[abdo_750]

ازيكم يا جماعة
دلوقتى انا فى الدور التانى فى برج 13 دور
الكهربائى كان عملى بواط فى الطورقة بتاعت الشقة مجمع فيها سلوك اربع اماكن عملى فيها مخارج للدش

بكلم فنى تركيب الدش بيقلى ان هينزلى سلك من طبق الدش ع البواط بس هيشغل مكان واحد بس لو عايز اشغل مكان تانى اركب طبق تانى وانزل منة سلك على البواط ويوصلة بسلك المكان التانى

وهيجبلى لفة سلك 100 متر اسبانى ب 140 جنية على كلامة
وانا الكهربائى كان قيلى ان هو سلك واحد ينزل يوزع لكل الاوض عن طريق البواط
كلام مين الى صح كدا

[أبوعرفة]

كلام الفنى اكيد
لان مينفعش تشغل الاربع مخارج فى وقت واحد

[abdo_750]

لية اية الى يمنع مش سلك نازل وخلاص وهيتوصل باربع سلوك للمخارج التانية

[رمضان الطوخي]

يا غالى المكان الى حيشتغل حتركب السلك فية علشان لو ركبت السلك فى الاربع مخارج حيضعف الاشارة النص

[احمد كمال جادالله]

كلام الفنى مظبوط
الكهربائى يا غالى عملك تجميعة الغرف
على بواط واحد
يعنى حضرتك لو عايز تشغل رسيفر فى كل غرفة
لازم ينزل سلك لكل رسيفر ويتجمع فى البواط

[ابوبكر الصغير]

الكلام الفنى طبعا صح

فايدة البواط دة انك لو حبيت تنقل التلفزيون والرسيفر مش هاتنقل السلك فى وسط الشقة انما هاتبدل من البواط

[abdo_750]

فهمت يا رجاااااااااااااله شكرا ليكم اوووووووووى

اخر سؤال انا اسف معلش
انا جايب طبق 100 سنتى ومعنديش خبرة اوى انا بفكر جمب النايل سات اركب اروبى

كفاية ولا اركب معاة حاجة تانية ؟

[خالد الغمراوى]

ديةحاجة ترجعلك ولكن الكهربائى كلامة صحة ولكن بشرط القطعة اللى راكبة على الطبق تكون اكثر من مخرج

[elkadusat]

حضرتك انا ركبيت طبق 60سم علي كامة 8 مخارج مشغل عليه شقتين لكن كل شقه ليه سلك والاشارة شغلة تمام

[yoyo_sat2006]

السلام عليكم اخى الغالى

فى مشترك بيركب اخى الغالى ويشغلك الاربع غورف او اكثر انا كونت سئلت عليه فى باب اللوق من فتره طويله جداااا هو عباره عن مشترك ممكن تدخلو اكثر من قمر والخرج بتاعه كل خرج عليه الاقمار التى تم تركبها

[abdo_750]

تمام