[saha_samir91]

دلوقتى انا كنت شغال تمام بالليل على الكارت ومكانشى فيه اى مشكله وفجأه انهارده بشغل الكارت لقيت كل القنوات بتقطع تقطيع رهيب والبروسيسور بيوصل 100 ,, مش عارف من ايه لو سمحتوا ممكن افاده ؟

[الحمادوى]

اولا
تاكد ان المشكلة مش من الجهاز وده انك تفصل الكارت وتشغل اى ملف فيديو وتتابع البرسسور

لو المشكلة بتحصل عند تشغيل الكارت
احذف التعريف واقفل الجهاز وافصل الكهربه دقيقة عن الجهاز والكارت
وعرفه من جديد وياريت تستخدم منفذ usb اخر
وجرب وصلة usb اخرى وتكون نوع جيد

لو استمرت المشكلة جرب الكارت على جهاز اخر
لو ظهرت على الجهاز الاخر يبقى فيه مشكلة فى الكارت او الادابتور

[ايهاب2000]

ممكن لو سمحت اعرف انته جبت الكارت منين ؟؟؟ المكان فين ؟؟؟
ف القاهره ولا انته من محافظه تانيه ؟؟ ولو ف القاهره اسم المحل

[saha_samir91]

الكارت دا موجود فى منشية البكرى فى مول السخاوى فى القاهره

[butcher22]

ممكن رقم تليفون او اسم المحل اللى فى المول

[الحمادوى]

ممنوع وضع ارقام تليفونات او عناوين

[butcher22]

طيب رساله على الخاص ده من باب التسهيل مش من باب الاعلان لان الكارت مش موجود فى كل مكان وانا من خارج القاهره

[ايهاب2000]

ياريت بردو تبعتلى رساله فيها اسم المحل ورقم التليفون ؟؟؟ على الخاص

[saha_samir91]

والله انا مش عندى امكانية انى ابعت رسايل وكدا ... استأذن الادارة وابعتلك الاكونت الخاص على الفيس بوك ....

[الحمادوى]

للتسهيل عليكم
البحث فى جوجل بهذه الجملة
E.t.s وكيل Tevii

هتوصل لعنوان الوكيل وتليفوناته وان شاء الله تجد امكانيه الشحن لو من خارج القاهرة

[islamkd]

انا اتصلت بالوكيل وقلى ان كارت tevii 464 مش موجود

[saha_samir91]

انت تقصد 660 ولا 464 ؟؟؟ وضح لو سمحت ومول السخاوى فيه كل انواع الكروت الى تخطر فى بالك ...