[rokaa92]

بالرغم من انى مبسوط جدا من امكانيات جهاز الجوكر اللى بصراحة جيدة جدا جدا وممتعة الا انى دايما باحس انة جهاز مش قوى جهاز ضعيف فى الاداء ودايما بفكر ان ربنا يستر وهو شغال وبصراحة بيعمل حاجات غريبة يعنى مشكلة الصوت بتاع بانوراما اكشن اللى مش موجودة عندى فى ريسيفر تانى عندى فى نفس البت ومشكلة قطع الاشارة لدرجة ان الراجل الفى اللى جة يضيفلى قمر ما كنش معاة ريسيفر اول ما جبتلة الجوكر يظبط بية قالى لا الا دة دة اشارتة زى الزفت فى التجميع فجبتلة واحد اسنرا ظبط علية .وبصراحة انا مش خبير فى الريسيفرات بس انا اتعاملت معريسيفرات كتير يعنى كان عندى الكيوماكس الكورى القديم خالص جهاز وحش واتعاملت مع الاسترا اكتر من موديل وعندى دلوقت استرا 8800 جهاز قوى جدا وقبل الجوكر كان عندى سيناتور جهز قوى جدا فى شغلة لكن بصراحة الجوكر مدينى انطباع انة ميطمنش ودة رأى وربنا يستر الواحد يتمتع بية اطول فترة ممكنة واعتقد ان فية ناس كتير بتشاركنى نفس الرأى......

[هبة حمدان]

اسمع ياباشا الجوكر جوكر وعملة ماعمل الحاجات دى معانا بلاش تطلعة سمعة علية

[rokaa92]

والله ما سمعة انا بحب الجهاز جدا ومستمتع بية فعلا وبقول لصحابى كلهم علية بس انا بقول انطباع مش بقول انة جهاز وحش على العكس تماما وحضرتك اتعاملت معاى من الاجهزة اللى انا قولت عليها اكيد هتفهم اللى انا بقولة

[elbaz_msh]

الجوكر جهاز ممتاز جدا محتاج اللى يقرا عنة كويس قبل ما يتعامل معاة بخلاف كدة امكانياتة عالية جدا جدا واشارتة ممتازة مجرب من قبلى على قمر الاسترا 19.2واضعف الترددات

[kadrey]

تمام فعلا قنوات الاسترا مكنتش بالقطها على الجهاز القديم دلوقتى شالة باشارة عالية على الجهاز الجديد ده يثبت ان الجهاز التيونر بتاعه حساس جدا



الجوكر تفوق على الدريم بوكس بكل انواعه ناقص بس ان يركب له هارد

[elbaz_msh]

المشاركة الأصلية كتبت بواسطة kadrey

تمام فعلا قنوات الاسترا مكنتش بالقطها على الجهاز القديم دلوقتى شالة باشارة عالية على الجهاز الجديد ده يثبت ان الجهاز التيونر بتاعه حساس جدا



الجوكر تفوق على الدريم بوكس بكل انواعه ناقص بس ان يركب له هارد

بيركب لة هارد عن طريق الusb مجرب علية هارد80
بس للامانة الجوكر امكانياتة عالية جدا بس مفيش جهاز يقدر يعدى تكنلوجيا الدريم بوكس وقوة الدريم بوكس فى الشيرنج

[محمدكامل بركات]

يا جماعة انا برد وبسال اسالة محدش بيرد عليا وبدؤر على ردود علية مش بلاقى حد يعرفنى السبب وكنت عايز اعرف ازاى اركب هارد للجوكر ومشكورين

[احمد رمضان]

المشاركة الأصلية كتبت بواسطة kadrey

تمام فعلا قنوات الاسترا مكنتش بالقطها على الجهاز القديم دلوقتى شالة باشارة عالية على الجهاز الجديد ده يثبت ان الجهاز التيونر بتاعه حساس جدا



الجوكر تفوق على الدريم بوكس بكل انواعه ناقص بس ان يركب له هارد

والله عيب لما تقول الجوكر تفوق على الدريم بوكس هو لو تفوقعليه تفوق عليه فى السعر فقط بس ما ينفعش تقارن سياره فيات 128 بسيارة bmw اظن كلامى وصل

[muhammad iprahem]

المشاركة الأصلية كتبت بواسطة محمدكامل بركات

يا جماعة انا برد وبسال اسالة محدش بيرد عليا وبدؤر على ردود علية مش بلاقى حد يعرفنى السبب وكنت عايز اعرف ازاى اركب هارد للجوكر ومشكورين

تقدر تركب هارد usb للجوكر بالوصله بتاعت الهارد وهتلاقيه قرأ عادى زى الفلاشه حتى لو كان الهارد 1000 جيجا