[سيد قراره]

الليله ليـلـة عــيــــد ..
عمل النصارى حسابه ولبسوا هـدوم العــيـد ..
وإلى الكنيسه رايحــيــن .
بيشوى فريد لبيب ..يزورا عيــال عـمـه .
كالعاده يـوم العيـد .. الكـــل يتلـمـــوا..
سـعــداء .. وفـرحـانـين.
و بولا عاطف يسى .. رايـح على خـالـه .
ياخد العيديه منـه.. ومن مرات خالــــه..
زى ولاده التـــانـــيين.
ومينا حلمى سعيد .. حيقضى يوم العيــد..
حيـروح على النـادى ويقضى وقت سعيـد
ومايكل وكيرلس نصرى . وأبرآم وجـورج ووجــدى
ما فيش مـره أســاءوا لــحـــد
أخــلاق .. وثقــافـه .. وديــن .
وجـه وقت القــداس .. وده فرحـه لكل النـاس .
واتحرك أهــل الشـر..
وقـلـوب ســودها الغــدر..
ونفـوس أعماها الحـقــد ..
بتحــــركـها الشيـاطـــين .
وفجـأه طلـع من جــوه الغـابه ..
غـــول شرقــان بـيـمـص الــــدم.
جايـب بعض عيـاله معاه قـلبـوا فرح العيـد بالغــــم.
قـــال لعيـاله يللا بهمه : اقتـــل ..اقتـل .. اسفـك دم
اقتـل ..احـرق .. خـرب ..دمـر اقتــل.. اقتــل .. ولا تهتـــم .
قلبــوا الشـارع بركـــة دم .
وسقط الشهدا فى غمضة عـيـن.
نادى ياقـبـطـى ربك نــادى اصرخ.. زلزل ..أرض الوادى
أبانوب مات.. وبيشوى مات وبولا سبقهم فى الناحيه دى
مينا وجورج.. ورفيق ماتوا ليه اتقتـلوا فى أرض الوادى
دم الموتى مش هيـضيــــع لا فى الحاضر ولا فى الماضى
وهيفضل المسيحى والمسلم اخوات غصب عن عين أعداء الوادى

[سيف ال]

حسبى الله ونعم الوكيل

[ايمن حماد]

حسبى الله ونعم الوكيل

[سيد قراره]

عفوا إن لم يكن هذا الموضوع مكانه هنا ولكن حادث مثل هذا مكانه فى كل جزء من قلوبنا وفى كل منبر رياضى ثقافى ترفيهى 000 ودائما وأبدا ستظل الرياضة هى اساس السلام

[مجدى (الضابط) كشك]

مصرررررررررررررررررر
قبل كل شئ وليعلم الحاقدون انى كامسلم حزين لاراقة هذه الدماء ونحن منكم براء
فكم احسست بغصة وهم من هذه الفعلة الشنعاء
ومن هذه الصفحة اقدم واجب عزائى لاهل الضحايا سوائ قبطى او مسلم
وارجو من الله ان يحفظ مصرنا من كل سوء

[hamada 20]

لا للارهاب

[محمدزكريا59]

ما حدث عمل خسيس دنئ لا يجوز فى كل الأديان

[aiman noor eldein]

موضوع ولا أروع حبيبى سيد بك قراره
مثبت بإذن الله تعالى

[ايمن حماد]

[ابو حبيبه]

الويل للاعداء الدين والوطن
وكما قال الارهاب لدين له

[ابو خلدوون]

حسبى الله ونعم الوكيـــــــــــــــــــــــل

[batista_cena]

حسبي الله ونعم الوكيل

من هذا الذي يقتل نفس بريئه؟؟؟؟

[bebeto250]

الله يرحمهم جميعا ويصبر اهاليهم ويعوضهم اضعاف وهو عنده الكثير هنا وفي الفردوس

[علاء اللول]

من القلب الى القلب
البقاء لله

[samsam_8989]

حسبى الله ونعم الوكيـــــــــــــــــــــــل