حان وقت الموادع .. القنص راح وقته
لملموا عزبة البر .. واصفطوا كل خيمة
الحزن في عيوني .. عن ربوعي كتمته
والفرح في خفوقي .. صار فرحة يتيمة
وابـكي البـر وابـكي .. نارنـا لاشـعـمتـه
وابـتدى النور يسري .. باللـيال الظليمة
وابــكي رجــال عـز .. بعدهم ماحتـملته
اهل نخـوة وفزعة .. ِ والفعول العظيمة
أعشق القنص والبر..عشق مايوم خنته
عــايش عقب ماقبل .. فــي حـياة أليمة
يــالله اجــبر عزانا .. في زمان عشقته
ابـــتدى بالنهـــاية .. صار ذكـرى قديمة
|