[مهندس / سـيد حافظ]

أشترى منى أحد الزبائن جهاز دنجل باركلبس
منذ شهر تقريبا
وأخيرا
بيسأل أحد الفنيين بالدش
فقاله ان الدنجل ده خلاص حيقفل
وطبعا الراجل الزبون أتصل بيه وعايز بعد شهر يرجع الجهاز تانى
أيه العمل أرجوكم لأن الراجل ناوى يعمل معايا مشاكل
المشكله أن مش ده بس اللى بعتله من شهر
أنا بعت حوالى عشر أجهزه معنى كده أنا أرجع العشر أجهزه للزباين
أيه الحل أرجوكم قوقولى أتصرف معاه أزاى

[معمل النور]

انشاء الله مش هيقفل والمفروض قبل ماتبيعه تقوله ممكن يقفل فى اى لحظه وقوله حتى لو قفل مش هيخسر حاجة بيرجع رسيفر تانى

[شريف وهبة]

عزيزى
انا بمجرد طلب زبون منى دنجل
تكون الاجابة
الدنجل 100%100 بقاله سنه شغال
ولكن
اعلم جيدا انك لست مشتركا شرعيا مع احد وان الدنجل جهاز خاص بشركه خارج مصر ونحن لسنا متعاقدين مع احد
يعنى الجهاز بقاله سنه شغال ومستمر
ولكن ولــ نفترض انه قفل
لو قفل بسوفت جديد سأقوم بعمل السوفت بمبلغ رمزى
اما لو توقف نهائيا
فنحن لسنا بمشتركين ومن الممكن ارجاعه ريسيفر بمبلغ رمزى وكده تكون الخساره ضعيفه واعلم جديد انه افضل من الدنجل الاصلى من حيث بعد فتره انتهائه
===================
وطبعا انه اعتبر طمنته
ورفعت المسؤليه عن نفسى
علشان ميفتكرش انه شارى فدان طين ويقف يعمل لى فرح وطبعا دى سمعه

[م \ محمد حمادة]

افضل حل اخى الكريم انك تقول له ان اى دنجل ممكن يقف بعد ثوانى وممكن يقف بعد خمس سنين ومحدش يضمن ولا دنجل

[مهندس / سـيد حافظ]

أشكر كل من ساهم معى فى رفع المعاناه عن صدرى

[محمد دره]

اخى الغالى

اولاا لابد من ان تضع الامر بين يد عملاك

يعنى تعرفهم انه ممكن لما يخرج بيه من المحل ممكن يقفل

وحل مشلتك انك تقوله عايز ترجعه

اوك اخده منك مستعمل

وتسيبه زى ماهو دونجل وتبيعه تانى بس برده مستعمل للامانه

وتختار من تتعامل معهم واهم شئ الوضوح

[ابوشهبور]

انشاء الله مش هيقفل والمفروض قبل ماتبيعه تقوله ممكن يقفل فى اى لحظه وقوله حتى لو قفل مش هيخسر حاجة بيرجع رسيفر تانى

[م / سمير محمد]

بص يا غالى انا اى زبون بيجيلى بعرفة انه زى مايكون بيشترى سمك فى ميه يعنى ان الجهاز ده ما اضمنهوش ولا ثانيه وطول ما هو شغال ليك عليه اعملك السوفت بحسابه اما لو قفل اشغلة ريسيفر عادى وده برضة بحسابة وبعدين الزبون حر يعمل اللى عايزة ان اشترى خير وبركة وان ما اشتراش ريح دماغى ودماغة ومفيش حد بياخد اكتر من رزقة ولا ايه
بس فيه حاجة طريفة جدا حصلت معايا وهى ان فيه واحد اخد جهاز وبعدها بيومين قفل واتغير السوفت جالى قلت اعمل له سوفت علشان يشتغل عملت السوفت اشتغل تمام وبعدها فصل تانى برده جالى قلت له سوفت زعل منى وقلى انت بتقفل لى السوفت اللى على الجهاز علشان كل شوية اجى اعمل سوفت بفلوس هههههههههههههه تعمل ايه انت لو قابلك زباين زى دى ؟

[مهندس / سـيد حافظ]

جزاكم الله خيرا
كده بالى أرتاح لأنى فعلا أتأكدت ان كلأمنا كله واحد

[شريف وهبة]

والله المشكله دى وقع فيها ناس كتير اوى ولابد من الحرص

[احمد سمير22]

اول كلمة بقولها
للزبون
من سنه تقريبا من ساعة ما اشتغلت فيهم
الدونجل لاضمان له ولو دقيقة
مجرد ما اشترى وخرج باب المحل شكرا للتحية
انت الى عملت فى نفسك كدة

[hamadasat96]

اتفضل حبيبي
شاهد هذا الموضوع اولا
وارجع تاني لموضوعك
اضغط هناااااااااااااااااا

[hamadasat96]

حبيبي
والله انا عملت موضوع من شهر علشان المواقف دي
وعلشان الاخوة الفنيين ياخدوا بالهم من اهم الثغرات

والحل انك تشتري الجهاز استعمال
لكن كمان عرفه ان ثمن الجهاز ولا حاجة
ومايساويش اشتراك يوم واحد
يعني هوا استفاد بالجهاز كمان
ولما تتكلم لازم ترد عليه بحكمة
ومتخافش حبيبي
انت مش عامل حاجة غلط
وبعدين هوا اللي طلب ولا انت اللي عرضت عليه
وقوله ان الجهاز انتا بتحوله بس مش انت اللي مخترعه

واعذرني من البداية انت اللي غلطان لانك لازم تحذر قبل اي حاجة

لكن المهم نقف معاك في مشكلتك الاول
ولازم تعرفه ان الجهاز طلع من المحل واتفتح واشتغل وده عند مين
وليه
وقوله اول ما يقف الدونجل الواجب اللي اقدر اعمله معاك
اني ارجعهولك ريسيفر تاني بدون مصنعية
وده مقابل نسياني فقط لاغير

واتمني منك حبيبي حسن متابعة التطورات
لتجنب وتفادي الاخطاء
ولازم تتكلم بدون خوف لاتخف من احد غير الله فقط
هو سلطانك لاتخف من احد وعند حدوث اي مشاكل
ادعي ربنا يسترها معاك ومع الجميع
وان شاء الله تطمنا باخر التطورات

[ابوعلى للدش]

هو مش شغال عندة اللى هيسير على البشر هيسير علية

[أحمدشكر]

الدونقل ليس له ضمان لأنه ممكن يقف فى أى لحظة والتاجر غير مسئول عن توقف الدنقل