[kareemwaheed]

سلام عليكم يا رجاله :D
------------------------
دلوقتي أنا عاوز أركب قمر أموس بنفسي ، عشان هو أسهل قمر تقريباً يتركب ،، أنا كُنت هركب الأوروبي أضمن بس
الفنيين الفترة دي بيتأمروا تقريباً و اللي عرفت اجيبه قالي القمر ب 50 جنيه غير الحاجات اللي هحتاجها

المُهم عاوز الطريقة يعني أعمل ايه عشان اركبه ، و بعد ما اركب العدسة أعمل ايه :D
و الأهم من كُل ده ، انا عندي قمر واحد و طالع 2 ريسيفر العدسة 2 مخرج يعني

عشان أوصل الأموس بقي بالددايزك بالنايل سات التوصيله هتبقي ازاي عشان مش فاهم :D
و يا سلام لو فيديو أو صور ربنا يكرمكوا

[kareemwaheed]

حد عنده رد يا شباب

[memomemo]

عشان تريح دماغك اشترى طبق 60 وركب عليه احسن
انا حاولت كتير على نفس الطبق و فشلت
والطبق ال 60 و ال lnb مش هيكلفك كتير

[عبدة مرسى]

بص ياغالى خلى الطبق عادى على نايل وهات عدسة اخرى اربط عدسة اسرائيل مع نايل وانت امام الطبق عدسة اسرئيل على شمالك مع مرعاة نفس ميل زوية نايل بس اهم حاجة عدسة اسرائيل خلية ميلة شوية ناحية الشرق وايضا خلية متقدمة قدوم عن نايل ومبروك عليك كاس العالم

[foghfog]

بص يا معلم طلع تلفزيونك وريسيفرك علي السطح ووصل وصلات وشغل وهات عدسه ووصلها بالرسيفر الطبق يكون واقف علي النايل سات إلزق العدسة بشكرتون شمال العدسه وانت واقف أمام الطبق بس تكون واقف علي قمر أموس في الرسيفر والتردد يكون ١١٦٥٨h/8520 اول ما التردد يلقط والمؤشر يملي اربط بالشكرتون

[waheed]

اخى كارم انا لى مداخلة بها الشرح كامل وبالصور اطلع عليها واذا احتجت اى استفسار انا معك ---مداخلتى بعنوان (شاهد القمر اللاسرائيلى وانت على النايل سات )

[kareemwaheed]

شكراً يا رجاله هجرب بُكرة الموضوع ده

آخر حاجة بس ازاي ازود قمر اموس في الريسيفر عشان هو مش موجود اما اجي اعمل سيرش

الريسيفر كيوماكس h3

[علاء النادى]

اختار اى قمر من الاقمار ودخل التردد هيجيب معاك الاشارة نزل القنوات واستمتع يا غالى

[النمر وبس]

المشاركة الأصلية كتبت بواسطة foghfog

بص يا معلم طلع تلفزيونك وريسيفرك علي السطح ووصل وصلات وشغل وهات عدسه ووصلها بالرسيفر الطبق يكون واقف علي النايل سات إلزق العدسة بشكرتون شمال العدسه وانت واقف أمام الطبق بس تكون واقف علي قمر أموس في الرسيفر والتردد يكون ١١٦٥٨h/8520 اول ما التردد يلقط والمؤشر يملي اربط بالشكرتون

كلام سليم انا عملت كدا واشتغل تمام
بس خلى العدسة نازلة شوية عن النايل سات مع ميل بسيط
يشتغل معاك تمام

[kareemwaheed]

تمام ، طب ده اللي انا فهمته و لو صح قولولي و لو لط حد يعدلي عشان انا أببيض في الموضوع ده :D
هنزل باب اللوق اجيب lnb و دايزك و شيكرتون :D
هطلع ع السطح اوصل الدايزك بالسلك اللي نازل ع البيت و اطلع سلك من الاتنين lnb علي الدايزك
و بعد كده الزق ال lnb بتاعة الاموس شِمال النايل سات و احرك لحد ما تجيب اشارة كويسة و بعد كده الزق بشيكرتون :D
"و فيه حد بيبيع أسلاك صُغيره ولا هي بتيجي مع ال lnb ولا ايه ؟ "

و معلش بتعبكوا :D

[علاء النادى]

لا يا باشا حته سلك مترين هتركب فيها 2 اف كونكتر وتوصلهم فى الدايزك وعيش يا باشا

[kareemwaheed]

المشاركة الأصلية كتبت بواسطة علاء النادى

لا يا باشا حته سلك مترين هتركب فيها 2 اف كونكتر وتوصلهم فى الدايزك وعيش يا باشا

الله يخليك يا ريس ، هجرب و ابقي اقول وصلت لايه ان شاء الله