[aly_taher76]

المشاركة الأصلية كتبت بواسطة ادهم محمود يوسف

السلام عليكم ورحمة الله وبركاته وكل سنة والجميع بخير ورمضان كريم وعيد فطر مبارك عليكم جميعاً
من الحاجات اللي لازم الانسان يعترف بيها هو فضل الغير عليه بعد ر بنا وانا بعد ربنا عز وجل كان الفضل لمصراوي سات وكل اساتذتنا الكرام اللي علمونا من الالف للياء لحد مابقيت فاهم حوار الانيجما ده كويس (من وجهة نظري) والحمد لله .. أما بعد


انا بالصدفة قابلت بلاجين بيحدث ***** الفيدات لوحده ف قولت لازم انقله لمنتدانا

بسم الله الرحمن الرحيم

ده رابط البلاجين علي الموقع الاصلي بتاعه للي حااب يراجع او يتأكد
https://www.linuxsat-support.com/thr...utokey-plugin/

انا شخصياً جربت البلاجين علي ترومان بريمير +1 علي عدة صور منها اوبن بلي 5 وبلاك هوول كان بيعمل كراش علي كل الصور وماشتغلش
لحد ماجربت صورة OpenAtv 6.2 الصورة الوحيدة اللي اشتغل عليها كويس وكانت التجربة امبارح علي فيدات نهائي دوري الابطال وشغلهم كلهم بلا استثناء


فكرة عمل البلاجين (زي مافهمت وممكن اكون غلطان)

البلاجين بيشتغل بالنت لازم يكون في نت في الريسيفر وان البلاجين متصل بموقع Sat-universe وانه بيجيب ******* من الموقع ده يعني اي فيد بينزل علي الموقع ده البلاجين بيجيب شفرته اوتوماتيك


طريقة تسطيب و تشغيل البلاجين


حمل البلاجين من المرفقات (البلاجين بصيغةIPK) وسطبه من خلال دريم اكسبلورر او من برنامج DCC زي مابتسطب اي بلاجين عادي واعمل ريستارت (اعادة تشغيل) للريسيفر

*اهم خطوة لتأكيد عمل البلاجين* انك في ملف Oscam.conf او ملف Ncam.conf تغير البورت ل 8888 في قسم WEBIF زي الصورة كدا

مرفق مع البلاجين ملفين واحد Ncam.conf وملف Oscam.conf لو حد عاوز يبدلهم علي طول من غير مايغير حاجه ويتعب
ترسلهم لمسارهم var/keys و مسار etc/tuxbox/config وتوافق علي الاستبدال وتعمل اعادة تشغيل للريسيفر تاني
وكدا البلاجين تم تثبيته وكله تمام


طريقة العمل بقا

تفتح البلاجين عادي من القائمة وبعد مايفتح هيبقا قدامك بالشكل ده بس جايب شاشة سودا عشان الفيد لسه ماشتغلش
https://www.linuxsat-support.com/gal...6-bd4826fa.gif
بعد مايفتح كدا هتدوس عالزرار الاخضر هيعمل ابديت (تحديث) لشفرة الفيد هتسيبه شوية حوالي خمس ثواني او عشر ثواني هتلاقي الفيد اشتغل لو لاقيته ماشتغلش معاك ممكن تقلب لاي قناة مفتوحة علي نفس القمر وترجع للفيد تاني او انك ترتستر الايمو اللي شغال بيه وهتلاقيه اشتغل ان شاء الله

تم بحمد الله وانا مع حضراتكوا ممكن ارد علي اي سؤال لو عارف اجابته

*ملحوظة* البلاجين مكتوب عليه "لمحبي الفيدات وليس لصائدي الفيدات"

الله ينور استفسار خارج البلجن ؟؟ حضرتك بتقول جربت تستقبل فيدات على اوبن بيلى 5 ؟؟ انا بستقبل كل الفيدات الخاصة بالرسيفرات مش كروت الستالايت صوت فقط ؟؟ فيه حل ؟؟