سؤال اخير لسيادة المستشار احمد علي
 

شكرا لك علي اهتمامك بأسئلة الاعضاء يا سيادة المستشار بس انا اكنت عاوز اتأكد من حضرتك ان القوانين هي هي ولم تتغير يعني هل لازال حتي اليوم من لم يسمع سلاحه ولو يتم تصويره للكارنيه يعتبر متخلف ولا اختلفت القوانين ؟! كذلك انا جالي كلام ان دلوقتي بقت غرامة وحبس بعد تولي الفريق السيسي لوزارة الدفاع .. انا والله العظيم متخلف غصب عني انا اصلا مريض عصبي من 7 سنوات والدكاترة ملتفتوش لحالتي حتي ف الحلمية وكمان تم فصلي من كلية الهندسة عشان الجيش وانا مسقطش فيها ولا سنة وجايب تقدير كويس هل ده ممكن يخفف العقوبة علي ف المحاكمة ولا برضه الظلم كمان حيبقي ف المحاكمات بتاعتهم ؟! اسف ع الاطالة وارجو الرد

لم يتغير شيء اخي الفاضل لان الحكم هو الحبس او الغرامه والقاضي بالخيار بين الحكمين واغلب احكام التخلف هي الغرامه من 2000 الي 5000 واذا كان هناك اعذار مرضيه قويه يكون ذلك سبب في تخفيض الغرامه ومن لم يستكمل باقي الاجراءات من تصوير او استلام كارنيه او ترحيل فيعتبر متخلف وبعد سن الثلاثين من الممكن ان يتقدم لمحاكمه عسكريه بعد ان يستوفي الاوراق المطلوبه .

سيدي المستشار شكرا علي اهتمامك وربنا يجعله ف ميزان حسناتك ان شاء الله انا كان ليا استفسار اخر له علاقة بذلك الموضوع انا دلوقتي مفصول من الكلية بسبب موضوع التجنيد ده وحفضل كده لحد ما اجيبلهم موقف اعفاء من التجنيد يعني لسه كمان سنة وشهرين وانا لسه ف تالتة هندسة مفيش اي طريقة عشان احضر ف كليتي بدون الموقف ده زي مثلا امضيلهم علي اقرار اني مش حستلم شهادة البكالوريوس غير لما اجيبلهم شهادة التجنيد بس يسيبوني احضر بدل السنين ال بتضيع من عمري ع الفاضي دي ؟؟؟!!