[Mohalalala]

السلام عليكم ايها الاخوة الكرام
حدثت معى مشكلة غريبة فى كارت ستالايت
Azurewave AD-SP400
الكارت شغال معايا من زمان بقاله اكتر من سنتين وشغال تمام لكن المشكلة انى كنت مسافر وغبت اكتر من شهرين مبستخدمهموش واما رجعت بجرب الكارت جايب علامة تعجب على التعريف شلته ونضفته

وغيرت مكانه نفس الكلام الكارت فيه انه لازم يوصله كهربة من الباور سبلاى ودى ارخم حاجة بس عادى قولت ممكن مشكلة ويندوز غيرته نفس النظام جيت شيلت الباور بتاع الكهربة الى المفروض يوصل للكارت

لقيت الكارت مبقاش بيجيب علامة تعجب بس مافيش حاجة بتشتغل من القنوات وحاسس بتقل فى البرامج بتاعة التشغيل
ارجع اوصله الباور الكهربة تظهر علامة التعجب تانى كده ايه الى حصل للكارت افيدونى فى حل هذه المشكلة وكده الكارت سليم ولا بالسلامة

ودى صورة من المانجر وانا موصل الكهربة للكارت

[ABOZIAD@AHMAD]

جرب الكارت على جهاز اخر

[Ahmed Eshish]

متخاطرش بالكارت بتاعك وتشيل منه وصلة الكهربا لان كدة يبوظ خالص وان شاء الله المشكلة بسيطة بس اهم حاجة وصل الكهربا وجرب الكارت علي جهاز تاني زي ما الاستاذ / ابو زياد قالك ونزل احدث تعريف ليه

[Mohalalala]

شكرااا وان شاء الله اجربه على جهاز تانى واشوف مع انى غيرت الويندوز ونضفت كل حاجة وان شاء الله خير وهارد عليكن ام اجربه

[Mohalalala]

المشاركة الأصلية كتبت بواسطة Ahmed Eshish

متخاطرش بالكارت بتاعك وتشيل منه وصلة الكهربا لان كدة يبوظ خالص وان شاء الله المشكلة بسيطة بس اهم حاجة وصل الكهربا وجرب الكارت علي جهاز تاني زي ما الاستاذ / ابو زياد قالك ونزل احدث تعريف ليه

انا بسطب التعريف الاصلى بتاع الاسطوانة الى معاة لو معاك تعريف ابعتهولى وياريت يكون الكارت مبظش لان المشكلة دة اول مرة تحصل معايا

[VERTIGO]

انا عندي اخو الكارت ده ومشغلة من غير كهربا خالص ؟؟؟

[VERTIGO]

لما بيعمل معايا كدة بشيل التعريف واسطبة تاني بيشتغل

[Ahmed Eshish]

المشاركة الأصلية كتبت بواسطة Mohalalala

انا بسطب التعريف الاصلى بتاع الاسطوانة الى معاة لو معاك تعريف ابعتهولى وياريت يكون الكارت مبظش لان المشكلة دة اول مرة تحصل معايا

التعريف موجود في الموضوع ده
http://www.allstbsw.com/vb/showthread.php?p=6568151

[Ahmed Eshish]

المشاركة الأصلية كتبت بواسطة VERTIGO

انا عندي اخو الكارت ده ومشغلة من غير كهربا خالص ؟؟؟

الكارت هياخد معاك فترة ويبوظ

[VERTIGO]

المشاركة الأصلية كتبت بواسطة Ahmed Eshish

الكارت هياخد معاك فترة ويبوظ

هو الحمد لله شغال بقاله سنة ونص تمام بس ان شاء الله هركب البور بتاعه
بس هي ايه فيدتها لماهو واخد البور بتاعه من السوكت ؟

[Ahmed Eshish]

الكهربا من السوكيت مش مكفياه فلازم وصلة مباشرة من الباور عشان يشتغل بكل طاقته ولو مكانش ليه لزمة مكانتش شركته عملت وصلة الباور

[ABOZIAD@AHMAD]

المشاركة الأصلية كتبت بواسطة Ahmed Eshish

الكهربا من السوكيت مش مكفياه فلازم وصلة مباشرة من الباور عشان يشتغل بكل طاقته ولو مكانش ليه لزمة مكانتش شركته عملت وصلة الباور

[♥MR.IbRaHiM♥]

المشاركة الأصلية كتبت بواسطة Ahmed Eshish

الكهربا من السوكيت مش مكفياه فلازم وصلة مباشرة من الباور عشان يشتغل بكل طاقته ولو مكانش ليه لزمة مكانتش شركته عملت وصلة الباور

تسلم ع المتابعه اخي احمد

ونمتني منك الاستمراره في مساعدة زملائك الاعضاء بما تسطيع

[VERTIGO]

المشاركة الأصلية كتبت بواسطة Ahmed Eshish

الكهربا من السوكيت مش مكفياه فلازم وصلة مباشرة من الباور عشان يشتغل بكل طاقته ولو مكانش ليه لزمة مكانتش شركته عملت وصلة الباور

لو الكهرباء مش مكفياه يتحرق من تاني مرة يشتغل فيها

متفق معاك انه معمول لسبب
بس صعب فالوضع الطبيعي للكارت يكون له فايدة
مخرج الpci بيدي تقريبا 5 فولت
وكابل الباور بيدي 12 و5 يعني 17

فكتير 22 فولت علي كارت ساتاليت في حين ان في كروت بتشتغل من usb بقدرة 5 فولت بس

الكارت في سوكت اسود عريض جنب سوكت الباور لاضافة كامات ممكن يكون للاضافة دي

هدور واتاكد واقول لحضرتك وشكرا لردك واهتمامك

[VERTIGO]

بالظبط زي ماكنت متوقع

باين فالصورة من الموقع ان البور بيتحط في حالة تركيب ديزك 1.2
او طبق متحرك