[H0SaM]

بسم الله الرحمن الرحيم
بعد التحية يا شباب
كلنا طبعا عارفين من اول مالتردد 11137 طلع وهو بيشتغل صوت بس على بعض الاجهزة وحتى بعد ما قويت اشارته نفس الموضوع
اناعن نفسي مكانش عندي المشكلة دي نهاائيا
ولكن من اول ظهور بيلودي افلام وما تلاها (سينما1 - WWe-إيه ار تي افلام)
لقيت ان القنوات دي تحديدا مش جايبة صورة نهائي عالجولد
مع اني عمري ما اشتكيت مالموضوع ده وباقي قنوات التردد زي اخترنالك وغيرها شغالين صوت وصوره
وبالصدفة البحته لقيت طريقة وبقو كلهم شغالين صوت وصورة الحمد لله
نبدأ على بركة الله
دلوقتي كلنا عارفين ان اي رسيفر فيه فتحتين Lnb اللي بتدخل فيهم سلك الطبق يعني
الفتحة الأساسية اللي على طول بنحط فيها السلك وإسمها Lnb IN
والفتحة اللي تحتيها اللي ممكن من خلالها ندي وصلة لرسيفر تاني واسمها Loop Out
الخطوات كالتالي
هتعدل اعدادات التردد وتخلي الترميز 3/4 مش Auto ولا 1/2
هتقف على قناة من اللي الصورة فيها مش جاية عندك ولتكن زي بيلودي افلام
هتشيل السلك اللي جايلك من الطبق وداخل في فتحة Lnb In
وتحطة بسرعه في فتحة Loop out
هتلاقي الصورة جت على طول
متفرحش وتسيب السلك هنا على طول عشان في قنوات تانية مش هتيجي
بعد ما الصورة تيجي معاك استنى دقيقة كده ورجع السلك تاني لمكانه الطبيعي في فتحة Lnb In هتلاقي برضه الصورة فضلت موجوده معاك استمر فاتح القناة لمدة خمس دقايق تقريبا وبعدين اقفل الرسيفر وانت واقف عليها وافتحة تاني هتلاقي صورة ان شاء الله ومش هتروح تاني ابدا وده عيب من عيوب الترانزستورات الصيني
ملاحظات :
- انت محتاج لسرعه شوية في عملية نقل السلك اول مرة من Lnb In إلى Loop Out
-الطريقة دي مجربة على كيوماكس الجولد واله الم هتنفع على باقي الرسيفرات التانية ولا لا بس جربو وقولو عشان الناس تستفاد
-الطريقة نجحت معايا قلت اقول لاخواني الاعزاء في مصراوي سات بيها خصوصا ان في ناس كانو عاوزين يغيرو رسيفراتهم
-ممكن بعد فترة ترجع المشكلة وعليك بتكرار نفس الطريقة وسوف تزول
لا أطلب سوى الدعاء لي ولوالدي لو الطريقة نفعت عندكو
في أمان الله

[يوسف علمدار]

شكلوا بتهابل...........
الرسيفر يا افندى بدو اتش دى

[mehamed55]

اخى العزير المشكلة دى اتحلت خلاص والتردد الجديد لقنوات الجديدة هو 11137
ومعدل الترميز 27500

[omr1234]

الله ينور عم حسام ان شاء الله تنفع بارك الله فيك

[احمد البطل]

المشاركة الأصلية كتبت بواسطة mehamed55

اخى العزير المشكلة دى اتحلت خلاص والتردد الجديد لقنوات الجديدة هو 11137
ومعدل الترميز 27500

تمام ياغالى بالفعل التريد يعمل بامتياز دون اى مشاكل

وايضا غيره من الترددات مثل

11054 يعمل ايضا على 27500

[H0SaM]

المشاركة الأصلية كتبت بواسطة mehamed55

اخى العزير المشكلة دى اتحلت خلاص والتردد الجديد لقنوات الجديدة هو 11137
ومعدل الترميز 27500

حتى بعد تغيير معدل الترميز الى 27500 في اجهزة مجابتش صورة والقسم ملياان شكاوى منها بل اني الصورة مقطعتش عندي غير لما اتغير الى 27500 !

[H0SaM]

وفي كمان قناة اسمها شروم على التردد 12399 مبتجبش صورة على الكثير من الاجهزة مع ان ترددها 27500
ان شاء الله يكون ليها حل قريب

[م/اسلام الجندي]

فعلا دى مشكله وعلى فكره الكاون مش بيستقبل القنوات دى صوت بس من غير صوره حتى بعد تغيير الترميز من 22000 الى 27500 نفس المشكله...هجرب كدا الطريقه دى

[mohamadyaseen32]

شكرا على الشرح ... وشغالين عندى

[H0SaM]

المشاركة الأصلية كتبت بواسطة بدر الجندى

فعلا دى مشكله وعلى فكره الكاون مش بيستقبل القنوات دى صوت بس من غير صوره حتى بعد تغيير الترميز من 22000 الى 27500 نفس المشكله...هجرب كدا الطريقه دى

منتظرين نتائج التجربة وان شاء الله هتشتغل

المشاركة الأصلية كتبت بواسطة mohamadyaseen32

شكرا على الشرح ... وشغالين عندى

العفو الشكر لله ولكن هل هما شغالين عندك في الاساس ولااشتغلو بعد تطبيق الشرح

[wael2400]

طب مش ممكن تكتب ارقام الصوت والصورة اللى عندك واحنا ندخلها انا عندى فيجا بلس ولم تنفع

[amrr]

جربتها علي استرا 9900 جولد ومنفعتش

[zidan102002]

بس يا جماعه القنوات دي لسه مشتغلتش يعني الwwweصوت صوره واقفه وكذلك سينما 1

[AHMED ESAWY]

شكرا جزيلا علي الشرح
والحمد لله القنوات شغالة تمــــام من الاول

[AHMED ESAWY]

المشاركة الأصلية كتبت بواسطة zidan102002

بس يا جماعه القنوات دي لسه مشتغلتش يعني الwwe صوت صوره واقفه وكذلك سينما 1

يا غالي القنوات شغالة بس لسه مذاعتش حاجة يعني لسه هتبدأ البث ان شاء الله
وبالتوفيــــــق اخي الكريم