[ابو محمد 2005]

شن محمود معروف الناقد الرياضي، هجومًا عنيفًا على لاعبي المنتخب الوطني المصرى، بعد فضيحة غانا، فى ذهاب الدور الحاسم المؤهل للمونديال.

المقالة كاملة كما جاءت بجريدة الجمهورية :


فرقة المقاطيع:
** نكدتم علينا يوم العيد.. الله ينكد عليكم يا بعدا!!
وزير الصحة:
** كارثة.. مصيبة.. كل أدوية القلب والسكر والضغط خلصت بعد المباراة.
وزير الداخلية:
** عاملهم كمجرمين.. ارتكبوا فعلاً فاضحاً في غانا.. خذهم من المطار إلي طره!!
جماهير غانا:
** كنتم تحلمون بثلاثية.. وائل جمعة ومحمد نجيب وحسام غالي.. أكرموكم بسداسية!!
لاعبو المنتخب:
** وعايزين تلعبوا تاني؟ يا أخي دخلتم مزبلة التاريخ!
طاهر أبوزيد:
** اساءوا إليك وإلي مصر وأقل قرار شطبهم من السجلات!
أبوتريكة:
** كفاية عليك كده.. روح اعتصم في كرداسة وأقرا علي القرافة.
برادلي:
** اللي يستاهل الشنق اللي اتعاقد معاك.. قل لي.. قبضت كام من الإخوان؟!
الرئيس الراحل محمد نجيب:
** الله يخرب بيته مرمط رأسك في التراب.. أول مرة أشوف مدافع ينط لتحت!!
مدرب حراس المرمي:
** أنت أحد أسباب الفضيحة باستبعادك عصام الحضري لأسباب شخصية!!
ضياء السيد:
** لو كنت مدرباً فعلاً لقلت لبرادلي إن محمود فتح الله وهو مكسح أفضل ألف مرة من محمد نجيب!!
منتخب الجزائر:
** مبروك عليكم.. أنتم المنتخب العربي الوحيد في كأس العالم بالبرازيل.
وائل جمعة:
** ماجبتش ولا جون لمصر.. رايح تجيب لغانا.. يا أقرع؟!!
المنتج محمد السبكي:
** أعمل فيلم عن الفضيحة.. وجهز لنا منتخب من الرقاصات بتوع أفلامك!!
محمد صلاح:
** ظلموك وذبحوك.. بدلاً من الانتقال لتوتنهام شكلك كده هترجع تاني لعثماسون طنطا!!
محمد النني:
** يا نن عيني.. بتلعب في أوروبا؟ هي أوروبا دي جنب أطفيح؟!
حسام غالي:
** آل "غالي" آل.. أنت متساويش "مليم"!!
شيكابالا:
** يا ابني قلنا 100 مرة مكانك السيرك!!
أحمد شديد قناوي:
** أنت "شديد"؟ أنت انيميا وعندك بلهارسيا واسكارس والزايدة الدودية!!
أحمد فتحي:
** مع السلامة.. مع السلامة.. مع السلامة يا أبو عمه مايلة!!
وليد سليمان:
** اقطع دراعي إن ما كان اسمك في الشهادة ده "بليد" سليمان!!
شكري أبوعميرة:
** تليفزيون غانا طول الليل بيذيع أغنية "المصريين أهمه" وأغنية "غانا الهوا غانا.. وأبياه.. إدانا علي قفانا"!!
محمود الجوهري:
** ألف رحمة ونور عليك!!
مجدي عبدالغني:
** من حقك نعمل لك تمثال في الجبلاية!!
الأهلي:
** افرحوا بالقطن.. علي فكرة بتوعكم همه اللي ضيعوا مصر!!
منتخب غانا:
** ستفوزون ايضا في القاهرة.. الزمالك من يوم ما اتغلب "6/1" لم يهزم الأهلي ولا مرة!!
شعب مصر:
** برادلي "أمريكي" وأبوتريكة "إخواني".. والمباراة علي القناة "القطرية" وعايزينا نكسب؟
اتحاد الكرة:
** حسن شحاتة رجع من المانيا وحسام البدري رجع من ليبيا!!
جماهير الكرة:
** برنامج "ارجع شجع" كان وشه وحش.. اوع تشجع!!
أحمد الشناوي:
** هي المشرحة ناقصة قتلي؟!!


المصدر

[شكرى المنياوى]

بامانه مفيش ولا كلمه غلط

[سامح م]

ههههههههههههههه
احلى من الشرف مفيش

[nasserabdo]

الا ان نصر الله لقريب
بأذن الله بعد العسر يسر

[amroselem]

هههههههههههههههه جامدة

[جمال عيد]

انشاء نرد في مصر ونصعد علي الاقل الكرامه وانشاء الله هنصعد عشان خاطر الشعب الكفران ده

[abedd]

نتمنى على الجميع رفع الروح المعنوية عند اللاعبين لا احباطهم قبل مباراة العودة ويادوب نلحق نجهز نفسنا لمباراة العودة لرد اعتبار مصر مش مهم التأهل المهم نرد الاعتبار

[a-s-h]

الراجل ده طول عمره لسانه طويل في الحق والباطل مال الجزيرة والاخوان بالهزيمة
ده حقد على الاهلى مش تحليل ونقد

[weka bob]

الا ان نصر الله لقريب
بأذن الله بعد العسر يسر

[&ABO GNA&]

قل لن يصيبنا الا ما كتب الله لنا "
و هذا أكبر دليل على أن كل شئ يحدث هو خير لنا

[صابر عبدالباسط]

مقال محمود معروف صنع تعاطف غير طبيعي مع لاعبي المنتخب والجهاز الفني.. ومش بعيد الناس تروح تشجع في الاستاد بسببه!!!!.. أه والله.. أصل فيه فرق بين قلة الأدب والنقد.. وفيه فرق بين الإعلامي ومشجع الدرجة التالتة

[سلمان ابو خشبة]

راجل طول عمره منافق وبسبعين وش
صدق اللى سماه محمود معلوف

[ayoo]

دى مصر اللة فى العون

[هشام محروس]

مال الجزيرة والاخوان بالهزيمة هى اى حاجة تحصل نعلقة على شماعة الاخوان اية النفاق دة ومال الكورة والسياسية
انا بقول كدة مش بدافع عن الاخوان بس الواحد لازم يقول كلمةالحق وبلاش نفاق

[السيدعبدالعزيز]

النفاق عنوانه .