[richard2006]

بعد مسااااء الخير

أنا عندي جهاز qmax 999 v8 usb والجهاز مبيجبش أشاره خالص على القمر الاسرائيلي عند محاولتي لاستقباله (يعني مبيحسش بأشارة الاموس خالص) كذلك صادفتني نفس القصه عند أستقبال القمر الهولندي على مسطره ؛؛ لكنه شغال كويس ترددات أفقي ورأسي على بعض الاقمار مثل النايل سات والاروبي والتركي وغيرهم ؛؛ وفي الاخير جربت رسيفر تاني هروشيما ولقطت معايا اشارة الاموس في دقيقه ونص من ظبط الطبق ؛؛ فما المشكله عندي كده ؟؟ أرجوا الافااااده وجزاكم الله خيرا

[كرم جمال]

غير ترانسترات الاشارة وجرب

[richard2006]

المشاركة الأصلية كتبت بواسطة كرم جمال

غير ترانسترات الاشارة وجرب

أنا بالفعل سألت في أحد مراكز الصيانه لكنه قالي المشكله اللي انت بتحكيها مالهاش دعوه بالرسيفر ؛؛ وعلشان كده انا محتااااار لأن الرسيفر شغال الترددين أفقي ورأسي كويس وبيلقط اشارات الاقمار عند ظبط الطبق زي النايل والاروبي والتركي والروسي وغيرهم لكن عند الاموس لا أستجابه ؟؟

[محمد عاصم]

غير الترميز8150

[richard2006]

المشاركة الأصلية كتبت بواسطة محمد عاصم

غير الترميز8150

أنا جربت كل الترددات المتسجله في قايمة القمر في الرسيفر ؛؛ وعمل بحث اعمى ولا حاسس ولا لاقط اي تردد للاموس خاااالص

[شعبان جمعة]

الاول ياغالى اعمل ضبط مصنع للجهاز وتأكد من اشارة القمر على اى جهاز اخر ثم قم بتوصيل جهازك واول ما تبحث ابحث القمر الاسرائيلى
11647
راسى
8518

[aam201075]

اخى قم بتغيير العدسة وتاكد من ظبط الهوائى فى الرسيفر

[richard2006]

المشاركة الأصلية كتبت بواسطة شعبان جمعة

الاول ياغالى اعمل ضبط مصنع للجهاز وتأكد من اشارة القمر على اى جهاز اخر ثم قم بتوصيل جهازك واول ما تبحث ابحث القمر الاسرائيلى
11647
راسى
8518

وده اللي أنا عملته بالفعل أستاذ شعبان ظبطت الطبق كويس مع العدسه على رسيفر أحد الجيران وأتفرجت على ماتش البرازيل فوق السطوح وقبل ما أنزل جربت على الرسيفر بتاعي لكن للاسف مبيحسش بأشارة القمر لكن أشارة السلك بتبقى موجوده ؛؛ وعملت ضبط مصنع أكتر من مره وعندي سوفتين للجهاز أو أن صح المعنى بوت 114+121 وبرده مازالت المشكله مستمره

[richard2006]

المشاركة الأصلية كتبت بواسطة aam201075

اخى قم بتغيير العدسة وتاكد من ظبط الهوائى فى الرسيفر

عندي 3 عدسات أخي الفاضل ؛؛ آريون ترومان رويال ؛
ولهذا أستبعد العيب يكون في العدسه بدليل أنها اشتغلت على رسيفر تاني بكل سهوله ويسر

[احمد سمير]

جرب الريسيفر على طبق تانى
لو المشكله كماهى فهى لاتخرج عن
تغيير الثلاث ترنزستورات ال c8550
أو تغيير المكثف ال uf1000/25v فى البور

[richard2006]

المشاركة الأصلية كتبت بواسطة احمد سمير

جرب الريسيفر على طبق تانى
لو المشكله كماهى فهى لاتخرج عن
تغيير الثلاث ترنزستورات ال c8550
أو تغيير المكثف ال uf1000/25v فى البور

أولا شرفني مرورك أستاذ أحمد ؛؛ ثانيا بالفعل أنا عندي طبقين كل طبق متر ؛؛ ولو هقول لحضرتك أني جربت بالفعل الرسيفر على الطبق الاخر ؛؛ هتقولي انا كده بتلكك لكن عموما ولزيادة التأكيد انا هبقى أجرب مره كمان النهارده بأذن الله ولو أستمرت نفس المشكله يبقى هغير الترنزستورات اللي حضرتك ذكرتهم حتى لو شغالين كويس ؛؛ ماهو أكيد الخلل مش هيطلع براهم ؛ وفي الاخير لك مني كل التقدير والاحترام وتقبل تحياتي

[abdo5673]

حبيبي لن يعمل الجهاز علي هذا القمر الا بملق قنوات جاهز
وهذا بعد تجربه ممله مع هذا الجهاز
حمل ملف يكون به القمر وسيعمل باذن الله

[richard2006]

المشاركة الأصلية كتبت بواسطة abdo5673

حبيبي لن يعمل الجهاز علي هذا القمر الا بملق قنوات جاهز
وهذا بعد تجربه ممله مع هذا الجهاز
حمل ملف يكون به القمر وسيعمل باذن الله

طيب ياريت يا باشا لو عندك ملف جاهز وبه القمر ترفعهولي أو تبعتلي رابط إذا كان في أحد المواضيع ؛؛ واجرب مش هخسر حاجه

[abdo5673]

اتفضل حبيبي ملف متحرك لعيونك

[احمد سمير]

متابعه متميزه اخى
عبد الفتاح
شكرا لك ياغالى