مصراوى سات - غزل ف خروف العيد

http://www.oocities.com/hollywood/hi...9/SheepAni.gif

يا خروف العيد

يا سمين

يا ابو ليا

يا حبيب و بعيد

أه يا غالى عليا

بحلم يجي يوم

وتكونلى ضحية

وعلى أنجر فته

أه يا عينى عليا

آكل و اتسلطن

و أغمى عنيا

عن أى عزول

حيشاركك فيا

يا خروف العيد

يا سمين

يا ابو ليا

أنا ناوى النية

راح امزمز فيك

هسلق واشويك

و ابظ عنيك

و ازلط كلويك

وفخادك ديا

راح تبقا أنيسى

فـ سهر لياليا

يا خروف العيد

يا سمين

يا ابو ليا

مأمأ سمعنى

أجمل أغنية

دانا ياما حلمت

بمأمأتك ديا

مأمأ و اشجينى

يا محلى سنينى

يا أجمل أمنية

مأمأ واطربنى

و انطح و اضربنى

مهو بس ثوانى

و حخلص تارى

و هتصبح ليا

يا خروف العيد

يا سمين

يا ابو ليا

مشتقلك شوق

عطشان للميه

و اسمع يا خروف

إن كنت ضحية

أنا برضو ضحية

لشلة حرامية