[دكتور/حاتم]

انا مواليد 09 / 10/ 1985
محافظة سوهاج وعندى 28 سنه
كنت طالع بمواد وامتحنت دور تانى
المهم ابتديت اجهز في ورق التجنيد من المركز بتاعى من 1/4/2013
وكشفت طبى يوم 1/5/2013
والعزل كان يوم 29/05/2013
انا كنت على امل سنى يخرجنى لكن للاسف محدش خرج خالص
المهم اترشحت ضابط احتياط وروحت الحلميه يوم 1/6/2013
ونتيجة الترشيح ظهرت 13/06/2013 واتقبلت ضابط احتياط
وقالونا عدوا علينا يوم 22/09/2013 عشان نديكم ميعاد كشف السمات
روحت امبارح وضموا علينا دفعة 2013 دور اول وندهو اسماء الضباط الاحتياط للدفعتين 2012 دور تانى تخلفات مواد و 2013 دور اول
اللى هما مطلعناش بمواد
فجئنا انه كل الضباط الاحتياط بتوع 2012 دفعة تخلفات وكنا 80 واحد
خدوا منهم 2 او 3 والباقى من الدفعه الجديده والباقى نزل عساكر
اتصدمنا جدا وكان فيه ناس هيئت نفسها على ضابط احتياط عشان فيها فلوس وحال البلد واقف
المهم انا اتعقدت جدا ومش عايز اروح وانا سنى 28 سنه
وقالونا العساكر يعدوا علينا يوم 20 اكتوبر 2013 عشان يسمعوا السلاح
لو مروحتش هيحصل ايه في الحاله دى انا سمعت انى ابقى متخلف عن الدفعه واكمل 30 سنه ويتعملى قضيه وادفع 3 الاف وخلاص
انا بصراحه علي فلوس وعايز اشتغل ومش هاقدر استحمل سنه اضيعها
ارجو من المستشار القانونى يرد على ويدلنى ع الصح فين

[دكتور/حاتم]

ارجو الرد من الخبراء

[دكتور/حاتم]

ارجو الرد من المستشار القانونى

[دكتور/حاتم]

حد يرد علينا يا جدعان

[wardany2012]

انا علي قد معلوماتى انت طالما قدمت ورقك تبقي كدة هربان كانك لبست وهربت وهتتحاكم زيك زى اللي دخل وهرب اما في حالت انك مروحتش خالص يبقي بعد 30 سنة هتتحاكم وتدفع غرامة

[دكتور/حاتم]

انا في حد قالى بعد 31 سنه بس ما اعرفشى كلامه صح ولا لا

[دكتور/حاتم]

يعنى لو اتمسكت قبل 30 سنه هاترحل ولا اتحبس

[احمد علي علي]

اخي الفاضل تصبح متخلف وعندما تتخطي سن 30 سنه من حقك تقديم اوراقك حتي تتم المحاكمه العسكريه ويكون الحكم المتوقع هو الغرامه ولكن بشرط مهم هو عدم تصويرك او استخراج كارنيه عسكري لك ...... وتمنياتي لك بالتوفيق

[دكتور/حاتم]

المشاركة الأصلية كتبت بواسطة احمد علي علي

اخي الفاضل تصبح متخلف وعندما تتخطي سن 30 سنه من حقك تقديم اوراقك حتي تتم المحاكمه العسكريه ويكون الحكم المتوقع هو الغرامه ولكن بشرط مهم هو عدم تصويرك او استخراج كارنيه عسكري لك ...... وتمنياتي لك بالتوفيق

يعنى حضرتك لو مروحتش اسمع السلاح وماختش الكارنيه يبقى كده انا متخلف مش هارب طايب لو اتمسكت اتحبس ولا البس ؟

[احمد علي علي]

المشاركة الأصلية كتبت بواسطة دكتور/حاتم

يعنى حضرتك لو مروحتش اسمع السلاح وماختش الكارنيه يبقى كده انا متخلف مش هارب طايب لو اتمسكت اتحبس ولا البس ؟

في حاله تخلفك عن الذهاب لسماع سلاحك او استلام الكارنيه فأنت متخلف عن التجنيد ولك الحق بعد ان تتخطي سن 30 سنه ان تقدم اوراقك وتنتظر محاكمه عسكريه والحكم المتوقع الغرامه ...... وفي حاله القبض عليك قبل بلوغك سن الثلاثين سوف تقضي الخدمه العسكريه وتضاف الي مده خدمتك 45 يوم او سنه زياده بلغه الجيش ......... ويختلف الوضع تماما لو انك بعد استلام الكارنيه وسماع سلاحك ومركز تدريبك تخلفت يعد ذلك هروب وفي حاله القبض عليك يكون الحكم المتوقع الحبس .

[دكتور/حاتم]

طايب لو روحت سمعت السلاح وبعد كده ما روحتش واتمسكت اتحبس ولا البس ؟
ولو كملت 30 سنه في الحاله دى ادفع غرامه ولا اتحبس في حالة الهروب بعد سماع السلاح ؟

[دكتور/حاتم]

المشاركة الأصلية كتبت بواسطة احمد علي علي

اخي الفاضل تصبح متخلف وعندما تتخطي سن 30 سنه من حقك تقديم اوراقك حتي تتم المحاكمه العسكريه ويكون الحكم المتوقع هو الغرامه ولكن بشرط مهم هو عدم تصويرك او استخراج كارنيه عسكري لك ...... وتمنياتي لك بالتوفيق

انا مش فاهم يعنى ايه تصوير
هما صورونى بالزى العسكرى في الكشف الطبى فقط

[حسين31]

اخى الكريم
ليس المشكله فى تروح ولا متروحش
المشلكه انك مش هتسمح نفسك
انك تخلفت عن الدفاع عن الارض
وهو الوطن
بعد كده لو شوفت عسكرى حتى فى التلفاز تخاف منه
يبقى كيف هشتغل وتجوز
هل معقول مش هتعمل اى اورق خالص خلال هذه الفتره
يعنى مش هتلع من بيتكوم خالص
والجيش انت تدور عليه مش يدور عليك
وكل يعدى بس بالصح

[دكتور/حاتم]

المشاركة الأصلية كتبت بواسطة حسين31

اخى الكريم
ليس المشكله فى تروح ولا متروحش
المشلكه انك مش هتسمح نفسك
انك تخلفت عن الدفاع عن الارض
وهو الوطن
بعد كده لو شوفت عسكرى حتى فى التلفاز تخاف منه
يبقى كيف هشتغل وتجوز
هل معقول مش هتعمل اى اورق خالص خلال هذه الفتره
يعنى مش هتلع من بيتكوم خالص
والجيش انت تدور عليه مش يدور عليك
وكل يعدى بس بالصح

انا ممكن افدى الوطن برقبتى
بس المشكله في معاملة القاده الوحشه للعساكر
وبعدين انا عمرى 28 سنه وعلى فلوس هل الجيش يرضى يدفع لى
للاسف البلد عايز مننا واجبات بس ما بتديناش حقوق
ورميانا زى الكلاب من غير شغل
برغم انى واخد كلية طب بيطرى مش لاقى شغل
ومش عارف اعمل عياده عشان معنديش فلوس
انا كنت راضى لما قالولى انت ضابط احتياط قلت اخد مرتب كويس واسدد ديونى ورضيت وعديت من الاختبارات وبعد ما ضموا دفعه جديده لينا
كل اللى كانوا ظباط احتياط نزلوهم عساكر فجالى احباط
لانى متعطل من 6 شهور