[ابوهريره]

ما اخطار بيع سيارة بتوكيل مفتوح بالتجديد و التراخيص

[حمادة ونور]

يعنى حضرتك هتشترى سيارة ولا عايز تبيع سيارة

[ابوهريره]

بعت سيارة بتوكيل مفتوح ومكنتش اعرف يعنى اية مفتوح

[حمادة ونور]

التوكيل المفتوح هو الذى يعطى فية الموكل ( البائع) الحق للوكيل ( المشترى ) فى تجديد الرخصة مرة او مرات اخرى بإسم الموكل ( البائع) يعنى بالعربى هيفضل يجدد الرخصة بإسم سيادتك ومينقلش العربية بإسمة ابداً مما يحملك مسئوليتها كاملة وعلى سبيل المثال لا الحصر : فى حالة قيامة بصدم احد المارة سيتم عمل المحضر باسم المالك فى حالة عدم القبض على قائد السيارة ، اولاً لازم تعرف ان التوكيل المقفول عكس المفتوح وبيتكتب فية صراحة ولا يجوز لة تجديد الترخيص ، وثانياً وفى كل الاحوال سواء مفتوح او مقفول او بعقد مسجل حضرتك هتروح الشهر العقارى ، تاخد اقرار استلام موثق فى الشهر العقارى محدد فية تاريخ وساعة ودقيقة وثانية استلامة السيارة : تبقى حضرتك برائة من اى جريمة او تهمة يعملها بالسيارة

منقول للافادة

[ابوهريره]

شكرا جزيلا على اهتمامك بسوالى بس المشكلة انة تاجر ومعرفش اجمعة تانى ونروح الشهر العقارى لاثبات التاريخ بس انا معايا عقد ابتدائى بالوقت والتاريخ باستلام السيارة

[حمادة ونور]

المشاركة الأصلية كتبت بواسطة ابوهريره

شكرا جزيلا على اهتمامك بسوالى بس المشكلة انة تاجر ومعرفش اجمعة تانى ونروح الشهر العقارى لاثبات التاريخ بس انا معايا عقد ابتدائى بالوقت والتاريخ باستلام السيارة

لازم يا غالى تروح الشهر العقارى والعقد الابتدائى مش هيفيد بحاجة لما الراجل يجدد الرخصة لازم يكون معاه التوكيل بتاع حضرتك وكمان لاخلاء مسئوليتك عن العربية

[ابوهريره]

يعنى اروح الشهر العقار انا وبس واعمل استلام سيارة لة وبدون ميكون موجود معايا المشترى

[حمادة ونور]

المشاركة الأصلية كتبت بواسطة ابوهريره

يعنى اروح الشهر العقار انا وبس واعمل استلام سيارة لة وبدون ميكون موجود معايا المشترى

مش فاهم هو حضرتك عاوز تبيع سيارة ولا خلاص اشتريت سيارة ومعاك عقدها الابتدائى

[ابوهريره]

انا بعت سيارة لتاجر من 3 شهور

[ابوهريره]

بعت بعقد ابتدائى وثانى يوم عملت توكيل المفتوح انا البائع

[حمادة ونور]

المشاركة الأصلية كتبت بواسطة ابوهريره

بعت بعقد ابتدائى وثانى يوم عملت توكيل المفتوح انا البائع

يعنى عملت توكيل فى الشهر العقارى صح كدة

[حمادة ونور]

التوكيل المفتوح هو توكيل يعطى الحق للوكيل ببيع السياره موضوع التوكيل لنفسه اوللغير وتوكيل الغير فى البيع اوتوكيل شخص اخر بعمليه البيع كما يجوز له التجديد والترخيص والتعامل مع المرور وتجديد الرخصه مره اخرى باسم المالك الاصلى للسياره الصادره باسمه رخصه تسير السياره المباعه
اما التوكيل المقفول هو بيع للنفس او للغير فقط وفى هذه الحاله المشترى الثانى لابد ان يكون البيع بعقد بيع مسجل ولايجوز التوكيل ولايجوز للوكيل الاول تجديد اوترخيص السياره باسم المالك الصادره باسمه رخصه تسير السياره المباعه
وممكن ان يكون التوكيل مفتوح ولكن لايجوز فيه التجديد والترخيص جميع صلاحيات التوكيل المفتوح دون الترخيص فقط وهذا النوع يرضى الطرفان

منقول للافادة

[ابوهريره]

كلام جميل بس اية الحل انى عملتة مفتوح ولة الحق فى التجديد و الترخيص وزى مبتقول حضرتك ممكن يصدم احد المارة فهل العقد الابتدائى ينفعنى فى هذة الحالة ام لا وشكرا على هذة الاستفسرات والتوكيل مسبوت فية التجديد و الترخيص والتعامل مع المرور وبيع لنفسة وللعير