج , و للامانه كانت صوره الباناسونيك افضل فى الرؤيا و الصوت , انما السامسونج كان افضل فى ان فيها مخرج يو اس بى , انما الباناسونيك كان اس دى كارد زى الكاميرا كده , و دى ما كانتشى مشكله عشان انا موصل الكمبيوتر باتش دى ام اى كابل

اخيرا الباناسونيك يابانى و ضمان 5 سنين, عكس السامسونج كورى و سنتين بس .
الباناسونيك هتلاقيه اغلى 200 جنيه , مش كتير يعنى

اخر حاجه برضه احب اقولهالك انزل المووول و شووف بيبقو عارضين فيديو على اكتر من عشر شاشات , كلهم نفس الحجم عشان فعلا هتلاقى فى فرق فى وضوح الصوره جامد, حتى لو بدلت البورت الصوره ما بينهم

و الله الموفق و المستعان

الف شكر للجميع على المعلومات القيمه
طبعا انا عامل ميزانية تتراوح بين 3000 الى 4000 جنية
وكنت محتار بين led smart FHD او LED FHD ولقيت الفرق حوالى 1000 جنية فكرت اجيب led full HD وبعدين ابقى اشترى تابلت وابقى اوصله بالتلفزيون
اتمنى لو فيه موديل معين انت عارفينه سواء من LG او Samsung