[KHALED19M61]

عندى 2 ريسيفر كيوماكس سيناتور والاخر توبفيلد
انقطعت الكهرباء وجاءت عالية فاجئة والريسيفرات طبعآ عطلت
فتحت التوبفيلد5000 ci قديم وجدت الفيوز ضارب غيرته ضرب تاني كل اما اغير الفيوز الجهاز ينور وفى نفس الوقت الفيوز يضرب مش عارف اعمل ايه
اما السيناتور فوجدت بديل الفيوز ولكنى لا اعرف اسمه وهو يشبه المكثف ولكن صغير جدآ وعلىه نفس رقم الفيوز اللى مكتوب على الجهاز الاخر وجدته متفحم تقريبآ ولكنى لم اجد البديل لكي اغيره
ارجو المساعدة ضرورى حيث وجدت اجهزة اخرى في الشقة مش شغالة بسبب الكهرباء الزيادة !!! حسبي الله ونعم الوكيل في المسؤلين عن الكهرباء
يغلو سعر الكهرباء ويحرقوا لنا الاجهزة

[مهندس محمودعبدالحميد]

بص يا غالى دائما مثل هذه الاعطال الناتجه عن الكهربا الزياده لا يتلف فى دوائر البور غير الفيوز والسليكونات والبفه الزرقا الموجوده على خط الفيشه على طول ودى ممكن تتلغى وطبعا المكثف الكبير ودا بيتعرف من شكله وبيبقى منفوخ جامد

[KHALED19M61]

اولآ اشكرك على الرد واهتمامك بالمشكلة
انا غيرت اكثر من 5 فيوزات في جهاز التوبفيلد وكلها ضربت هل اغير شىء آخروعلى فكرة المكثفات كلها لا يوجد بها اي انتفاخ

[مهندس محمودعبدالحميد]

يا غالى اقرا ردى كويس تانى وطالما الفيوز بتضرب يبقى السليكونات فيها مشكله ودا اكيد وعن تجربه لان الموضوع دا بيحصل عندنا كتير قوى ويا ريت يا غالى تشتغل على السريا عشان تضمن اى خطوره تحصل معاك

[الاستاذ1]

اخى الغالى بالنسبة للجهاز الاول كما اشار م-محمود عيب سلكونات والبفة الحماية اللى على ac

[KHALED19M61]

اشكرك جدآ جدآ يا عزيزي على سرعة الرد
وساعمل بالنصيحة وجزاك الله كل الخير

[الاستاذ1]

المشاركة الأصلية كتبت بواسطة مهندس محمودعبدالحميد

يا غالى اقرا ردى كويس تانى وطالما الفيوز بتضرب يبقى السليكونات فيها مشكله ودا اكيد وعن تجربه لان الموضوع دا بيحصل عندنا كتير قوى ويا ريت يا غالى تشتغل على السريا عشان تضمن اى خطوره تحصل معاك

تمام م/ محمود العيب لن يخرج فيما اشارت اليه لك منى ارق التحيات

[مهندس محمودعبدالحميد]

المشاركة الأصلية كتبت بواسطة الاستاذ1

تمام م/ محمود العيب لن يخرج فيما اشارت اليه لك منى ارق التحيات

تسلم يا غالى للمتابعه ويا ريت نشوفك معانا هنا على طول كالعاده وربنا يجازيك خير ما تفعله

[ابوخالد المصري]

متابعه رائعه اخواني

[KHALED19M61]

يعنى من الاخر يا جماعة اغير السيليكونات الاربعة اللى جنب المكثف الكبير

[مهندس محمودعبدالحميد]

بص يا غالى المشكله كما وضحناها لك ولو حضرتك مش متمكن فى امور الصيانه فمن الافضل الذهاب بالاجهزه الى اى فنى ماهر او مركز صيانه حفاظا عليها وعلى حضرتك وارجوا ان لا تغضب من كلامى

[ABo 3AHD]

متابعه طيبه اخواني انا معاك اخي بان يذهب لمركز صيانه حفاظا علي شخصك اخي الكريم

[islam_mohsen]

الله ينور اخواني ....... وبالفعل يفضل الذهاب به الي مركز صيانة مختص حفاظا علي سلامته وسلامة الجهاز

[عمر نبيه]

انتو كده بتحرجوه يا جمعه

[ABo 3AHD]

المشاركة الأصلية كتبت بواسطة عمر نبيه

انتو كده بتحرجوه يا جمعه

يعني انت جاي ترد علي موضوع قديم
عشان تقول الكلمتين دول