[liverpooly1]

السلام عليكم

عايز مساعدتكم يا مصراوية

بصراحة الواحد زهق من وصلات النت حاجة تقرف
قررت انى اشترك فى الخدمة لوحدى

كلمت شركة TE DaTa وان شاء الله هشترك فى عرض الطلقة بسرعة 8
ميجا ( باقة ال 15 جيجا ب 100 جنية فى الشهر )
وفى عرض حاليا اسمه عرض الربيع ( باقة ال 15 جيجا ب 80 جنية بس
+ راوتر wifi مجانا ) وانا اشتركت فى العرض ده .

انا استخدامى للنت ( بشغل دايما قنوات سكاى سبورت من على النت -- قنوات التليفزيون عموما -- كتير + التصفح بتاعى -- تويتر - فيس بوك - مواقع اخبار + اليويتيوب + داونلود مش كتير ممكن اتحكم فيه )


رأيكو ايه يا جماعة فى الباقة دى ؟ وهل النت دة كويس والسرعة فعلا 8 ميجا ؟
وهل ال 15 جيجا دول كفاية ولا هحتاج اكتر ؟

اللى عنده خبرة ومشترك فى اى من الباقات دى ميبخلش عليا بحاجة عشان انا لسة جديد .

[bebo606]

نصيحة مني لحضرتك اشترك في نظام الغير محدود لانه افضل نظام وبالذات ان حضرتك بتشغل قنوات على النت ويوتيوب وداونلود وغيره

لكن انا مجربتش طلقة وكنت هشترك فيه لكن لقيت انه مش هينفعي

واكيد فيه اكثر مني خبرة يقدر يرشد حضرتك للصح

[liverpooly1]

bebo606

شكرا لك على ردك وافادتك

[™MIZO]

ال 15 جيجا هيخلصوا ف اسبوع .. نصيحة خليك ف ال unlimited احسن لك

[LOVERBOY]

معتقدش ان فى سرعة 8 ميجا اصلا
نصيحه منى اشتراك الغير محدود احسن بكتير

[megahed]

بصراحه يا غالي سرعه 8 دي بتعتمد علي جوده الخط انا مشترك معاهم علي طلقه 40 جيجا كويسه جدا ومش بتخلص بسرعه ممكن تقعد معاك لحد 30 يوم وبتفضل منها حسب الاستخدام اي حاجه غير اليوتيوب كتير متخفش منها لكن لو بتتفرج علي فيديوهات كتير بتسحب بصراحه لكن هناك خدمه مقدمنها بتعرف استهلاكك للباقه استهكت قد ايه وباقي قد ايه وتاريخ التجديد وبرنامج 4u للنقاط فحضرتك جرب الباقه شهر وانتا هتعرف قد ايه استهلاكك كتير ولا قليل

[م.احمد جمال الدين]

أخي الحبيب إنتظر حتي 15-4 ولاتشترك لحين معرفة اخبار السرعات الجديدة .
ولو ماعندكش خلفيه :
ممكن تتفضل تدخل هنا

[HeRo SaT]

الغير محدود افضل بكتير

[elrashedi]

طيب بعد ال 15 جيجا اما يخلصوا ....الباقه يتقف ولا تنزل السرعه....شوف النقطه دى...وهل فيه مواقع مجانيه فى العرض

[م.احمد جمال الدين]

أخي الكريم إنتظر حتي الغد ، لمعرفة اخبار السرعات الجديدة .
ولو ماعندكش خلفيه أنا بأتكلم عن إيه؟
إتفضل أخي من هنا وهتعرف كل حاجة :
‏‎https://m.facebook.com/Internet.Revo...19434421&_rdr‎

[اشرف فهمى]

بص ياغالى ممكن افيدك فى موضوع القنوات المشفره الرسيفر طوال الشهر بيستهلك حوالى من300 ميجا الى 500 ميجا حسب استعمالك للرسيفر وشوف انت الباقى بقى هايكفيك طول الشهر ولا لا

[megahed]

المشاركة الأصلية كتبت بواسطة elrashedi

طيب بعد ال 15 جيجا اما يخلصوا ....الباقه يتقف ولا تنزل السرعه....شوف النقطه دى...وهل فيه مواقع مجانيه فى العرض

الباقه بتقل الي 64 كب/ث ولا يوجد مواقع مجانيه ابدا معهم ولعلمك انتا ممكن تشحن علشان ترجع السرعه تاني حسب مانتا عايز ممكن 5 جيجا او 10 وكل بحسابه طبعا معاهم انتا عارف وممكن تشحن كمان عن طريق فوري

[حسام مشعل]

الف شكر للمتابعة

[liverpooly1]

المشاركة الأصلية كتبت بواسطة megahed

بصراحه يا غالي سرعه 8 دي بتعتمد علي جوده الخط انا مشترك معاهم علي طلقه 40 جيجا كويسه جدا ومش بتخلص بسرعه ممكن تقعد معاك لحد 30 يوم وبتفضل منها حسب الاستخدام اي حاجه غير اليوتيوب كتير متخفش منها لكن لو بتتفرج علي فيديوهات كتير بتسحب بصراحه لكن هناك خدمه مقدمنها بتعرف استهلاكك للباقه استهكت قد ايه وباقي قد ايه وتاريخ التجديد وبرنامج 4u للنقاط فحضرتك جرب الباقه شهر وانتا هتعرف قد ايه استهلاكك كتير ولا قليل

اشكرك كثيرا على الايضاح

انا اهم حاجة عندى ستريمنج ومشاهدة المباريات خاصة قنوات سكاى
يعنى لو ماتش كامل بيسحب قد اية مثلا كام جيجا او كام ميجا ؟

[zezo the king]

يا باشا انا عملت 8 جيجا خلصو في اربع أيام علي فلاشه فودافون