استشاره كده يامصراويه
 

السلام عليكم
انا بشتغل سباك ومعايا صنعه
وانا خريج كليه تجاره جامعه القاهره
وطبعا الدنيا وقفه ومفيش شغل كويس
فهل كده الواحد يسيب الشغل بتاع السباكه ويدور علي شغل في مجاله
وطبعا لما اجي اتقدم لوحده تعليم عالي علشان اتجوز ممكن مايعجبهاش اني شغال سباك
فعمل ايه طيب
وانا دورت علي شغل بلاقي بمرتب بسيط ولكن السباكه مرتبه مناسب ليه
وتاني حاجه اني لما بدور علي شغل بعطل نفسي يوم كامل
وانا عندي 23 سنه
فعمل ايه
اكمل في السباكه وابقي سباك
ولا اسيبها وادور علي شغل تاني في مجالي اوقريب ليه
افيدوني يا مصرويه

نصيحة من اخوك الذى بدا من الصفر والحمد لله امتلك شركة تجارية خليك فى السباكة وحاول تتصرف فى فلوس وتفتح محل بجوار الصنعة ولو هتشارك حد والايامدى كل الناس الى شغاله فى الحرف مؤهلات فلا تنظر للمظاهر وهتلاقى بنت ناس تقدرك الاعمال الحرة افضل شى فى مصر

لا تنظر للمظاهر وهتلاقى بنت ناس تقدرك الاعمال الحرة احسن

عمل السباكة عمل شريف والانسان باخلاقة مش مهنتة واخد لبنتى واحد يتقى ربنا فيها اهم من انة يكون دكتور ويبهدلها المهم يعيشها مستورة وبلحلال عندنا فى دمياط كلة اخد شهادات ويعمل نجارين وربنا يوفقك لبنت الحلال

ويعنى لازم واحدة تعليم عالى وبعدين الناس دلوقتى مبقتش تبص للتعليم بقت تبص للصنعة فقط لا غير

الزواج فى النهايه قصمه ونصيب يعنى الى ربنا كتبهالك هتخدها سيان انت سباك او رئيس الجمهوريه .المهم ان الى تتزوجها تتزوجك لشخصك مش لمهنتك . والرسول (ص) قال اظفر بزات الدين وقال. النبي صلى الله عليه وسلم قال : ** الدنيا متاع وخير متاعها المرأة الصالحة ; إذا نظرت إليها سرتك وإذا أمرتها أطاعتك وإذا غبت عنها حفظتك في نفسها ومالك } .