[حسام مشعل]

قال محللون بقطاع الاتصالات المصري، إن هناك توقعات قوية بتغير خريطة سوق الانترنت، حال إلغاء الحكومة الدعم المقدم للشركات العاملة في السوق.

وطلبت الشركة المصرية للاتصالات المملوكة للحكومة المصرية بنسبة 80%، من الجهاز القومي لتنظيم الاتصالات، إلغاء الدعم الذي تقدمه إلي مزودي الإنترنت، الذين يؤجرون البنية الأساسية للمصرية، من أجل تقديم الخدمات إلي العملاء.

وقال الرئيس التنفيذي للجهاز القومي لتنظيم الاتصالات عمرو بدوي، "تسلم الجهاز طلبا من المصرية للاتصالات بإلغاء الدعم عن شركات الإنترنت".

وأضاف بدوي "ننتظر قائمة جديدة للأسعار التي ترغب المصرية للاتصالات في طرحها، والتي سيتم على أساسها محاسبة الشركات العاملة في السوق".

[مالك المصرى]

طبعا والشركات مش هتدفع فارق هذا الالغاء وهييجى كله على دماغ المشتركين الغلابه اللى زى حالاتنا ؟

[Dr.JaMBo0o]

يالهووووي ع المصايب اللي ورا بعضها

[mohamed.abdoo]

ده كده استهبال يعنى انا لوحدى بدفع 95 جنيه فى الشهر بالعافيه
دا الواحد بيقدر يدفع الاشتراك المدعم بالعافيه هيعمل ايه لما يلغوا الدعم يمنعوا النت بقى ويريحونا او يسيبونا فى حالنا على كده

[sonic_aaan]

كدا الدنيا هتغلى فى الاتصالات

[المهندس /هاني عطية]

مشكووووووووووور مشكووووووووووور

[heshamzn]

يا دى النهضة

[golf1979]

غريب أمرنا نحن المصريون أصبحنا نكره بعضنا البعض بسبب الاعلام الماجور
ولو الشخص منا صحى الصبح ومراته نكدت عليه حيشتم رئيس الجمهورية
والاخوان كعادتنا نحن المصريون نريد ان نعلق عيوبنا ومساؤنا على شماعة الاخرين
-
نرجع لموضوعنا
المصرية للاتصالات كانت تمتلك شركة المحمول الوحيدة فى مصر
ولكن باعها مبارك لساويرس بتراب الفلوس كما نعلم جميعا
الان المصرية للاتصالات تريد أستعادة جزء من ما تم بيعه مجانا لامبراطورية ساويرس
وشركاته ومنها شركة link.net وغيرها من الشركات العاملة فى مجال الانترنت
ومنها حق تاجير البنية الاساسية للمصرية للاتصالات من خطوط وسنترالات و و

وعلى الشركات العاملة فى مجال الانترنت ان تدفع مقابل مادى يدخل خزينة الدولة
نظير تاجير هذه الادوات المملوكة للشعب وشركاته العامة والتى لولا الثورة
لكانت بيعت هى ايضا عن طريق الخصخصة والتى كانت قد وصلت لحالة
(( المصمصة ))

[ahmd2410]

كلامك جميل جدا بس المشكله مش فى الكلام ده المشكله انا اعمل ايه فى الاسعار النظام الرئاسى هو المسئول الاول عن ارتفاع الاسعار فى كل حاجه
وانا ميلزمنيش مين راح فين والاكلام الى ميفيدش اناكمواطن يهمنى اعيش

[عماد رياض]

لا محدش يخاف مش هيحصل لان شركات النت مش عبيطة تعلى الاسعار لان ببساطة ممكن المشتركين تهرب منهم لشركات المحمول الى هتعمل عروض بتالى على الفلاشات للنت ثانيا هيكون عودة وبقوة للشبكات مع بعض وهتخسر شركات النت لو تم توصيل شبكات عن طريق مشترك واحد ولعدد اشخاص انما ممكن شركات النت تعوض الخسارة بانها تسحب من اصحاب السرعات العالية وتدخل اشخاص بتلك السرعات لتعوض الفرق

[a-s-h]

نت ايه وزفت ايه هو فيه نت في مصر ازبل سرعات وأغلى اسعار في العالم
قارن بين مصر وكل الدول وشوف الفرق

[meroemyras]

المشاركة الأصلية كتبت بواسطة golf1979

غريب أمرنا نحن المصريون أصبحنا نكره بعضنا البعض بسبب الاعلام الماجور
ولو الشخص منا صحى الصبح ومراته نكدت عليه حيشتم رئيس الجمهورية
والاخوان كعادتنا نحن المصريون نريد ان نعلق عيوبنا ومساؤنا على شماعة الاخرين
-
نرجع لموضوعنا
المصرية للاتصالات كانت تمتلك شركة المحمول الوحيدة فى مصر
ولكن باعها مبارك لساويرس بتراب الفلوس كما نعلم جميعا
الان المصرية للاتصالات تريد أستعادة جزء من ما تم بيعه مجانا لامبراطورية ساويرس
وشركاته ومنها شركة link.net وغيرها من الشركات العاملة فى مجال الانترنت
ومنها حق تاجير البنية الاساسية للمصرية للاتصالات من خطوط وسنترالات و و

وعلى الشركات العاملة فى مجال الانترنت ان تدفع مقابل مادى يدخل خزينة الدولة
نظير تاجير هذه الادوات المملوكة للشعب وشركاته العامة والتى لولا الثورة
لكانت بيعت هى ايضا عن طريق الخصخصة والتى كانت قد وصلت لحالة
(( المصمصة ))

باردو سويرس نفسى أفهم بجد بيتعبك نفسيا و متغاظ منو اية ؟؟؟
و اشمعنا لينك ؟؟؟؟ مقلتش اسامى الشركات التانيةً
تى اي ديتا شركة حكومية تابعة للمصريةً للأتصالات تمتلك 70 ٪ من سعة الانترنت اصلان هيا قلى بتركب الشباكات النت لجميع الشركات يعنى هيا قلىً متحكمة فى كل حاجة

مال بءا موبينيل و لينك و سوايرس ؟؟؟؟؟؟ بالموضوع وهيا مش موبينيل دى بردى بتاعت فرنس تيليكم ؟؟؟؟؟
فعلان لازم تعلءو فشلكو على مبارك و فلول وأى تعصب متخلف

[طه ياقوت]

يانهار ابيض هي ناقصة

[ناصر الشرقاوى]

يلا اهو ده اللى كان ناقص النت هو كمان خليها تخرب من كله

[محمد البشروان]

الحق اخزن شوية نت على الجهاز احسن يشح
حسبي الله ونعم الوكيل