[karimbo]

السلام عليكم ورحمة الله وبركاته
من العنوان واضح اننا فعلا هرمناااااااااا
هرمنا من كتر البحث وهرمنا من كتر ما لقينا مليون شكر ومليون سب في كل انواع الريسيفرات وبصراحة مش مستعد البس في ريسيفر خالص وفي الاخر احطه جنبي زيه زي اعفن ريسيفر صيني
يا جماعة دورت ودورت وبحثت دون جدوى ودون ما اجد ما يثلج صدري ناحية ريسيفر بعينه وكله بيشكر وخلاص للي عنده او بيشتم في اللي عنده ومحدش فاهم حاجة وطبعا للاسف لان عملية الشرا والبيع عندنا بالفهلوة والواحد بيحفى على ما يوصل لامكانيات صادقة مية في المية لاي حاجة بيشتريها وللاسف بنوصل في مصر لمرحلة انك ممكن تشتري حاجة مكتوب على العلبة من بره حاجة ومن جوه تلاقي حاجة تانية
الحل ايه طيب دلوقت؟؟
انا عملت موضوع قبل كده كان خلاصته من الاخر اني عاوز اشتري ريسيفر hd ويكون اتش دي بجد مش اجيبه الاقيه مش مشغل حاجة ويكون في حدود 800 ج ويا سلام لو اقل
وياريت لو يكون بيقرا ترددات قنوات الشوتايم -مش هقول يفتحها- اقصد بيقرا الترددات يعني قابل من الاساس على تشغيل القنوات اللي بتعتمد على البث اللي زي الشوتايم وبالتالي لو الشوتايم لقينالها حل او اي قناة تانية اعتمدت نفس طريقة البث بتاعها يبقى الريسيفر يقدر يشغلها
يارب تكون النقطة دي وصلت لاني مش فاهم اوي في موضوع البث والصورة والصوت والحاجات دي
وبخصوص باقي الامكانيات والله طلباتي مش كتير ابدا كل الحكاية عاوز ريسيفر ثابت الا حد كبير ويكون امكانياته الداخلية كويسة مش شرط يعني رهيبة ميتعبش قلبي معاه وافضل اغير كل شوية
هل الموضوع للدرجادي صعب؟!!!!!
قريت مواضيع كتير ومن كتر الاجهزة اللي سمعت عنها مبقتش فاهم حاجة
HERSHmAN HD 8800
تلت اربع رسيفرات تحت اسم كيوماكس 999 بفيرجنات مختلفة
ترومان برمير1
على كام ستار سات
على سترونج
وغيرهم وبصراحة توهت ومش عارف اعمل ايه خصوصا اني عرفت ان الجزيرة اشترت الدوري الانجليزي وخايف انها تكمل كمان وتغير نظام التشفير وعرفت انها هتنزل قنوات اتش دي جديدة وبصراحة مش حابب افضل كتير تحت رحمة القنوات العادية وعاوز تبقى الخيارات عندي اكتر
وفي نفس الوقت مش عاوز اهمل نقطة بث قنوات الشوتايم من منطلق ان في عز التطور اللي احنا فيه وارد جدا ان قنوات الاتش دي تتطور اكتر وتعلي نظام البث بتاعها وبالتالي الاقي الريسيفر نفسه مش قاري التردد حتى فده هيبقى شيء مستفذ اكيد
اسف جدا على الاطالة ولكن اعذروني لأني اول مرة ادور بالشكل ده واحس اني موصلتش لاي حاجة

[karimbo]

64 مشاهدة بدون اي رد؟!

[احمد سعد]

كنت مثلك واكثر لاتجد اجابة محددة
بدأ بالهومكس وكان عهامل زى العربية البيجوه 504
وبعته واشتريت أم تك
وبعته واشتريت كومكس 999 بيفتح سنه وانسى ارمى فى الزبالة
وطلبت وطلبت نوعية hd الحمد لله كل واحد عندة جهاز يشكر فيه او يسب له
لحد لما توصلت لجهاز كومكس Hd v2 والحمد لله الراجل بحث عنه قلى مسحوب من السوق
لحد لما العملية رسيت على دريك 7500
بصراحة جهاز زى الفل سريع فى التقليب بس بقالى شهرين ما شغلته على النت
ممكن تقول فرحان بيه خايف اوصله يقولك السنهالمجانية انتهت بس غالى على الريع ال انت طالبة 400 جنية

[karimbo]

طب عشان السعر هيبقى صعب عليا اوي
بالنسبة للكيوماكس 999 اللي انت جبته او التاني ده ايه نظامهم؟؟
هل فعلا كويسين ومش مشكلة بالنسبالي ******* المجاني اللي فيه لو هيتنهي ممكن عادي اشترك في ***** مدفوع ولا ايه؟؟؟
وبالنسبة لترددات الشوتايم والقنوات اللي بتعتمد على نفس ترددات البث هل بيقبلها ولا ايه؟؟
انا سمعت ان قنوات شوتايم وفي قنوات عندي برضه على الاوروبي اتش دي بنظام dvb-s2 وهي دي مشكلة ان قنوات شوتايم تردداتها مش بتقرى على الريسيفرات اللي مش بتدعم dvb-s2 فهل الريسيفرات اللي انت ذكرتها بتدعم dvb-s2؟؟؟؟؟؟

[جهاد33]

هات هيد فرجن 2
وادعيلى
امكانيات عاليه
سرعه
تمن بسيط جدا

[karimbo]

هيد فرجن 2 .. ممكن معلومات عنه اكتر وشرح لامكانياته من خلال رابط او حاجة
ثانيا سعره كام لو حتى عن طريق انك تقولي على الخاص او في الموضوع لو مفيهاش اي مخالفة لقوانين المنتدى والاقيه فين
وبخصوص ردي السابق كيوماكيس 999 وعن dvb-s2 فهل dvb-s2 موجود في هيد فرجن 2 وياريت يا جماعة حد يفيدنا اكتر ونعرف معلومات اكتر عن الريسيفرات دي وعن ريسيفرات تانية عشان محدش يشتري دون ما يكون عارف معلومات كفاية

[karimbo]

هيد فرجن 2 .. ممكن معلومات عنه اكتر وشرح لامكانياته من خلال رابط او حاجة
ثانيا سعره كام لو حتى عن طريق انك تقولي على الخاص او في الموضوع لو مفيهاش اي مخالفة لقوانين المنتدى والاقيه فين
وبخصوص ردي السابق كيوماكيس 999 وعن dvb-s2 فهل dvb-s2 موجود في هيد فرجن 2 وياريت يا جماعة حد يفيدنا اكتر ونعرف معلومات اكتر عن الريسيفرات دي وعن ريسيفرات تانية عشان محدش يشتري دون ما يكون عارف معلومات كفاية