[محمودماهر]

لو ساكن قريب من السطح اشترى اى نوع سلك مش هاتفرق اما لو ساكن فى الدور الاول او التانى هنا بقى هاتتعب شويه فى اختيار نوع السلك هو كل السلك اللى فى السوق مضروب حديد مطلى بالنحاس انا انصح تشترى السلك التقيل سيبك من اللى مكتوب عليه اسبانى او ايطالى المهم الخامه يعنى السلكه اللى فى المنتصف تخينه مش رفيعه والشبكه كامله فيها شعيرات كتير والغلاف الخارجى مايكونش طرى قوى علشان مايتقطعش بسرعه
بالنسبه لسلك السويدى فده نحاس صافى واقل حاجه فيه 100 متر بسعر اكثر من 300 جنيه انت الطبيعى بتاعك هاتحتاج فى المتوسط 50 متر بس ومش هاترضى تشترى سلك انت مش هاتحتاجه فا هاتصرف النظر عن شراء سلك السويدى
انا لفيت العتبه كلها مالقتش فيها غير السلك الصينى تليفاز وغيره وفى الاخر اشتريت سلك اسبانى ماركة ViSSO V200is لفه 30 متر المتر ب2ج ابيض وتقيل حديد ملطلى نحاس برضو المهم ان نسبة النحاس فيه تقيله مش خفيفه
اسف للاطاله بس انا حبيت احكى تجربتى علشان الناس تستفيد وماتتعبش فى تغيير السلك كل شويه طلوع ونزول من السطح وتراب وبهدله