[راضي محمدي]

بسم الله الرحمن الرحيم
اولا انا عامل الفكره دي من حوالي 3 سنين والفكره مش هاتكلفك اكتر من 100جنيه ولو عندك الادوات دي يبقي انسي هم التكلفه
الموضوع باختصار ازاي اركب جميع الاقمار بدون تلفزيون ومعرفة قوة الاشاره وكمان ازاي اعرف ان القطعه اللي انا شغال بيها او اللي راكبه في الطبق سليمه او لاء وكمان السلك اللي انا شغال بيه سليم او لاء خليك معايا
اولا الادوات
1-ريسيفر صيني اي نوع اي كان ولكن يجب ان يكون معالج علي
وافضل نوع هوه البريفكس 7000 وده لانه فيه مميزات وهيه
اولا حجم البانل اللي هيه الشاشه بتاعته صغيره جدا وهنحتاج الحجم ده
ثانيا ارقام البانل او الشاشه لونها احمر ودي هتساعد الفني انه يشوفالارقام بسهوله
2-سماعه اللي هيه بتبقي تيجي مع الموبيلات الصيني اللي بتكبر الصوت ودي بتشتغل ببطاريه وهنحل مشكلة البطاريه بس تابع معايا
او سماعه مكبر للصوت اللي هيه بتتباع في السوق وبتسمي كي 3
وبتشتغل ببطاريه برضه
3-شاحن عادي اي نوع اي كان
4-سي دي روم تالف عندك عشانهنستخدم العلبة بتاعته لتصغير حجم الجهاز
****كيفية تجميع المكونات والادوات ***
اولا بالنسبه للريسيفر هانفك الجهاز ونمسك البورده الرئيسيه وهنيجي علي مخرج الصوت الاوديو ونعمل توصيله من مخرج الصوت بلحمهم في البورده اللي هما الخطين ودي سهله جدا
ثانيا -مكبر الصوت وهنعرف ليه استخدامه
بنيجي علي الوصله اللي بتبقي في المكبر اللي هيه بتوصل في الموبيل او اللي بتركب في الموبيل هنقطع السوكت وهنلاقي 3سلوك اتنين لطرف السماعه يعنيسماعه يمين وشمال ده لو الجهاز فيه سماعتين
اما لو هتستخدم كي 3 هتلاقي خطين بس
هتوصل الخطين دوول بوصلة البورده اللي عملنها في بوردة الريسيفر اي توصيل يعني مش مهم التركيب لانهم مفيش فيهم موجب وسالب يعني عادي
نيجي بقي لمشكلة البطريه واحد يقولي البطاريه لو فضيت هاعمل ايه
الحل
ثالثا الشاحن
استخدامه هنا عشان تخلي الجهاز يشتغل من 220 فولت يعني التيار العمومي بدون بطاريه هتوصل الشاحن في الجهاز مكبر الصوت بيبقي في جهاز ال كي 3 او في جهاز مكبر الصوت مكان للشاحن وسوعات بيجي معاه الشاحن هنركب الشاحن عادي جدا في الجهاز
رابعا هنوصل الشاحن علي التيار 220 فولت اللي داخل علي دايرة البور بتاعت الريسيفر
خامسا التجميع وهنا هنستخدم السي دي روم
هنحتاج علبة سي دي روم عشان نصغر حجم الجهاز اكثر واكثر
هنجيب بانل الريسيفر اللي هيه الشاشه ونضعها في مقدمة علبة السي دي روم
وبعد كده نركب بورده الكهربه والبرده الاساسيه
بالنسبه لموضوع السي دي رووم انت ممكن تستغني عنه ده لتصغير الحجم فقط
اخيرا طريقة الاستخدام
الجهاز هيبقي بجوارك جمب الطبق وانت بتركب هتوصل السلك بتاع الطبق طرف في القطعه والطرف التاني في الريسيفر
بعد كده بالنسبه للريسيفر لو انت هتركب جميع الاقمار مثلا ياريت تبرمج الريسيفر برمجه يدويه علي طبق متحرك مظبوطه الاشاره بتاعته والخطوه دي اساسيه ولازم تنفذ
بعد كده تبرمج الاقمار اللي انت عايزها علي الريسيفر
مثلا النايل سات وتحط مثلا 5 قنوات وتميز اولا قناة انت عارفها يعني مثلا قناة المجد تخليها علي رقم واحد
وبعد كده تحط قناتين تاني بس يكونو افقي وراسي وفايدة دي عشان ممكن تكون القطعه فاصله جنب او حاجه مثلا قناة دريم 1 و2
بعد كده الهوت بيرد مثلا وتعمل نفس الخطوات بس تزود ععد القنوات عشان تميزه مثلا تخليه 10 قنوات ويفضل انك تحط القناة المصريه الفضائيه لانها سهلة المعرفة وبعد كده قناتين بيحتاجو اشاره عاليه ويكونو برده افقي وراسي
وهكذا علي جميع الاقمار اللي انت عايزها مفيش مكشله وتكتب الاقمار بعدد ارقام القنوات فيها بورقة وتلزقها علي الريسيفر
استخدام الجهاز هتوصل طرف السلك في القطعه والطرف التاني في الجهاز وبعد كده تدوس علي كلمة info في الريموت او انفورميشون
هتلاقي في بانل الريسيفر حرف ال p وجنبه صفر وجنبه واحد الواحد بيتكتب واحد صفر واحد صفر يعنيمره واحد ومره صفر باستمرار ولازم الرقم ده يتغير لان من الرقمده اللي هوه بيتغير بتعرف ان القطعه شغاله والسلك بتاعك سليم
بعد كده حرك الطبق ناحية القمر اللي انت عايزه هتلاقي بنال الريسيفر لما يوصل لمدار القمر بتتغير الشاشه من او قوة الاشاره من واحد وصفر بتبدا ترتفع معاك الارقام مثلا 23 بعد كده 50 او اكثر حسب قطر الطبق لكن بالنسبه للريسيفر ده افضل اشاره ليه علي النايل سات للطبق ال 70 سم هتلاقيها من 55 الي 65 مفيش مشكله كده الاشاره تمام التمام وافضل اشاره واعلاها
كده انت ظبط النايل سات نيجي بعد كده للقمر التاني او علي حسبالترتيب اللي انت عامله مثلا الهوت بيرد هتدوس علي كلمة سات في الريموت وبعد كده تدوس علي اللي بيعلي الصوتبعد كده تتاكد من عدد القنوات علي حسب ماانتا مظبطهم يعني لو 8 قنوات مثلا اكتب رقم 8 من الريموت لو وقف علي 8 يبقي انت كده واقف علي القمر تمام
ونفس الخطوات السابقه في جميعالاقمار اي كان عددها
هنا بقي الخطوه المهمه والاهم او السؤال اللي ممكن اي حد يساله اولا
ايه فائدة جهاز الصوت اللي ركبنا
او واحد يقول بتبقي في اشارتا وهميه
هنا بقي استخدام جهاز الصوت لانك لما بتيجي الاشاره الصوت بيشتغل وبكده تعرف انت علي قمر ايه بسهوله جدا وتتجنب موضوع الاشاره الوهميه اللي بتكون لاكثر من تردد
بفضل الله تعالي الجهاز انا عامله من 3 سنين وشغال معايا ميه ميه بدون اي مشاكل
الطريقه دي اي حد اي كان محترف او لاء يقدر انه يعمل الجهاز بسهوله جد جدا جدا جدا وزي ماانتو شايفين غير ملكف بالمره يعني اسعار رمزيه جدا جدا جدا جد

[kotb-2012]

تسلم يا برنس على الموضوع الجامد دة

وبجد الفكرة دى لو نجحت يبقى فلة

[book]

طيب مهوة لزم توصل كبل كهرباء ياغالي بردة وهي هي نفس شغل القديم حتوصل كهرباء الي سطح ازاي

[راضي محمدي]

اي فني لازم يكون معاه كابل كهربا بس كده مش هنحتاج تليفزيون وبكده يابرنس الذبون يكون مبصوت انك هتحافظ علي حاجته

[NOOR SAT]

معلش الشرح مش واضح شوية

الفكرة معروفة طبعا من زماان الزمان بخصوص اننا نجيب الاشارة بالانفو

كل شئ موجود والشرح مفهوم عدا اهم نقطة..

وهى ازاى اشغل الرسيفر بدون سلك كهرباء

مش فاهم تقصد ايه ياريت توضح

[راضي محمدي]

الفكره انك يابرنس تسمع صوت القناه من الريسفر علشان اوقات كتير الاشاره بتكون كدابه ياريت تكون الفكره وصلت وانا تحت امرك في اي استفسار

[شريف محمد السيد]

فكرة رائعة يا أخى بس ممكن تعرفنا ان ازاى هنعزل بين البردة وبين جسم السى دى اللى هو صاج موصل للكهرباء وايضا كيف نضع بوردة الباور بالداخل هى الاخرى وكيف نظهر مخارج ومداخل الاشارة والتيونر من علبة السى دى وياريت من الاخر كده تصورلنا عملية التشريح الحلوة دى كام صورة وتحطها هههههههههه اسفين جدا اننا تقلنا عليك