[tvhany]

فى رسيفرات معالج اليا بعد مااسحب السوفت منها وادمجها بالاندكس
واديلها السوفت الجديد
مالاقيش قنوات على الرسيفر
لا يوجد برامج تليفزيونيه
مع العلم ان ده مابيحصلش فى كل الريسفرات
وانا شغال ببرنامج الهيكس القديم
لان الجديد مابيفتحش عندى ع الجهاز

[م / وليد هانى]

يبقى حاجة من الاثنين
1- السوفت الاصلى به خطأ
2- حضرتك قمت بالدمج غلط

[tvhany]

بس ياباشا انا بقالى حوالى سنة بدمج السوفت وعمرها ماحصلت معايا الا الايام دى

[م / وليد هانى]

لو قصدك انك كنت بتحاول تعمل لموديلات ريسيفر سوفت ومقبلتش معالك رقم انك من قبل عملت لموديلات شبيها لها وقبلت
يبقى قم بمعمل ويندوز جديد وسطب انتى فيرس كويس
وأيضاً راجع على الكوم بتاعع حضرتك وعلى كابل التحديث

[احمدعيد2215]

نفس الموضوع حصل معى مع جهاز ترومان p1 وكل حاجه عندى سليمه ولما تعبت معاه بحثت يدوى والى الان لم اعرف حل هذه المشكله

[م / وليد هانى]

طب بص أحنا هنمشى واحده واحده تمام
قم بعمل الاتى بالترتيب :-
1- التأكد من كوم الكمبيوتر ( قم بتنزيل اى ملف قنوات لاى ريسيفر عندك )
2- قم بتجربة الكابل المستخدم على اى ريسيفر أخر شبيه للريسيفر بتاع حضرتك
3- عمل نسخة ويندوز وانتى فيرس نظيف
وفى إنتظارك أخى للإفادة بما تم

[tvhany]

المشكلة كلها ان بنسبة 90 فى الميه الرسيفرات بسحب منها السوفت وبدمجها عادى جدا
واوقات بلاقى رسيفر لسه عامل شبيه ليه بعد ماياخد السوفت يقولى لا يوجد برامج تليفزيونيه
يعنى النسخة سليمة وكابل السوفت سليم

[م / وليد هانى]

انا كده فهمت أخى
الخطأ اللى عندك هو طريقة أعطائك للسوفت وهو ان ممكن يكون حضرتك عامل مثلاً لجهاز فيجا 111 سوفت من ساعة ويجليك جهاز فيجا 111 أخر وتيجى تمرر له سوفت وبعد قبول الجهاز للسوفت لا تجد قنوات وهنا المشكلة فى السوفت اللى كان واخده الجهاز الاخر وفى الحالة دى بيتم تمرير سوفت أصلى للجهاز وعمل ضبط مصنع ثم تمرير ملف قنوات وان شاء الله سوف يقبل معك وتظهر القنوات اخى
واتمنى ان اكن قد وضحت لحضرتك

[tvhany]

معلش انا بتعبك معايا
مش ده اللى اقصده خالص
هقولك مثال
جالى رسيفر بريفكس 6600i
سحبت السوفت ودمجته برقم الاندكس
واديتله السوفت المدمج
وجدته كاتب لا يوجد برامج تليفزيونيه
وجالى جهاز اخر مثلا دريمر 666
عملت نفس الخطوات خد السوفت المدمج وكله تمام
هاتجنن واعرف ليه ده قبل وده لا
مع العلم ان السوفت بيعد مع اللودر

[م / وليد هانى]

إختلاف فلاشة أخى الغالى والمقصود مش الحجم لكن المقصود الداتا شيت بتاعة الفلاشة مختلفة أخى

[tvhany]

المشاركة الأصلية كتبت بواسطة وليد تيتو

إختلاف فلاشة أخى الغالى والمقصود مش الحجم لكن المقصود الداتا شيت بتاعة الفلاشة مختلفة أخى

يبقى كده صح تسلم ياغالى

[م / وليد هانى]

تحت امرك أخى