[محمود أبويوسف]

اخواني المصراوية .................إلحقوني بسرعة
جهازي 4930 بشغله عادي .... لقيته جايب صوت صفارة عالية
وكاتب 8 ع الشاشة وال8 دي بتتحرك للشمال متواصل والخلفية صورة
ستارة ( لما تكون فيه قناة قافلة )
جرّبت طريقة ملف الإصلاح بوضع الملف علي فلاشة والضغط علي زر ستاند باي
مع فتح زر الباور الخلفي .... لكن دون فايدة
أرجوكم ساعدوني
أخوكم
محمود أبويوسف

[محمود أبويوسف]

اخواني الكرام
تم حل المشكلة بحمد الله
سأروي لكم ما حدث حتي يستفيد من منا سيواجه المشكلة مستقبلا لا قدر الله
أنا شغلت الريسيفر عادي لحد ما فتح ع الستارة صوت الصفارة ... وشاشة الريسيفر عليها
رقم 8 اللي بيتحرك للشمال .....
قولت أجرب أضغط علي أي أزرار من الريموت وأشوف استجابة الجهاز ......
زر exit هو اللي استجاب له الريسيفر ... ودخلني علي قائمة زرقاء فيها كلام كتير
وأرقام وأمام كل رقم وظيفة .....
لقيت رقم 9 أمامه مكتوب بالإنجليزي factory reset يعني ضبط المصنع
ضغطت من الريموت علي رقم 9 علي الفور...الجهاز رستر واشتغل تمام كما لو كنت لسه شاريه .. من حيث ضبط الإعدادات واللغة وخلافه والقنوات كلها كانت اتمسحت ...فظبته من جديد .... والحمد لله ...... والله يا اخواني حسيت ان روحي ردت لي من تاني
المهم يارب الكل يستفيد من التجربة دي لو لا قدر الله حد وقع فيها
لكم كل الشكر
أخوكم
محمود أبويوسف

[husny]

أهـنـيـك من كل قلبي - -
و أحلى مـا قلتـه :
( روحي ردت لي من تاني )

والأحلى :
أنّـك ترويها لـنـا -
نشكرك عليها
و يا ريت كنت أخذت لها صورة - -
أنت حـدث معـك -
بحالـة تسمى :
أخطر حـالـة للجهـاز -
والحمد لله أنك أستطعت بحلّـهـا :
بذكائك و شطارتك -


وألف مبرووك

و مـوفـق اخي الغالي -

[م / أبو عبد الرحمن]

أولاً : ألف مبروك لرجوع جهازك للعمل
ثانياً : بارك الله فيك أخي الغالي
على رواية ماحدث معك مع الحل عبر التجربة الفعلية
ولكني كنت أُفضل إلتقاط صورة للعطل مع خطوات الحل
كما قال لك أخونا حسني
فكل الشكر والتقدير لك أخي
محمود أبويوسف
مصراوى

[محمود أبويوسف]

مشكورين اخواني أ/ حسني وم / ابوعبد الرحمن ... علي اهتمامكم بالرد
ثانيا أنا ماكانش عندي أي تركيز في أي حاجة غير حل المشكلة دي واللي رعبني صوت الصفارة العالية جدا اللي صادره من الجهاز ومنظر رقم 8 اللي عمال يجري علي شاشة الجهاز ..أنا قولت الجهاز هيقف والفلاشة هتضرب ..فكان الريموت هو آخر أمل قدامي لعل وعسي يحصل استجابة من الجهاز لأي زر خصوصا بعد فقدان الأمل في طريقة ملف الإصلاح اللي ما نفعتش معايا ودي حكاية خوفتني أكتر .... وبمجرد استجابة الجهاز لزر exit من الريموت وظهور قائمة زرقاء ...أقسم بالله عيني ما شافت غير رقم 9 مكتوب أمامه factory reset وهي دي القشة اللي اتعلقت بها ... وعلي طول ضغطت الزر فالجهاز رستر وفتح بشكل عادي ووالله كمان مرة حسيت ان روحي بجد ردت لي تاني وربنا كان كريم ورحيم بي .... فالحمد لله علي اللي حصل ويارب ماتتكررش تاني لا معايا ولا مع حد من اخواني المصراوية أو مالكي الجهاز عموما ....
مرة تانية لكم كل الشكر اخواني أ/ حسني وم / ابوعبد الرحمن

[MALOKA]

الحمد لله عدت على خير الجهاز مايتعوضش

[moneim67]

المشاركة الأصلية كتبت بواسطة محمود أبويوسف

اخواني الكرام
تم حل المشكلة بحمد الله
سأروي لكم ما حدث حتي يستفيد من منا سيواجه المشكلة مستقبلا لا قدر الله
أنا شغلت الريسيفر عادي لحد ما فتح ع الستارة صوت الصفارة ... وشاشة الريسيفر عليها
رقم 8 اللي بيتحرك للشمال .....
قولت أجرب أضغط علي أي أزرار من الريموت وأشوف استجابة الجهاز ......
زر exit هو اللي استجاب له الريسيفر ... ودخلني علي قائمة زرقاء فيها كلام كتير
وأرقام وأمام كل رقم وظيفة .....
لقيت رقم 9 أمامه مكتوب بالإنجليزي factory reset يعني ضبط المصنع
ضغطت من الريموت علي رقم 9 علي الفور...الجهاز رستر واشتغل تمام كما لو كنت لسه شاريه .. من حيث ضبط الإعدادات واللغة وخلافه والقنوات كلها كانت اتمسحت ...فظبته من جديد .... والحمد لله ...... والله يا اخواني حسيت ان روحي ردت لي من تاني
المهم يارب الكل يستفيد من التجربة دي لو لا قدر الله حد وقع فيها
لكم كل الشكر
أخوكم
محمود أبويوسف

السلام عليكم
احسنت بارك الله فيك
شكرا لنقل تجربتك
وياريت كل واحد تحصل له مشكله يحلها يقولهلنا

[محمود أبويوسف]

مشكورين اخواني الكرام علي المتابعة والردود