[عبد المنعم ابراهيم]

ممكن افاده بخصوص المكثف 400 فولت 47 ميكرو الواحد بيشترى المكثف يجى يقيسه على الافوميتر الديجتل على وضع قياس المكرو يلقى المكثف بيقيس 30 ميكرو وهو مكتوب عليه 47 ميكرو فهل هذا يدل على ان المكثف صنعته رديئه والواحد يشتغل بيه عادى ولا بناء على هذا القياس سيكون عمره فى العمل قصير اسف للاطاله لكن لمراعاة الضمير المهنى

[م/عبدالمنعم شقوير]

هو االمفروض انه بيقيس من 42 الى 44 ميكرو ويتزايد كلما تركته على الافو ميتر

[عبد المنعم ابراهيم]

جزاك الله خيرا للمتابعه هل ارجعه للتاجر ولا اشتغل بيه عادى

[م/عبدالمنعم شقوير]

اشتغل ياغالى هو افضل من غيرة والمرة القادمة تأنى الاختيار

[مهندس محمودعبدالحميد]

طالما جديد ركب يا غالى وانا شخصيا عمرى ما قست مكثف ولو جديد بايظ بيتعرف من تشغيله لانه بيظهر عيوب معينه

[عبد المنعم ابراهيم]

اسف لتكرار السؤال هل هيرشح الفولت بنفس درجة ال47 ميكرو وما هو الاختلاف بينه وبين الرسيفرات الى مكثف الترشيح للبور 22 ميكور مثلا او ال15 ميكرو اسف لكثرت الاسئله ولكن لاستفيد ويستفيد كل من يحتاج المعلومه

[عبد المنعم ابراهيم]

الله يشفيلك ابنك يا استاذ محمود ويشفى مرضانا ومرضى المسلمين

[مهندس محمودعبدالحميد]

المشاركة الأصلية كتبت بواسطة عبد المنعم ابراهيم

اسف لتكرار السؤال هل هيرشح الفولت بنفس درجة ال47 ميكرو وما هو الاختلاف بينه وبين الرسيفرات الى مكثف الترشيح للبور 22 ميكور مثلا او ال15 ميكرو اسف لكثرت الاسئله ولكن لاستفيد ويستفيد كل من يحتاج المعلومه

كل مكثف على حسب امبير الدايره يا غالى وللعلم لو ركبت المكثف 47 بدلا من 22 يكون افضل طالما فى الزياده انما اقل لا يصلح لانه سيؤدى الى انفجار المكثف بمعنى انه لا يجوز تركيب 22 ميكرو بدلا من 47

[مهندس محمودعبدالحميد]

المشاركة الأصلية كتبت بواسطة عبد المنعم ابراهيم

الله يشفيلك ابنك يا استاذ محمود ويشفى مرضانا ومرضى المسلمين

امين يا رب العالمين والحمد لله ابنى بخير الان والفضل لله سبحانه وتعالى

[عبد المنعم ابراهيم]

حزاك الله خيرا للمتابعه الجميله وصبرك على كثرة الاسئله لكن لى سوءال حضرتك بتقول ان المكثف مدام جديد ركب على طول طيب هل قلة القيمه على الافوميتر من 47 الى 32 ميدليش ان فيه عيب تصنيع مش المفروض يديك القيمه الكتوبه عليه على الافوميتر وحضرتك بتقول لو فيه مشكله بيعمل بعض العيوب ممكن نعرفها بس بعد الاجابه على ما تقدم وعلما اكثر المكثفات الى انا باشتريها وخا صتا هذا المكثف بيعطينى قيمه اقل من المكتو به عليه اسف للاطاله

[مهندس محمودعبدالحميد]

بص يا غالى موضوع القيمه عن طريق القياس دى صعبه عندك لان من الممكن ان يكون يوجد عيب فى جهاز القياس كمثال نقص فولت البطاريه مما يؤدى الى قياس وهمى وكمان مش اى جهاز قياس يقيس قيمه المكثف بالاخص مظبوط لان هناك اجهزه معينه اما بخصوص مشاكل المكثف لو تالف فاعظمها تكثير فى الصوره وصوت زنه فى البور وطبعا لو كان المكثف به شورت

[عبد المنعم ابراهيم]

سوءل اخير ولو فيها رزاله ان الافو ميتر عندى جميل والبطريه جديده ولما البطريه بتخف بتظهر علامه على شاشة الافوميتر لكن علشان اتأكد من المكثف بأجيب مكثف من ديرة بور وبأقيسه بيدينى 47 ده المكثف الاصلى الخاص بلديره لكن الجديد بيدينى 32 ميكرو والسوءال هنا هل هذا يدل على عيوب صناعه والسوءال الثانى هل هيكون عمره قصير فى العمل اسف للاطاله ولكن الواحد بيخاف يركب حاجه للزبون يكون شاكك فيها علشان الواحد يتحرى الحلال فى لقمة عيشه وده سبب كثرة الاسئله والهم افتح على منك رزقا لا تجعل لاحدا على فيه منه ولا لك عليا فى الاخرة فيه تبعه فانا اتحرى الاحلال حتى لايكون على تبعه فى الاخره

[mazen_coco]

الله ينور على المتابعه

[احمد السيد الانصاري]

متابعة ممتازة من عمالقة مصراوي سات

[مهندس محمودعبدالحميد]

المشاركة الأصلية كتبت بواسطة عبد المنعم ابراهيم

سوءل اخير ولو فيها رزاله ان الافو ميتر عندى جميل والبطريه جديده ولما البطريه بتخف بتظهر علامه على شاشة الافوميتر لكن علشان اتأكد من المكثف بأجيب مكثف من ديرة بور وبأقيسه بيدينى 47 ده المكثف الاصلى الخاص بلديره لكن الجديد بيدينى 32 ميكرو والسوءال هنا هل هذا يدل على عيوب صناعه والسوءال الثانى هل هيكون عمره قصير فى العمل اسف للاطاله ولكن الواحد بيخاف يركب حاجه للزبون يكون شاكك فيها علشان الواحد يتحرى الحلال فى لقمة عيشه وده سبب كثرة الاسئله والهم افتح على منك رزقا لا تجعل لاحدا على فيه منه ولا لك عليا فى الاخرة فيه تبعه فانا اتحرى الاحلال حتى لايكون على تبعه فى الاخره

بص يا غالى انا شخصيا كما قولت لك عمرى ما قست اى مكثف ولكن ما تقوله انت دليل على عيب تصنيع وخصوصا ان الشركه المصنعه للاسف هى الصين طبعا اذا كان جهاز القياس سليم وفى النهايه لا تعمل بطريقه قياس المكثفات وكل ما عليك ان تشترى من مصدر موثوق منه وهذا رايي الشخصى وفى النهايه ربنا يديم عليك نعمه الحلال يا غالى