[السيدعبدالعزيز]

كتر الكلام علي موضوع المباراه الوديه لنادي الزمالك امس واللي يقال ان نادي الزمالك انسحب فيها للتوضيح بس مش اكتر وعلشان الكلام الكتير والاشاعات اللي ماليه الدنيا اللي بتقوم ومش بتقعد علي اي حاجه تخص نادي الزمالك وجب علينا التنويه علشان الافتاءات تقل والكل يعرف الحقيقه

اولا بدء المعسكر بخدعه كبيره وجد نادي الزمالك نفسه موجود في فندق شقق فندقيه في منطقة القصيص وهو اللي كان موعود قبل المعسكر بفندق الانتركونتننتال وطبعا المنظم للمعسكر قوبل بهجوم شديد من مسؤولين نادي الزمالك وجهازه الفني لكن مسؤول الشركه الراعيه وهو المدعو ( جاسم ) برر ليهم وترجاهم انهم يوافقو علي الاقامه في الفندق وهو ما قبله نادي الزمالك للمحافظه علي المعسكر.

طوال يوم الخميس وحتي قبل المباراه توالت المشاحنات فالبدايه كانت باقامة مباراة اتحاد جده في ابوظبي عكس ما تم الاتفاق عليه حيث انها كانت من المقرر لها الاقامه في دبي وفقا للاتفاق المبرم بين الطرفين

تم الاتفاق علي اقامة المباراه مع الفريق الايراني علي ملعب نادي النصر ملعب ( ال مكتوم ) ولكن فوجيء الزمالك بان المباراه مقامه علي الملعب الفرعي لنادي النصر ( ملعب حميد الطاير ) وهو ايضا اخلال اخر بالاتفاق المبرم وهو ما اغضب مسؤولين الزمالك لكن حرصا علي نجاح المعسكر وتحقيق الاستفاده والافاده باكبر شكل ممكن تم الموافقه من المسؤولين علي اللعب .

ولكن جاء الرفض من الجمهور علي سوء التنظيم وما يتعرض له نادي الزمالك وكان الجمهور غاضب جدا وطلبو الغاء المباراه لسوء التنظيم وسوء الاستقبال والخداع الذي تعرض له نادي الزمالك في هذا المعسكر فالتذاكر لم تكن موجوده قبل بداية المباراه بنصف ساعه والملعب لا يليق بنادي الزمالك وسوء التنظيم يصلح لفريق درجه رابعه وليس نادي الزمالك العريق

التذاكر تم بيعها قبل المباراه باقل من 20دقيقه تحت السلم وفي الظلام وسط مشكلة مش معايا فكه !!!

الجماهير رفضت وبشده اقامة المباراه من الاساس ولكن رغبتها في رؤيه فريقها جعلتها تصمت

مع بداية المباراه وضربة جزاء وهميه لا تحسب اصلا في الشارع وانذار علي احمد غانم كابتن الفريق في المباراه وعدم تحقيق الحكم لمبدء العداله حيث لمس لاعب الفريق الايراني الكره بطريقه اوضح من لعبة احمد غانم رفض الحكم احتسابها ضربة جزاء وتغاضي عن الالتحامات العنيفه من لاعبي الفريق الايراني ولم ينذر لاعبيه

وبعدها انذار محمد يونس الذي اشعل غضب حسام حيث شعر بالتحامل طالب الحكم بحماية الاعبين وانذار الفريق الاخر كما ينذر لاعبي فريقه لم يستجب له الحكم وطلب من الجلوس مكانه فطالب حسام لاعبيه بالخروج من الملعب

عاد الاعبون وقرر الحكم طرد حسام حسن الذي لم يستجب وذلك وفقا لرغبة الجمهور الذي رفض خروجه

الجمهور الرافض لما حدث للزمالك خلال المعسكر هو نفسه من طلب من حسام عدم الخروج من الملعب في هتافات جماعيه من الجمهور ( حسام ميطلعش ) ( احنا معاك يا حسام ) ( تعال يا حسام )

رفض الجمهور خروج حسام واستجاب حسام للجمهور والغي الحكم المباراه وهذا ما حدث

من يطالب بتدخل الاتحاد المصري ضد نادي الزمالك
احب ان اوضح انه الاولي وفقا لمسؤولية اتحاد الكوره
اولا الوقوف بجانب الانديه واستعادة حقوقها اولا قبل معاقبتها
فدور الحق وعودته اولي من فلسفه اخري

هذا للتوضيح فقط ولوقف ما يحدث من اجتهادات

[موكشة]

المهم استاذ السيد
يعنى مين المخطىء

[عبده نت]

من يطالب بتدخل الاتحاد المصري ضد نادي الزمالك
احب ان اوضح انه الاولي وفقا لمسؤولية اتحاد الكوره
اولا الوقوف بجانب الانديه واستعادة حقوقها اولا قبل معاقبتها
فدور الحق وعودته اولي من فلسفه اخري

كلام عين العقل اخى السيد .. ولاكن كنا نتمنى ما حد لم يحدث

[السيدعبدالعزيز]

المشاركة الأصلية كتبت بواسطة موكشة

المهم استاذ السيد
يعنى مين المخطىء

انت حاول تقرأ الكلام كويس اخى موكشه .

[موكشة]

المشاركة الأصلية كتبت بواسطة السيدعبدالعزيز

انت حاول تقرأ الكلام كويس اخى موكشه .

قريتة 10 مراات ومش عارف مين المخطىء
ممكن توضحلى ياعم السيد
بصراحة ومن الاخر
اللى حصل فى الامارات مهزلة وفى حقنا كمصريين
مين بقى المسؤل ليس همنا الان المهم اننا اتبهدلنا
بتصرفاتنا الهمجية
واسف على كلامى لانى بصراحة اتخنقت اوى

[السيدعبدالعزيز]

من عينى حبيب قلبى موكشه بس والنبى ما تتخنق انت عزيز علينا وكمان عايزينك تجيب لنا طفل غير معقد

بدء المعسكر بخدعه كبيره وجد نادي الزمالك نفسه موجود في فندق شقق فندقيه في منطقة القصيص

وهذا عيب من الفريق المضيف فى حق الزمالك

تم الاتفاق علي اقامة المباراه مع الفريق الايراني علي ملعب نادي النصر ملعب ( ال مكتوم ) ولكن فوجيء الزمالك بان المباراه مقامه علي الملعب الفرعي لنادي النصر ( ملعب حميد الطاير ) وهو ايضا اخلال اخر بالاتفاق المبرم

هذا خطا ايضا من الفريق المضيف فى حق الزمالك

ولا اتكلم عن التحكيم لان التحكيم دائما له وعليه .
مايؤخذ على الزمالك فقط انهم وافقوا على كل اوامر الفريق الاصفهانى .
وخطا حسام فى عدم الخروج من الملعب امتثالا لقرار الحكم .

[halimmoaz]

ربنا معاك يازمالك

[jaber alking]

شكرا اخى السيد على التوضيح وطولة البال كان من الاولى الغاء المعسكر

[rabei moawed]

بعد أذن ا/سيد احب اوضح نقطة هى من المخطىء
المخطىء هو من ابرم عقد الاتفاق على المباراة لانه لم يكن عنده رويه للاحداث واين مدير الكرة اللى محدش قدر عليه وال هو بيشطر هنا بس

[خوليو_سات]

الاخان حسن بلطجيه فى اى مكان

[فــــــــــرج باشــــــــــا]

المخطىء هو من ابرم عقد الاتفاق على المباراة

هذا هو لب الموضوع
ويارب بقي ادارة الزمالك تفوق شوية
مش اللاعبين يجتهدو ويتعبو ويتدربو وفالاخر يجو شوية همج
يعملو معاهم كده عشان اي كلام

[عبدالطيف]

احنا عايزين نتكلم من غير تعصب طول عمر المنتخب المصرى والانديه المصريه بتتعرض لاكتر من كدا فى البطولات الافريقيه وعمرنا ماشفنا فريق بينسحب من مباراه ماحدث خطا كبير فى حق النادى الزمالك قبل ان يكون فى حق الكوره المصريه ياريت انتمائتنا متخلناش نبص للموضوع على انه تعمد دى مباراه وديه اما مابالكم فى البوطولات اللى بتضيع من الفرق باخطاء الحكام امال حسام هيعمل ايه مع الفرق الافريقيه والحكام الافارقه اتمنى الا نرى ايقاف اخر خمس او اربعه سنوات اخرى وتمنياتى لكل الفرق بالتوفيق

[الجندى المقاتل]

لو سمحت يااستاذ ربيع احب اوضح لك شئ ان نادى الزمالك من الاول ارتضى انه يلعب المباراة فى ظل الظروف المحيطه به وكان من المفترض الا يلعب المباراة

[mahmoud.farawla]

يا عم ده من الاول والاخر معسكر ومباراه وديه وليست بطوله كبيره لتكبير الموضوع قوى
ولو حسام بيفهم شويه كان عدى المباراه والمعسكر حتى علشان الاعبين ما يتوتروش
ولكن هو هو حسام واخوه المشاكل فى دمهم

[السيدعبدالعزيز]

امال حسام هيعمل ايه مع الفرق الافريقيه والحكام الافارقه

عندك كل الحق ..
لابد من هدوء الاعصاب فى تلك المباريات .
ولا ننسى هدف ابو ذارع .
لو كان حسام حسن هو المدرب .. كان فتك به .