الاستاذ سمير محمد
 

لماذا حضرتك تم حذف الملفات اللي في المشاركة التاليه وكمان عدم توضيح السبب ممكن اعرف وبعدين حضرتك جربت هذا الملفات

http://www.masrawysat.com/vb/showthr...=1#post4939455

ياغالى دة كلة وموضحتش السبب

شكرا لحضرتك وأنشاء الله لن ارفع اي ملف قنوات تاني ولا حتى ادخل على هذا المنتدى وياريت يتم شطب العضوية بتعتي وكمان في حاجه اسمها 64_64 في اللودر انا بعملها في اي جهاز وانا متأكد ان الملف بتاعه الف شكر لحضرتك

طيب ازاى تعرف ان فيه حاجه اسمها 64_64 ومتعرفش ان الجهاز ليه اكثر من اصدار والاستاذ سمير حذف المرفقات تجنبا لحدوث اى مشكله للجهاز لان فى النهايه فى حاجه اسمها مشرف ومراقب القسم وهو مسؤل عن ذلك وبخصوص مشاركتك فى المنتدى فانت حر والمنتدى تحت امرك فى اى وقت

شكرا لحضرتك أستاذ محمد على المشاركة والمرور الطيب وبالنسبه للاستاذ سمير له كل الاحترام والتقدير وانا أسف جدا له بس المفروض كان يعرفني الفرق ويرفق اي شيء يوضح لنا الفرق علشان نعرف ومنغلتش ونرفع ملفات غلط شكرا لحضرتك مرة تانية

حصل خير ان شاء الله شكرا لك اخي على المرور الكريم شرفني مرورك

ولا يهمك يا غالى والاستاذ سمير انسان محترم جدا والله مش عشان زميل ولكن عشان هو بيساعد بامانه وباخلاص ولما حذف المرفقات حذفها خوفا من ان اى عضو يحمل ملف بطريقه غلط فجهازه يقف وكانت النتيجه ان العضو هيقول كلام مش ظريف عليك انت كصاحب الملفات وعلى الاستاذ سمير كمراقب للقسم وشكرا لتفهمك اخى الكريم وكما وضحت لك المنتدى تحت امرك فى اى وقت

بص ياغالى انا عايز اسالك كام سؤال وياريت ترد علية بكل امانة
لو انت لسة مبتدا ومتعرفش موضوع التحميل على وضع userdb وطلبت ملف وواحد ارفق لك ملف خطا وانت حملتة وحصلت مشكلة للجهاز هيكون ردك اية على صاحب الملفات اللى رفعها لك وعلى فكرة فية اجهزة عنيدة لو اخدت ملف غلط مش هتشتغل تانى الا بشحن او تغيير الفلاشة
ثانيا هل كل الاعضاء بتعرف حكاية التحميل على وضع userdb ام لا
ثالثا ياغالى الاشراف دة امانة ولابد وان نكون اد الامانة دى وانا وانت بنساعد لوجة الله فهل انت ترضى ان حد يرفع لك ملف يعمل مشكلة فى جهازك واحنا فى غنى عنها
وكمان فية اجهزة كتيرة ليها اكتر من اصدار يعنى الجهاز اللى انت رفعت ملفاتة دة لية 3 اصدارات الاول فلاشة 512 ولا تعمل على الاصدارين التانيين اما التانى فلاشة 832 والتالت فلاشة 1 ميجا والاصدارين دول بيشتغلوا على بعض بدون مشاكل حتى لو تم التحميل على الوضع allcode
اتمنى ان تكون وصلتك وجهة نظرى وما تزعلش منى

تمام الله ينور ربنا يبارك فيك

وعلى فكره الاخ محمود انسان محترم من غير ما اعرفه بس انا بدخل كل يوم وبلاقى انه بيحاول يساعد اى حد وكلنا بنخدم لوجه الله

تمام ياغالى بس تفرق لما نخدم لوجة الله عن دراية واننا نخدم لوجة الله بدون دراية كاملة لان الاجهزة الصينى دلوقتى بقت تحير الفنى نفسة بينزل منها اصدارات كتير وبنفس الاسم ولذلك لما عضو بيطلب ملف قنوات بنقولة اسحب السوفت علشان يرجع لة لو قابلتة اى مشكلة

كلام تمام استاذ محمد واناعن نفسى لما بيجى جهاز جديد معرفوش بعمل له سحب وبديله الملف على usrdb64_64 ,وساعات علىall codeولما بيقف برجعه تانى لكن فيه ناس زى ما انت قولت متعرفش وربنا يباركلك ويجعله فى ميزان حسانتك

شكرا لحضرتك يا أستاذ محمود على الرد والكلام الطيب منك وبجد انا أسف جدا جدا على اللي حصل مني وأكيد طبعا الاستاذ سمير راجل محترم وعلى خلق عظيم والله انا محرج جدا منك ومنه بس الانسان مش معصوم من الخطأ
انا بشكر حضرتك جدا على اهتمامك بيا وجزاك الله كل خير وأسعدني مرور حضرتك الكريم خالص تحياتي لك

الاول السلام عليكم يا أستاذ سمير و أرجو من حضرتك قبول اعتزاري وانا فعلا علطان من ساسي ل راسي ومعاك كل الحق في كلامك وانا والله ربنا يعلم كنت عايز أساعد وعملت الملفات دي على جهاز عندي وسحبها ملف ملف بس للاسف انا فعلا مش عارف الجهاز ده فرجن كام بس والله أعلم هو الدفعة الاولى علشان بتاع واحد جار ليا وعنده من اول لما ظهر في السوق
بس المهم انا مش عايز حضرتك تزعل مني علشان حضرتك راجل محترم جدا
ولو زعلت مني هبقى هبقى خسران ومينفعش الواحد يخسر راجل محترم مثلك انا أسف جدا وخالص تحياتي لحضرتك