موقف تجنيدي معقد ارجو من سيادة المستشار الرد
 

السلام عليكم
انا قدمت ورقي ف التجنيد من 5 شهور واتقبلت ف الكشف الطبي بالرغم من اني مريض من 7 سنوات"نفسية وعصبية حادة" والدكاترة مانعني حتي من البيات برة البيت .. عملت تظلمات طبية ومفيش فايدة برضه صليت استخارة و مروحتش يوم السلاح وسني دلوقتي 28 سنة .. اصيب والدي بازمة قلبية حادة و سيتم احالته للمعاش المبكر لعدم القدرة علي مزاولة العمل وسنه دلوقتي 58 .. هل ممكن اني اعمل كبير عائلة بعد التخلف اللي عملته من الجيش ؟..مع العلم انا اخواتي كلهم متجوزين ماعدا اصغرنا لسه متخرج السنة دي وعنده 22 سنة ولو طلع ينفع بس اعمله ف حالة ان الاخوات الاصغر كلهم متجوزين هل ممكن انه يتجوز ولو حتي علي الورق عشان اعمل كبير العيلة ؟! .. ارجو الرد ضروري لان حالي واقف والله وفاضلي سنة واحدة ف الكلية ومش حعرف اخلصها من غير شهادة الجيش
اسف ع الاطالة وجزاكم الله كل خير

اخي الفاضل ............................. بعد التحيه
عليك الانتظار حتي تبلغ من العمر ثلاثون عاما وتتقدم لمحاكمه عسكريه وسوف يتوقف الامر علي غرامه من 2000 الي 5000 الاف جنيه وغالبا 2000 جنيه ان شاء الله لانه لا تجنيد بعد سن الثلاثون عاما ..... او تتقدم للتجنيد مره اخري وتحاول ان تقدم مايفيد طبيعه مرضك وان شاء الله يتغير موقفهم تجاهك وحتي لو تم قبولك فمن الممكن المطالبه بتحويلك لتوقيع الكشف الطبي عليك في اي مستشفي عسكري ومن الممكن عدم الاستمرار بالتجنيد بعد عمل لجنه رفت طبي ............ اما موضوع عائل للاسره فلا ينطبق عليك ............. ولك الخيار اخي الفاضل وتمنياتي لك بالتوفيق

يسلم فمك يا سيادة المستشار ... انا كنت عاوز اسأل نفس السؤال وحضرتك سبقتنى وجاوبت .. مشكور على مجهودك العظيم والى الامام