[mahmoud_dish]

بسم الله الرحمن الرحيم

اخواني الأعزاء أنا بقدم اقتراح بشأن فلاشة Daly Star 1100 HD New ومشكلة الجهاز المستعصية بسبب الفلاشات والملفات الخاطئة اللي الناس حملتها للأجهزة وفصلت نهائي ، المهم فلاشة هذا الجهاز غير موجودة نهائي على أي منتدى ومحدش يتعب نفسه مش هيجدها نهائي لأنها محتكرة للأسف من مركز دالي إكسبورت ، فأنا بقترح اقتراح عشان الكل ميكونش خسران عشان مركز دالي إكسبورت هياخد 75 جنيه لحل هذه المشكلة وده كتير جداً لكن مقدمناش ألا غيره لأن محدش هيعرف يشحن الجهاز ألا هذا المركز وعشان مانرميش الجهاز فابقترح ان واحد يشحن عند دالي أو يغير فلاشة ويدفع ال 75 جنيه ويسحب الفلاشة ويحل بيها مشاكل الأجهزة الأخرى وندفع هذا المبلغ كلنا بالتساوي ، أنا وديت جهازي ولسة هستلموا فايه رأيكوا أنا هشحن وهسحب الفلاشة ونوزعها على بعضنا ، عشان انا متضرر لأن الجهاز ده بتاع ذبون وأنا هخسر حوالي 75 جنيه بسبب سوفت خطأ ، فلو قسمناهامع بعضنا هنلاقي موضوع الشحن ده وقف علينا ببلاش .
ومحدش يفهمني غلط ان مثلاً عايز اتربح ، لا والله انا عايز الكل ميخسرش ولا انا أخسر.
منتظر أرائكم ....

[ismaiiil]

وانا معااااك
وعندى نفس الجهاز وحصل فى اللى حصل ده
وشوف اللى انت عاوزه ايه ونقسمه انا وانت

[mahmoud_dish]

المشاركة الأصلية كتبت بواسطة ismaiiil

وانا معااااك
وعندى نفس الجهاز وحصل فى اللى حصل ده
وشوف اللى انت عاوزه ايه ونقسمه انا وانت

اوك يا أخي العزيز ، أنا خلاص غيرت الفلاشة من التوكيل ياريت طريقة للتواصل معاك عشان أشحنلك فلاشتك من غير ما تغير فلاشة ولا تفتح الجهاز إطلاقاً هشحنلك فلاشة علطول باللودر .

[ismaiiil]

ده الاكونت بتاعى على الفيس [email protected]

[ismaiiil]

ياريت ترد عليا
؟؟؟؟؟؟؟؟؟؟؟؟؟؟؟؟

[mahmoud_dish]

معلش أنا لسة فاتح دلوقتي أنا ضفتك عندي على الفيس ده الأكونت بتاعي على الفيس
[email protected]
واسمي على الفيس محمود رسلان

[ايمن شوشه]

مبروك يااسماعيل انا كنت جبتلك عنوات التوكيل وتلفونه دالي استار اكسبورت
لكن انت متصلتش والاخ محمود جزاه الله خيرا هيحللك المشكلة بس ابقي خلينا نشوفك
انا مستعد اساهم معاكم لله بس الملف نسحبه ونرفعه لكل الاعضاء

[mahmoud_dish]

المشاركة الأصلية كتبت بواسطة ايمن شوشه

مبروك يااسماعيل انا كنت جبتلك عنوات التوكيل وتلفونه دالي استار اكسبورت
لكن انت متصلتش والاخ محمود جزاه الله خيرا هيحللك المشكلة بس ابقي خلينا نشوفك
انا مستعد اساهم معاكم لله بس الملف نسحبه ونرفعه لكل الاعضاء

حلاص يا أستاذ أيمن أنا رفعت الفلاش المعقد شوف الموضوع الجديد .

[ismaiiil]

الحمدلله يا ايمن الموضوع اتحل
وكله بقى تمام التمام
وانا ومحمود اتقسمنا فى والحمدلله
وانا رفعته فى قسم الفلاشات