[مركز مؤمن]

اولا السلام عليكم ورحمت الله وبركاته
كل عام وانتم بخير بمناسبة الشهر الكريم

جايلى رسيفر كيوماكس مينى فاصل باور فكيت الجهاز لقيت المكثف الكبير بدائرة البور منتفخ انا متاكد ان المكثف تالف بس كان عندى نفس الجهاز دا قبل كدا نفس المكثف تالف بس كان جايب لمبه حمرا مش فاصل خالص
فيريت حد يفيدنى فى المشكله دى بسرعه

ولكم منا جزيل الشكر

[احمد سمير]

وهل جهازك فاصل نهائى أم شغال لمبه حمراء فقط ولا إيه
بعد ردك
متابع معاك أنا إن شاء الله

[مركز مؤمن]

فاصل خالص

[احمد سمير]

تابع فحص الفيوز أولا
ثم إفحص الأربع سيلكونات اللى فى مدخل التيار
اللى بجوار سوكت البور الرئيسى ( ac )
بعد ذلك تأكد من تغذية المكثف الكبير بال 300 فولت
لو كانوا موجودين ال 300 فولت على المكثف الكبير
ولسه الجهاز مشتغلش فعليك بتغيير
أى سى البور

[مركز مؤمن]

شكرا هشوف وارد على حضرتك

[احمد سمير]

تحت أمرك ومنتظرك بالرد ياحبيبى
--------

[مركز مؤمن]

السيلكونات سليمه المكثف الكبير فقط هو الى منتفخ

[احمد سمير]

ياعم سيبك من المكثف منتفخ ولا مش منتفخ
المكثف الكبير عليه 300 فولت ولا لأ
رد علي كلامى فقط

[مركز مؤمن]

ممكن لو سمحت طريقه قياسه عشان انا لسه مبتدأ

[احمد سمير]

هتخلى الأفوميتر على وضع DC
وهتوصل الريسيفر بالتيار
وهتقيس على طرفى المكثف الكبير
هتشوف موجود ال 300 فولت موجودين ولا إيه

[مركز مؤمن]

اوك هشوف وارد على حضرتك واسف على الاطاله

[مـنـعـم امـبـابـى]

بعد اذن الاستاذ احمد سمير
الجهاز كيوماكس المينى القديم ولا الجديد معالج ali

[مركز مؤمن]

انا الى عندى ملتى ميتر مفيهوش DC

[مركز مؤمن]

الجهاز معالج GX

[احمد سمير]

المشاركة الأصلية كتبت بواسطة مـنـعـم امـبـابـى

بعد اذن الاستاذ احمد سمير
الجهاز كيوماكس المينى القديم ولا الجديد معالج ali

مش هتفرق يا أستاذنا الحبيب
لأن الجهاز فيه مشكلة بور
وعلى العموم بزمتك إنته مش منورنا فى القسم
ياعم تعالى شمال ولا يمين أحسن عينى زغللت
من كترة نورك
هههه
كل عام وأنتم بخير أستاذنا الكبير
وبجد وحشتنا مداخلاتك القويه والفنيه المتميزه