[بيبه عادل]

على راى المثل المصرى

نعمل من الحبة قبة

اللى مش فاهم يعنى ببساطة شديدة بنبالغ جدا فى رد فعلنا و اتفه الامور بنتعامل معها على اساس انها ذات حجم كبير جدا

الشغب مرفوض طبعا بكل الوانه و هذا الموضوع ليس للدفاع عن اى حالة شغب

فالخطأ خطأ طبعا و لكن ........امممم بدأت تزهق من المقدمة طبعا



طب ندخل فى الموضوع و ان شاء الله هتعرف الغرض منه و اتمنى انه يعجبك سواء انت عضو او عضوة او مشرف نورت مقدما





فاكرين كمية الناس اللى ماسبتش ابو تريكة فى حاله علشان عمل الحركة دى و اتهموه بكمية اتهامات غير عادية



و الاخ شيكابالا كل خناقه له طبعا مش بنسيبه برضوا


ولا بركوتة اللى قالوا فيه قوالة علشان لما بيحتفل قال ايه فيه صباع من صوابعه بيكون مرفوع

و حسام حسن طبعا بنهريه نقد علشان عمل كده


ولا الخناقة دى بتاعة ماتش الزمالك و اتحاد الشرطة و اللى قعدنا بعدها يجى شهر نتكلم عليها

و خناقة الاهلى مع حكم مباراة الشبيبة

و يا سلام لما يحصل عصبية شوية فى الملعب و نلاقى ماتش الاهلى و الزمالك فيه المشهد ده

ولا خناقة بين التراس الاهلى و الزمالك

طبعا كل دى نماذج مرفوضة 100%

بس على راى المثل ساعتها طبعا

بعمل من الحبة قبة و نقعد نقول

المفروض نتعلم من الناس بالخارج بتفكر ازاى و نعمل زيها

و يطلع واحد تانى يقول لك : ده لا يمكن ابدا يحصل فى بلد فيها كورة محترمة







طب تعالى نشوف ايه بالخارج عند الناس اللى بتلعب كرة محترمة

تعالى نشوف اعظم نجوم العالم و جماهير اكبر منتخبات فى العالم بتعمل ايه



الانجليزى ديفيد بيكهام و مونتارى الغانى نجم الانتر و ربنا ستر على بيكهام كان هيترقع علقة ولا احلى :)

الفرنسى ايريك كانتونا و احدث اساليب جاكى شان فى التعامل مع مشجع



واين روونى و خناقة فى مباراة البرتغال بعد الاعتداء على لاعب ثم دفع زميله فى مانشيستر وقتها رونالدو





السير اليكس فيرجسون مدرب مانشيستر و رونالدو للاسف مالقيتش صورة توضح بس كان فيها بوكس فى صدر رونالدو رائع الحقيقة :)



الايفوارى دروجبا ورعب طبعا من دانى الفيس فى لقاء تشيلسى و برشلونة

الانجليزى جيرارد و مشاجرة مع اندرسون لاعب مانشيستر فى لقاء ليفربول و مانشيستر


زين الدين زيدان و نطحته الشهيرة لماتيرازى الايطالى فى نهائى كاس العالم نطحة نطحة يعنى


بس خلاص

انتهى الموضوع

اتمنى انه يكون وصل الهدف منه

و هو باختصار شديد

الشغب ظاهرة مرفوضة و لكن هى ليست ظاهرة مصرية و انما عالمية



شاهدتم مشاجرات اعظم لاعبى العالم و كذلك جماهير اكبر المنتخبات العالمية

هناك شغب نعم

ولكن

لا يتم تسليط الاضواء عليه فهو ليس ظاهرة جيدة اصلا كى نسلط عليه الاضواء

الكل اخطأ و انفلتت منه اعصابه فى لحظة

ولكن اما نحن فللاسف الشديد

الاعلام بيخلينا نكره نفسنا علشان ازاى يحصل كده و يشحنونا شحنة كارت ب 100 :) على اللاعبين و الجماهير طبعا


الحدق يفهم :

اعتدت جماهير برشلونة على اتوبيس ريال مدريد من اسابيع ممكن اعرف ايه اللى حصل ؟؟

الاجابة : تم احتواء الموضوع بهدؤ

عارفين ليه ؟

لان باختصار الناس دى الفرق بيننا و بينها

هو اننا

بنعمل من الحبة قبة

و

و

و

و

و



سلامو عليكو

[عبده نت]

فعلا كلامك مضبوط اخ عادل
ونتمنى ان تنتهى هذه الظاهرة من الملاعب وايضا ندعو جميع الجماهير
بالتحلى بالروح الرياضية. وهى الرياضة كده لازم يكون فيها غالب ومغلوب
تحياتى لك

[ٱحےـمد اسےـماعيل]

موضوع شيق وجميل أخي عادل ولي تعقيب صغير

التعصب بين اللاعبين من الممكن أن نقول عليه وارد لأانهم وببساطه يتقاضون الأموال الكثيرة من هذا العمل

أما التعصب بين الجماهير فهو أمر مخزي أن تحارب أخوك من أجل لاعب يتقاضى الأموال وفي النهاية هو لا يعرفك ولا يريد أن يعرفك كل ما يريده هو المال

[بيبه عادل]

تسلم اخى الكريم هزيم الرعد وكلا مظبوط وتسلم

[موكشة]

مشكور يااغالى
متابعة ممتازة للاخبار الجميلة واصل هذا التمييز
تقبل تحياتى

[محمدزكريا59]