[مصطفى_يوسف]

السلام عليكم ورحمة الله وبركاته اعضاء المدونة الكرام


اهلا ومرحبا بكم معنا..


بتيجى استفسارات مهولة من اصحاب الشبكات...


عاوزين نحط بعض منها واسبابها وكيفية القضاء عليها....


(1) المشكلة انى كنت شغال كويس جدا وفجأة البينج بيعلى اوى على كل الاكسسات طول اليوم معدتش عارف اعمل ايه؟..


عزيزى صاحب الشبكة من فضلك اتبع التعليمات الاتية...


*شوف اخر توصيلة انت عملتها ومن بعدها حصل الضعف ده حاول تراجع هاتلاقى الاكسس فيه مشكلة...


*الارجى بتاع سلك التوصيلة فيه مشكلة....كارت لان العميل فيه مشكلة...السويتش او فتحة فى السويتش فيها مشكلة..


*تاكد من اشارة الاكسس من داخل الاكسس نفسه...والاهم من ذلك قراءة الاكسس من على البوليت او البيكو نفسه


بتفتح القايمة الرئيسية ومن شو ستشن بتفتح وتشوف البوليت قارياه سالب كام..احترس من بداية سالب 75


لو لقيت اعلى من كده افصل الاكسس وشوف البينجات..


*افتح سايت سرفاى واقرء هل قامت جنبك شبكة جديدة؟...


*تاكد من القناة التى تعمل عليها ميكونش عليها شغل كتير يعنى شوف اللى حواليك شغالين بايه واخلفهم انت!!!


*تاكد من ان ميكونش احد الاكسسات تم بناء بيت امامه او وقع من فوق سطح العميل والانتنا اتكسرت


هاقولك السبب..لان الاكسس ده هايبقى اشارته قليلة جدا بيعلى بينج البوليت جدا على كل الشبكة مش هو بس..


****عاوز الحل المثالى..


تفتح البوليت وتعلم على mac acl وتفتح ماك ماك للاكسسات مع البينج بمجرد دخول الاكسس اللى بيعلى البينج تصطاده فورا




(2) البينج بيعلى ساعة المغربية او العشا يعنى بالليل فقط ومش دايم؟...


**تاكد من الكهرباء عندك..يرجى استعمل سلك ترمو كهربا نضيف ويكون الباور مغلف داخل علبة ووتر بروف


ويكون السلك الواصل بين المحول وجهاز البوليت او البيكو نوع فاخر ال 8 اطراف نحاس


** تاكد ان محدش بيربط على احد الاكسسات اللى انت عاملها ربيتر بموبايل واشارته قلية او لاب واشارته قلية..


** جرب ايضا احدث سوفت لاجهزة الوايرليس من على موقعها تابع التحديث دوما..


(3)فجأة بيحصل قفلة ومحدش يشتغل نت وكل الاكسسات تجيب مثلث اصفر ومحدش يشتغل؟..


*افصل اللاسلكى عن السويتش وشوف فيه نت ولا لا؟..


*لو فيه انترنت فى الارضى ومافيش فى اللاسلكى اقفل ***** الميكروتيك بتاعك وحاول تسحب ايبى اوتوماتيك


لو جهازك سحب ايبى اوتوماتيك هاتلاقيه ايبى اكسس شوف الجيت واى بتاعه كام واكتبه فى المتصفح


وادخل على الدى اتش سى بى فى اللان بتاع الاكسس واقفله وغير ايبى الاكسس متسيبوش ديفولت


** لو مافيش نت فى الارضى يبقى القفلة جاية من الارضى اتبع نفس الاجراء قد تجد روتر او اكس بوينت مفعل به الاوتوماتيك


لو مافيش ايبى اوتو افصل من الرئيسى سلك سلك لحد مايرجع لك النت ويشتغل تعرف السلك اللى فيه المشكلة فين وتتبعه


هاتلاقى سويتش مهنج...سلك داخله مياه...سلك مشترك مزنوق ومقشر او ماشى تحت سجادة او مزنوق فى باب..


او قد يكون احد المشتركين مسطب نت كت وبرامج سنيفر هاتوصل لسلكه برضه بس عاوزة شوية جهد


**تاكد من السيوتشات اللى تحت الاكسسات لو موزع لاكتر من عميل على اكسس واحد قد يكون احد العملاء سلكه به مشكلة


(4) انا محتار اجيب انهى جهاز يبقى اقوى فى الاداء؟...


عاوز اوريكم صورة مهمة جدا..







فى جلسة التيم فيور دى..


تصادفنى مشكلة غريبة


الاستاذ محمد ميسى فى بلدة بالزقازيق..


جاب هايبر لينك مع بوليت ولم يفلح....


جاب بيكو استيشن هاى باور ولم يفلح..


جاب نانو استيشن ام تو ولم يفلح...


ليه السيستمات الهاى باور دى منجحتش معاه؟.. تقدر تعرف من الصورة اخى الكريم..


كميو شبكات واخدة القنوات كلها ومكررة كمان ولا الجن الازرق يقدر يظبط له شغله هناك على ترد 2.4


زى ماشوفنا الوحش عاوزين نشوف الحلو برضه







ماترونه حقيقة وليس خيال..


وايضا ماترونه ليس قاعدة عامة...


ناس كتير تاخد السيكتور وميظبطش معاها اداء...اللى بيحصل معاه كده كتير ومحدش ينكر ده...


لكن ناس اكتر تاخد السيكتور ويظبط الاداء جدا...


السبب يرجع الى الحساسية العالية اللى كنت تناولتها قبل كده فى موضوعات السيكتور المصرى


ومن اهم مميزات السيكتور المصرى عدم تاثره بالنويز وماشابه التى تؤثر بشدة على الاجهزة الهاى باور


يعنى الانتنا بلدى ومصنوعة فى مصر وايضا لا تنسى ان التوجيهى افضل مليار مرة من الاومنى المشتت


بالرغم اننا راينا بالصورة نانو استيشن ام تو توجيهى واشارته اقوى من السيكتور كمان الا انه لم ينجح


فى التعامل نظرا لعوامل وجغرافية المكان وكثرة القنوات والشبكات..


مانخلص اليه...


عاوز تعمل شبكة...اتبع الاجراءات التالية...


(1) اشترى اكسس ب 180 جنيه اى نوع تى بى لينك ايديماكس او اى حاجة...


(2) اعمل بحث فى المنطقة اللى هاتحط فيها شغلك وانظر هل يوجد لك قناة جيدة تنفرد بها ام لا..


وانظر ايضا لكمية الشبكات بجانبك هل كثيرة ام لا...


(3) لو وجدت انك وحيدا او بجانبك شبكتين كمان تقدر تشترى الهايبر او البيكو او البوليت وسيعمل السيستم بكفاءة


(4) لو وجدت شبكات تزيد عن 4 شبكات وان القنوات كلها تعمل فى منطقتك فلا يوجد لك حل اخر فى الانتنا السيكتور المصرى


(5)تستطيع توفير نفقات سيستم غالى وازرع فوق كل سويتش لك اكسس بوينت رخيصة ب 180 جنيه هاتغذى


المنطقة التى تملكها وايرليس بالكامل

هذا الموضوع منقول للامانه.. ونرجو ان يفيد الجميع

[emadzzz202]

بارك الله فيك

[alzahed]

بارك الله فيك

[احمد محمد بسيوني]

بارك الله فيك