[dmx20082009]

السلام عليكم ورحمة الله وبركاته

عندى مشكلة اخوانى فى القمر الاوربى وخصوصا ترددات سكاى ايطاليا و كمان ترددات قنوات hd

انا من سكان مصر محافظة القاهرة

حجم الطبق 120 بريفكس القديم بقاله 9 سنوات

عندى 3 اقمره نايلسات و الاوربى و اموس

الرسيفر كيوماكس الجوكر v1

كان هناك مشكله تم اكتشافها بسبب كاس العالم ان معظم باقة سكاى ايطاليا مش شغالة تم عمل بحث جديد ونزلتت بعض القنوات لكن الباقة مش كاملة و كمان ترددات hd مش لاقطها خالص

تم احضار فنى وحاول جاهدا تظبيط جميع الاقمره

النايل سات اشاره 80%
اموس 83%
الاوربى 81% على تردد 11747 27500 و 80% تردد 11504 27500

لكن برده باقة سكاى جاية مش كاملة وبعض القنوات فيها تكسير بالصورة طول النهار لكن بليل بتبقى ممتازة و العجيب ان مع التكسير ان اشارة القنوات دى 78% بالنهار و بليل 80%

انا شكيت فى lnb عشان قديم بقاله 9 سنين و كمان شكيت فى الدايزك عشان بقاله فتره فا روحت اشتريت lnb جديد ستار سات hd معدل الشوشرة 0.1db و تم تركيبه و تم تركيب الدايزك وتغير السلك من lnb الى الدايزيك

لكن مازالت المشكلة مستمرة فا احضرت فنى تركيب لتانى مره غير الاول قلت عشان يتاكد حاولنا اعادة ظبط 3 اقمره و خصوصا الاوربى من جديد على ترددين الذى تم ذكرهم و اصبح الاشارة 83% على 11747 و 81% على 11054

تم مسح القنوات وعمل بحث جديد ذاد عدد القنوات لكن برده باقة سكاى نازله مش كامله و هناك ترددات مثل 11996 لا توجد اشارة نهائى و تردد سكاى سبورت 3 12054 و ترددها hd 12360 برده لاتوجد اشارة

تم احضار فنى لى ثالت مره قالى ماقدرشى اعلى اشارة الاوربى اكتر من كده 83% والاشاره دى ممتازه و انا شايف ان ترددات الى fec بتاعها 29900 ضعيفة الاشارة او مفيش اشارة خالص على قنوات hd

فى احد الاخوة قال ان الرسيفر ما بيستقبلشى ترددات hd العالية dvb-s2 16psk و يستقبل حتى dvb-s2 8psk

لكن لما دخلت على موقع lyngsat لقيت ان الترددات dvb-s2 8psk

فا انا مش عارف اعمل ايه ارجوا النصيحة اخوانى و ارجوا اى حد عنده كيوماكس الجوكر v1 يشوف الترددات شغاله عنده ولا لا و لو شغاله انا المفروض اعمل ايه

وشكرا ليكم

[m_essam14]

اللي اقدر افيدك بيه ان كسر الصوره علي قنوات السكاي العاديه مع ان اشارتها قويه
ده من ******* لان عندي كده برده ترومان برميير بلص
ممكن بدل ما تتعب نفسك كتييير كنت شفت حد معرفه عنده ريسيفر اتش دي تاني وجرب عليه وشوف العيب فيه برده ولا لاء

[dmx20082009]

شكر لردك اخى بس اعتقد ان فيه مشكلة عندى ايه مش عارف

[pophero0o]

بلفعل يا غالى مشكله التقطيع سببها ******* نافسه ملوش اى علاقه بلطبق
الترددات اشارتها كويسه. والطبق حجمه فوق الممتاز للقمر