[حمادة الشورى]

اخوانى ده انطباعى المبدئى عن الجهاز بعد استعمال يوم :

1- الريموت كبير شوية بس يمكن عشان الوظائف اللى فيه كتير انت ممكن تتوه شوية فى الاول ولكن بعد الاستعمال بتتعود عليه وان كنت متوقع ان الريموت تكون جودة صناعته افضل من كده خصوصا فى ريسيفر مدفوع فيه اكتر من 1000 جنيه ودى صورته




2- السوفت سريع وممتاز فى التنقل بين القنوات وبيعمل loading بسرعة اكبر من الريسيفرات العادية اللى عندى ودى ميزة كويسة

3- القوائم سهلة وبسيطة ومش محتاجة حد يتعلمها وبالعربى بس هى مختلفة تماما عن الموجودة فى الكاتالوج يمكن لانه السوفت بيتحدث مش عارف بس انا لحد دلوقت مش لاقى قائمة التركيب (installation) يعنى انا كده مش عارف انزل الترددات اللى ناقصانى زى باقى قنوات الايه ار تى يمكن انا مستعجل فياريت اخوتنا الخبراء يقولولى فين مكانها بالضبط وازاى اعرف رقم السوفت اللى راكب عليه .
ودى صورة احدى القوائم




4- قائمة ال epg الخاصة بالمعلومات عن القنوات واضحة بس بياناتها بتبقى بالانجليزى ودى صورتها لاخى الغالى data2008





5- اليوتيوب رائع وبيتحمل بكل سهولة والبحث بالعربى والانجليزى سهل جدا كأنك بتستخدم كمبيوتر بالضبط والتحميل سريع وبدون تهنيج ودى صورة منه






6- فيه خواص زى التنبؤ بالطقس فعالة وجيدة جدا وفيه خاصية الانترنت تى فى مجربتهاش بصراحة



7- فيه خاصية شبه اليوتيوب بس خاصة بالطبيعة اسمها earth touch.com حاجة كده زى قناة animal planet هى مفيدة جدا ليا لانى من صغرى بحب اتفرج على برنامج عالم الحيوان
ودى صورتها





8- ******* المجانى كويس وسريع بس القنوات المشفرة اللى بيفكها قليلة على النايلسات الجزيرة الرياضية والايه ار تى ، على العموم انا شفت ماتش النهائى بتاع كاس اوروبا وبصراحة ولا رمشة طول الماتش مفيش الا شوية تقطيع صغيرة بعد نهاية الماتش وادى لقطة من الماتش ساعة تسجيل الهدف الاول




9- قائمة list بصراحة هى اسهل مافيه عملية اختيار القنوات وضمها للمفضلة طبقا للتصنيفات والحذف فى منتهى السهولة


10- وجود اتنين usb امامى وخلفى بتدى راحة كبيرة فى الاستعمال لو انت مش بتحب شكل ال usb وهو خارج كده من امام الجهاز وخصوصا انك بتضطر تفتح الواجهة كل شوية فممكن تحطها من الخلف ومش حتبان ، والعكس اذا كان المكان عندك ضيق ومبتحبش كل شوية تزنق نفسك وتقعد تحسس ورا لحد ماتلاقى الفتحة يبقى عندك من الامام اسهل


11- طبعا انا مش حتكلم على الانيجما لانى لسه مانزلتهاش وبصراحة انا شايف السوفت الاصلى مفيهوش عيوب تخلينى انزل الانيجما ، واذا نزلتها حيكون من باب الفضول مش اكتر وعشان اجرب النسخ والشرح بتاع اخوتى العظام الحج محمد عمرو والحج صابر مطروح

12- جودة الصورة رائعة على قنوات ال hd وعادية جدا على باقى القنوات يعنى مشابهة للقنوات على الريسيفر ابو 300 جنيه وده شئ منطقى لانه جهاز hd فامكانياته بتظهر فقط فى القنوات ال hd وعلى الشاشات ال full hd خاصة .


يبقى ملخص الموضوع نقدر نقول مزايا الجهاز بصفة عامة ومبدئية هى :
- جودة الصورة على قنوات الhd
- سهولة الاستخدام وسوفت جيد مافهوش مشاكل
- قوائم بسيطة وسريعة التنقل
- ***** مجانى جيد ويؤدى الغرض لمالكى قمر نايلسات
- وجود يوتيوب جيد وشبيه له خاص بعالم الحيوان والطبيعة
- وقت الاستارت سريع بالمقارنة بالريسيفرات العادية
- الجهاز بصفة عامة نقدر نقول عليه user friendly يعنى تحس كده انك تعرفه من زمان مفهوش الرهبة بتاعت الاجهزة الجديدة ودى ميزة على فكرة

العيوب :
- صناعة الريموت كان ممكن تكون افضل من كده
- كنت متوقع ان حساسية التيونر تكون اكبر من كده ، فالقنوات الضعيفة على الريسيفرات عندى هى برضه ضعيفة فى الالتقاط على الدريك
- جودة الصورة فى القنوات العادية هى نفس جودة الصورة فى الريسيفرات العادية



والخلاصة هو جهاز جيد جدا بالنسبة لسعره مع التأكيد انه انطباع مبدئى

أسيبكم بقى مع شوية صور بتبين قدراته بالنسبة لل hd ودى كانت أهم حاجة بالنسبة ليا بصراحة .












مع خالص تحياتى لاخوتى عظماء المنتدى الكرام

[Mohamed_Amr]

الله ينور عليك اخى حمادة
واتمنى ان تكون اضافه قويه للقسم
وبالتوفيق اخى الحبيب

[kalmat_2000]

حماده انطلق خلاص يا استاذ / محمد وانتظرو المواضيع المميزه بالشرح والصور مبروك عليك الجهاز يا جميل ومبروك اول موضوع بعد التجربه

[man_sat]

سعره كام اخ حماده ؟
لاني سوف اشتريه وشكرا لك

[حمادة الشورى]

المشاركة الأصلية كتبت بواسطة Mohamed_Amr

الله ينور عليك اخى حمادة
واتمنى ان تكون اضافه قويه للقسم
وبالتوفيق اخى الحبيب

ربنا يخليك اخى الحبيب الحج محمد عمرو ، انت اللى اضافة قوية للقسم اخى العزيز

ياريت اخى محمد تقولى فين قائمة ال installation او التركيب عشان عايز اعمل بحث عن باقى قنوات الايه ار تى ومش لاقيها ياعسل وازاى اعرف رقم السوفت المحمل على الجهاز عشان اتاكد انه السوفت الاخير ولا لأ

[حمادة الشورى]

المشاركة الأصلية كتبت بواسطة kalmat_2000

حماده انطلق خلاص يا استاذ / محمد وانتظرو المواضيع المميزه بالشرح والصور مبروك عليك الجهاز يا جميل ومبروك اول موضوع بعد التجربه

حبيب قلبى kalamt_2000 الله يبارك فيك وربنا يخليك ليا

[mahmoed1977]

ممكن تستخد م ريموت استرا 9500 اوبشن شغال علية كامل الوظائف ريموت ب5 جنية شبية لريموت الفيجا والهيروشيما

[حمادة الشورى]

المشاركة الأصلية كتبت بواسطة man_sat

سعره كام اخ حماده ؟
لاني سوف اشتريه وشكرا لك

اخى العزيز انا والله نزلت صور الريموت وقائمة ال epg مخصوص عشانك ،
اما بالنسبة لسعر الجهاز هو 1075 جنيه

[Mohamed_Amr]

المشاركة الأصلية كتبت بواسطة mahmoed1977

ممكن تستخد م ريموت استرا 9500 اوبشن شغال علية كامل الوظائف ريموت ب5 جنية شبية لريموت الفيجا والهيروشيما

اسم الريموت استرا 9500 اوبشن؟؟
وهل جربته على الدريك؟؟

[حمادة الشورى]

المشاركة الأصلية كتبت بواسطة حمادة الشورى

ياريت اخى محمد تقولى فين قائمة ال installation او التركيب عشان عايز اعمل بحث عن باقى قنوات الايه ار تى ومش لاقيها ياعسل وازاى اعرف رقم السوفت المحمل على الجهاز عشان اتاكد انه السوفت الاخير ولا لأ

اخى الحبيب محمد عمرو انت مجاوبتنيش عن سؤالى

[Mohamed_Amr]

المشاركة الأصلية كتبت بواسطة حمادة الشورى

اخى الحبيب محمد عمرو انت مجاوبتنيش عن سؤالى

معلش اخى حمادة
اعتذر لك لانى الان على سوفت الانيجما
وبعد قليل سوف اقوم بتشغيل السوفت الاصلى
واخبارك بالخطوات مع العلم
انك لو جيب القائمه وشوف كل خيار فيها
حتعرف كل حاجه وطبعا الانتقال
بيبقى عن طريق سهم يمين او شمال
وبالتوفيق حبيبى

[mahmoed1977]

المشاركة الأصلية كتبت بواسطة Mohamed_Amr

اسم الريموت استرا 9500 اوبشن؟؟
وهل جربته على الدريك؟؟

نعم يعمل مليون فى المية

وسلس وسهل جدا وجميع الوظائف بلا استسناء تعمل


ودة شكل الريموت





ريموت استرا 9500 اوبشن

او استرا 9900 اوبشن

[حمادة الشورى]

المشاركة الأصلية كتبت بواسطة mohamed_amr

معلش اخى حمادة
اعتذر لك لانى الان على سوفت الانيجما
وبعد قليل سوف اقوم بتشغيل السوفت الاصلى
واخبارك بالخطوات مع العلم
انك لو جيب القائمه وشوف كل خيار فيها
حتعرف كل حاجه وطبعا الانتقال
بيبقى عن طريق سهم يمين او شمال
وبالتوفيق حبيبى

والله يا اخى الحبيب انا مسكت كل بند ومشيت ورا الفروع مالقتهاش خالص ، ولا لقيت ازاى اعرف رقم الاصدار الخاص بالسوفت ، بس بكره ان شاء الله ححاول تانى ومش حاسيبها الا ماجيبها ، وشكرا لك أخى الكريم على اهتمامك بالرد

[tarek.habash]

أخى الحبيب حماده
ادخل على منيو - القائمه الرئيسيه - التركيب - بحث الخدمه

[حمادة الشورى]

المشاركة الأصلية كتبت بواسطة tarek.habash

أخى الحبيب حماده
ادخل على منيو - القائمه الرئيسيه - التركيب - بحث الخدمه

حبيب قلبى والله دخلت زى مانت قلت مفيش كلمة تركيب خالص ، على العموم انا مستنى لما ارجع البيت النهاردة ان شاء الله وافضاله وان شاء الله حعرف هى فين ، انا بس امبارح كنت مستعجل انزل التقرير المبدئى لاخوانى الاعزاء