[bebo606]

ملاحظاتي للسوفت الجديد للجهاز وطبعا عن تجربة عدة ايام كما يلي :-

**** نذكر الايجابيات أولا :-

1- السوفت الجديد منع الجهاز نهائيا من التهنيج
2- جعل التنقل بين القنوات المشفرة والعادية في سلاسة وسرعة وسهولة
3- قنوات mbc hd شغالة عندي بدون تقطيع نهائيا عكس السوفت القديم
4- اليوتيوب شغال كويس جدا جدا
5- قنوات **** شغالة ممتاز وطبعا احلى حاجة وجود قنوات bein sport hd وشغالة كلها وشاهدت اليوم مباراة تشيلسي
6- من اهم مميزات السوفت الجديد أيضا عدم تداخل ريموت التليفزيون مع الريسيفر واعتقد ان دي كانت مشكلة كبيرة جدا للجميع
7- ترتيب القنوات وحذف القنوات سواء حذف قمر او باقة او قناة فقط كل دا مع السوفت الجديد اصبح سهل جدا واجمل من الأول بكتير
وممكن يكون فيه ايجابيات انا مش شايفها او ناسيها .

** نأتي لبعض السلبيات من وجهة نظري :-
1- لما اشغل الراديو لا يوجد خلفية ولكن شاشة سودا ولكن في السوفت القديم كانت فيه خلفية الجهاز
2- الصوت نهايته رقم 32 ودي غريبة لان اي ريسيفر او تليفزيون وغيره يكون الصوت للرقم 100
3- في ضبط الفيديو ( الصورة ) كان يوجد في السوفت القديم
* عميق اللون HDMI وفيها اختيار ( 8 - 10 - 12 ) bits ودي كانت بتظبط الصورة جدا لكن في السوفت الجديد لايوجد هذه الخاصية
* كان يوجد ايضا فضاء اللون وبيكون مثلا ycbcr 4: 4: 4 ودا ايضا كان ليه تأثير في الصورة
وحاسس ان الصورة في السوفت القديم انقى منها في الصوفت الجديد
4- لون القوائم فاتح قوي طبعا دا ليس له تأثير في اي شيء لكن لو لون غامق شويه هيعطي جمال اكثر
5- عندما تنتقل من قناة لقناة تختفي القناة ثانية وتكون شاشة التليفزيون سوداء

اعتقد في النهاية ان السوفت الجديد روعة وياخد امتياز لان المميزات تفوق السلبيات بكتير جدا

اتمنى كل من يملك هذا الجهاز الرائع من وجهة نظري ونزل السوفت الجديد يكتب رأيه ويظهر مميزاته وعيوبه لكي نكمل بعضنا ونزيل اي سلبيات للسوفت الجديد

اسف للإطالة وتقبلوا تحياتي

[طارق الجندى]

يريت اى ملاحظات تانية عند اى عميل يريت توضحها علشان نرسلها للشركة ما اذا كان يمكن توفير سوفت وير يحل بعض السلبيات للجهاز فيريت الكل يشارك

وشكرا استاذى على طرح المشاركة التوضيحية

[elzman]

لا توجد معلومات للقناه فيما معناه مثلا كنت تقف على قناة اي ار تى كانت بتكتب اسم الحاجه الى بتتذاع حاليا دلوقت على السوفت الجديد موش موجوده

[egmagdi]

معلش يا باشمهندس
معلومات القنوات باللغة العربية لا تعمل و تظهر بدلا منها حروف ملخبطة - دلالة علة عدم دعم السوفت للفونط المستخدم بالرغم من دعم الجهاز للقوائم العربية - معلش ملحوظة صغير ايضا : الساعة لا تعمل عند اطفاء الجهاز على اللوحة الخارجية للجهاز و لكن تبد العد من الصفر
مجرد ملحوظات

[bebo606]

المشاركة الأصلية كتبت بواسطة طارق الجندى

يريت اى ملاحظات تانية عند اى عميل يريت توضحها علشان نرسلها للشركة ما اذا كان يمكن توفير سوفت وير يحل بعض السلبيات للجهاز فيريت الكل يشارك

وشكرا استاذى على طرح المشاركة التوضيحية

شكرا مهندس / طارق الجندي لاهتمام حضرتك بمتابعة مشاركتي

وياريت فعلا كل من يمتلك الجهاز يدخل بمشاركة لمميزات وعيوب السوفت الجديد

وطبعا السوفت في مجمله جميل جدا ومميزاته كتيرة جدا جدا

بارك الله فيك وجزاك كل خير

[waelgam2005]

المميزاتومن وجهة نظري هيا تقريبا نفس المميزات المطروحه في الموضوع اما العيوب احب اضيف مايلي :
الساعه في شاشه الرسيفر لما بطفي الجهاز بيجيب 4 اصفار ويبتدي يعد من بعدها مع ان الساعه مظبوطه من جوا الاعدادات
اول لما الجهاز بيفتح الصورة بتقطع لمده ثنيتين وبعد كدا بتشتغل
الثري جي مش شغال وجربت كل الطرق علشان يشتغل ومفيش فايدة
الصوت ضعيف جدا مش عارف علشان انا موصل بوصله اتش دي ولا هوا طبيعه الريسيفر كدا

[ابوفارس 2010]

معلهش يااخوانى راح اطول عليكو بمشاركتى شوية سامحونى اولا انا اشتريت 10 اجهزة بانسات 9000 لزباين اديلهم سنتين مفيش زبون اشتكى بصراحة زى الفل ثانيا بما انى حبيت البناسات رحت اشتريت جهاز واحد قلت نجربة والحمد للة على جهاز واحد انى مااشتريت كرتونة لانة جهاز ماعجبنى خالص وندمت انى اشتريتة لية مثلا اقول للاستاذ طارق الجهاز بيفتح السرفر بعد غلق الجهاز وفتحة لمدة 10 دقائق ولما يشتغل يقف كتير كتبت مشاركة للاستاذ طارق مصمم انى انزل الاصدار الجديد والجهاز يشتغل كويس طيب الشركة لما نزلت الجهاز مش كان علية سوفت ومجرب عندهم النقطة المهمة انى مافى جهاز ياخد سوفت جديد واذا حبيت ارجع لسوفت قديم لازم اقطع مسافة من اخر الدنيا علشان ارجع الجهاز تانى للشركة لسوفت قديم والا ينزلو سوفت جديد ولو ماعجبنى ارجع لسوفت القديم زى 9000 مثلا لانة فى ناس بيوتة بعيدة جدا عن الشركة بمعنى يصرف قد ثمن الجهاز علشان يعمل سوفت وشكرا