[ahmed elgazar42]

إسمع مقطع صوت لإعترافات الحاج صفوت حجازى على إخوانه

[المهندس / محمد هشام]

وإنت مصدق الكلام ده والهبل ده واحد غير الواحد ومش راضين يجيبوه بشكل مباشر وكمان اعتراف صوتى لشخص مجهول

اذا كان المتحدث عاقل فالمستمع مجنون .

[ahmed elgazar42]

المشاركة الأصلية كتبت بواسطة المهندس / محمد هشام

وإنت مصدق الكلام ده والهبل ده واحد غير الواحد ومش راضين يجيبوه بشكل مباشر وكمان اعتراف صوتى لشخص مجهول

اذا كان المتحدث عاقل فالمستمع مجنون .

لما هو مش كلام صفوت ليه ما طلعش قال كده

[المهندس / محمد هشام]

ومين هيحميه وهو مطلوب القبض عليه من القوات المسلحه وهو من وجهة نظر بعض الناس برىء لكن الأمر إختلط علينا والله أعلم إذا كان برىء أم ظالم لكن مش كونى انى بكرهه او بحبه يبقى اصدق اللى بيتقال عليه ويجيبوا صورة شاب

اولا انا بكرهه من قبل ثورة يناير بسبب أنه شيخ مش واعى ومش عارف هو بيقول ايه فى احدى حلقاته عن الشيعه كان يذكر الشتيمه اللى بتتقال من الشيعه على السيده عائشه زوجة النبى صلى الله عليه وسلم وكان يذكر ويذكر لدرجة تبقى انت عاوز تقفل بقه ومش قادر تبقى عاوز تقول حرام عليك دى إللى انت بتتكلم عليها دى تبقى أم المؤمنين ولا كأن تبقى عاوز تقوله إنت بتقلدهم ياراجل كفاياك حرام عليك وهو عمال يقول ويعيد يبقى بالذمه ده شيخ واعى ولا بيفهم حتى

ده لو بيفهم كان يقول ان الشيعه هم مسلمون ولكنهم ضلوا الطريق وبهذا لايصلح إسلامهم فالإسلام واحد ربه الله ورسوله محمد وكتابه القرأن ولكنهم يقولون ان على هو الرسول وذلك ليضلوا الناس عن الحقيقه وينكرون ماجاء به الله والجميع يعلم أنه لولا محمد ما خلق الكون كله ولكن الحق قال فى كتابه العزيز " وَلَمَّا جَاءَهُمْ كِتَابٌ مِنْ عِنْدِ اللَّهِ مُصَدِّقٌ لِمَا مَعَهُمْ وَكَانُوا مِنْ قَبْلُ يَسْتَفْتِحُونَ عَلَى الَّذِينَ كَفَرُوا فَلَمَّا جَاءَهُمْ مَا عَرَفُوا كَفَرُوا بِهِ فَلَعْنَةُ اللَّهِ عَلَى الْكَافِرِينَ صدق الله العظيم .

هم عارفين إنه سيبعث فيهم نبى منهم فكل واحد منهم كان بيتوقع انه هيكون هوه ولما ربنا اختار سيدنا محمد صلى الله عليه وسلم كذبوه وقالوا انه مجنون ولما اعطاه الله الايات قالوا ساحر ولما تحدث بالقرأن قالوا شاعر وهكذا كفروا بالله ورسوله والله تعالى أعلى وأعلم .

[ahmed elgazar42]

إيه رأيك إن المجنون ده كان أمير دولة رابعة العدوية

[n.aaa34]

الداخلية تتاكد من شخصية صفوه حجازى بطريقتها




أكد مصدر أمني أن مصلحة السجون قامت منذ ساعات بعمل "فيش وتشبيه" للمتهم صفوت حجازي المسجون حاليا في سجن طرة، وهو إجراء يتبع مع كل السجناء الذين يتم حبسهم داخل أي سجن من سجون الجمهورية. وأشار المصدر أن نتيجة "الفيش والتشبيه" الخاصة بالمتهم صفوت حجازي اتضح أنها متطابقة تمامًا للفيش والتشبيه القديم له، والذي تم عمله له أثناء دخوله السجن في وقت سابق، وقبل تولي مرسي الرئاسة، وهو ما ينفي صحة ما يردده البعض من أنصار الرئيس المعزول بأن من تم القبض عليه ليس صفوت حجازي وإنما شبيه له
http://www.masr11.com/index.php?opti...3#.UhgdmH8q-Ew

[n.aaa34]

نكشف لكم عن مفاجاة تم اكتشافها عند الاطلاع على بطاقة تحقيق الشخصية الخاصة بالقيادى الاخوانى الشيخ صفوت حجازي، فكانت مفاجاة خاصة عندما وجدنا ان الاسم الحقيقي للشيخ صفوت حجازى هو "صفوه" وليس "صفوت" كما كان معروفاً، فتقول البيانات الشخصية للشيخ صفوت ان اسمه هو "صفوه حمودة حجازي رمضان" وقد اثار هذا الموضوع الجدل والسخرية بين نشاطاء الفيس بوك على الصفحات المختلفة خاصة صفحات الاخبار التى اهتمت بتداول انباء القبض على الشيخ صفوت حجازى
كان الشيخ صفوت حجازى قد صدر ضده امر ضبط واحضار قى شهر يوليو وظل حجازى مختبا وسط انصار الرئيس فى اعتصام رابعة العدوية لمدة اكثر من شهر ونصف ولكن بعد عملية فض الاعتصام التى حدثت الاسبوع الماضى والتى اسفرت عن مقتل مئات الضحايا وجرح الالاف اختفى الكثيرين من قادة الاخوان المسلمين منهم البلتاجى وصفوت حجازى وقتم على الشيخ صفوت حجازى وهو متنكرا ويحاول الهروب الى دولة ليبيا

[المهندس / محمد هشام]

والله لو جبت دلائل الدنيا كلها اللى فى الصورة المقبوض عليه مش صفوت حجازى

ونفسى افهم شىء اتقبض عليه او لم ده هيفيدك انت فى ايه مش فاهم ولا هيفيدنى فى ايه ده انت المفروض لو شاكك فيه زيى كنت تطالب بمحاكمة الشخص الحقيقى وليس المزيف فى حالة ثبوت عليه التحريض على القتل بأمر المحكمه

وإعتقد أنه كان قبل سابق يعمل لحساب أمن الدوله والله أعلم .

[المهندس / محمد هشام]

[اشرف فهمى]

ياجدعان هو بس بنيولوك جديد بدون برسيم

[n.aaa34]

المشاركة الأصلية كتبت بواسطة اشرف فهمى

ياجدعان هو بس بنيولوك جديد بدون برسيم

[MAHMOUD ZIED]

اللهم اهدى قومى فأنهم لا يعلمون

[abdozaki]

سؤال بسيط جدا ...ليه لم يتم تصويره فيديو وهوا بيقول الاعترافات دي؟؟؟

[ahmed elgazar42]

المشاركة الأصلية كتبت بواسطة abdozaki

سؤال بسيط جدا ...ليه لم يتم تصويره فيديو وهوا بيقول الاعترافات دي؟؟؟

لأن الكلام ده ما قالوش فى تحقيق رسمى

دى كانت دردشة مع الظباط اللى مسكوه

[newnader2000]

المشاركة الأصلية كتبت بواسطة n.aaa34

الداخلية تتاكد من شخصية صفوه حجازى بطريقتها




أكد مصدر أمني أن مصلحة السجون قامت منذ ساعات بعمل "فيش وتشبيه" للمتهم صفوت حجازي المسجون حاليا في سجن طرة، وهو إجراء يتبع مع كل السجناء الذين يتم حبسهم داخل أي سجن من سجون الجمهورية. وأشار المصدر أن نتيجة "الفيش والتشبيه" الخاصة بالمتهم صفوت حجازي اتضح أنها متطابقة تمامًا للفيش والتشبيه القديم له، والذي تم عمله له أثناء دخوله السجن في وقت سابق، وقبل تولي مرسي الرئاسة، وهو ما ينفي صحة ما يردده البعض من أنصار الرئيس المعزول بأن من تم القبض عليه ليس صفوت حجازي وإنما شبيه له
http://www.masr11.com/index.php?opti...3#.uhgdmh8q-ew

واضح اوووى انه عمل عملية تجميل والصورة توضح كلامى
بس برضة اتقبض عليه ياخسارة الفلوس اللى خدها الدكتور