[mahtal]

انا عندي 7 اقمار و عايز اركبهم علي رسيفر واحد ايه الحل؟؟؟لو في حل اني اوصل 2 دايزك ببعض مثلا لان سمعت ان مفيش دايزك 8 مخارج

[mahtal]

هو محدش عايز يرد عليا ليه ياريت الي عنده معلومة ميبخلش بيها

[السيد الوحش]

اشترى ديزك كبير ووصلهم انشاء الله الموضوع سهل

[mandooo]

2 ديزك ياااااااااااااااغالي وبعدين خلي اسلوبك احسن من كدا
يمكن يكون في حد مشغول ولا مش شايف الموضوع
ياريت الصبر شويه

[mahtal]

معلش يا جماعة بس انا منزل الموضوع من كذا ساعة والله...،،يعني انا لو وصلت 2 دايزك ببعض هيشتغلوا و لا لازم مفتاح 12 ً

[allnewonline]

ياريت حد يفيدنا فى موضوع مفتاح سويتش 012 او ديزك 8 بورت لو تكرمتم

[الشاب احمد]

اخى فى اعضاء هنا فى القسم قالوا انهم اشتروا ديزك 8 مخرج من محل فى باب اللوق
امام اوخلف الجراج مش فاكر دور فى موضوعات القسم

[الحاج شريف]

المشاركة الأصلية كتبت بواسطة mahtal

انا عندي 7 اقمار و عايز اركبهم علي رسيفر واحد ايه الحل؟؟؟لو في حل اني اوصل 2 دايزك ببعض مثلا لان سمعت ان مفيش دايزك 8 مخارج

لأ فيه دايزك 8 مخرج لغايه 16 ويمكن أكتر لكن جايز ماتلاقيهش فى السوق المحلى بصراحه ماسمعتش إن حد إشتراه من باب اللوق
إبحث فى باب اللوق ولو ماحصلتهوش أقترح عليك حل بلدى "تلفيق يعنى " تختار الأقمار اللى مافيهاش تضارب فى الترددات وتوصلها مع بعض مثل النايلسات والإكسبريس وتحطها علي مدخل من مداخل الدايزك وهكذا مع قمرين تانيين قمر كبير فيه ترددات كثيره زى الهوتبيرد وقمر صغير كله قنوات منفرده ده الحل البلدى
أما موضوع 2 دايزك مع مفتاح 0/12 فله مشكلتان الأولى إن السوفتوير والهاردوير بتاع الأجهزه الحديثه لا يدعمه كمان المفتاح 0/12 مش موجود فى السوق
فيه حل آخر لو وجدت فى السوق دايزك 1.1 4 مداخل
فى الحاله دى ممكن توصل الدايزك العادى 1.0 علي الريسيفر وتوصل الدايزك 1.1 علي مدخل واحد فى الديزك العادى وبالتالى يكون عندك 7 أقمار
الأول علي دايزك 1.1 بورت 1
التانى علي دايزك 1.1 بورت 2
الثالث علي دايزك 1.1 بورت 3
الرابع علي دايزك 1.1 بورت 4
الخامس علي دايزك 1.0 مدخل 2
السادس علي دايزك 1.0 مدخل 3
السابع علي دايزك 1.0 مدخل 4
ده اللى ممكن أقولهولك دلوقت لو فيه شئ غامض لا تتردد فى الإستفسار
كل عام وحضرتك بخير

[mahtal]

انا متشكر جدا جدا جدا علي المعلومه دي و اهتمام حضرتك بس عتة تلفيق بلدي دي مش فاهمها يعني اربط سلكين كل قمرين في بعض و اطلع منهم سلك واحد ولا ايه انا الاقمار الي عندي(نايل/اوروبي/اموس/عربساتالقديم و الجديد/اكسبرس/دهوك) اعمل ازاي الي قولته

[الحاج شريف]

المشاركة الأصلية كتبت بواسطة mahtal

انا متشكر جدا جدا جدا علي المعلومه دي و اهتمام حضرتك بس عتة تلفيق بلدي دي مش فاهمها يعني اربط سلكين كل قمرين في بعض و اطلع منهم سلك واحد ولا ايه انا الاقمار الي عندي(نايل/اوروبي/اموس/عربساتالقديم و الجديد/اكسبرس/دهوك) اعمل ازاي الي قولته

أهلا بيك أخى mahtal
فيه طريقه سهله لربط قمرين مع بعض ، حتلاقى فى السوق وصله حرف T طرفين منها نتايه وطرف دكر تركب كوابل القمرين فى الطرفين وتركب الدكر فى الدايزك وأنت ممكن تستنتج بسهوله أى الأقمار التى لا تشترك فى الترددات ومن قائمتك أقمار عربسات القديم واكسبريس ودهوك يمكن ضمهما إلى الأقمار الأربعه بدون تعارض يذكر لأن تردداتهم غير مكرره فى الأقمار المعروفه مع تحياتى لك

[MATRIX5]

استاذ mahtal ممكن اعرف من حضرتك طريقة تركيب النايل سات مع دهوك عشان انا سالت قبل كده وقالو مينفعش يكونو على طبق واحد

[mahtal]

فعلا مينفعش يتركبوا علي طبق واحد عشان المسافة بينهم بعيدة جدا