[DmgRoxx]

طبعا 3/4 من الناس ركبت الاسرائيلى عشان كاس العالم وظننا كلنا اننا خسرنا Be بتنجان واسرائيل كمان لاننا بنتفرج ببلاش
وللاسف بالعكس احنا كسبنا اسرائيل اموال انت مش متوقعها
بس بصراحه الاهم عندى اننا خسرنا Be بتنجان اموال كتير
واحب اشرحلك ليه Be بتنجان خسرت كتير واسرائيل كسبت اموال عبط
اولا لما Be بتنجان كانت شغاله على الشيرينج كان رسيفرك بالنسبه ليها مستقبل ليها بالاضافه للمشتركين الرسمين
اما بعد ما لغوا على الشيرينج طبعا كل اعداد الشيرنج دول انعدمت وقل اعداد المستقبلين بالطبيعى
ومن الناس لجات للاشتراك الرسمى السعره عدى 2000 جنيه وده مش باستطاعت الكتير فالاكثر لجا للوصله ال ب 20 او 30 ج فى الشهر معاك Be ومضمون فبالنسبه ليه كل الشيرينج نقصوا من عدد متسقبلى الاشاره لان الوصله لا تعتبر عنده مستقبل
يعنى بالبلدى لو كان واحد شغال شيرينج و واحد اشتراك رسمى بيظهر ان فيه 2 مستقبل
اما لو مشترك واحد وموصل لمليون واحد وصله بيكون المستقبل للقناه 1 فقط الهو الرسمى
عارف سؤالك طب ايه المشكله ان عدد المستقبلين يقل؟
طبعا مستقبلى الاشاره كل ما بتزيد بيزيد ثمن الاعلانات وده اللعبه العملتها القناه الاسرائيليه خلتها ببلاش منها زودت عدد الشاهدين فثمن الاشتراكات جمعوها من الاعلانات ومنها عملوا معروف فى شعبهم وكل الوطن العربى لاستعطفنا
وكفايه اننا عشنا معاهم ازمتهم لما الثلاثه الماتو واصبح الكلام عن القنوات الاسرائيليه هو اهم ما فى المنتديات وجميع المواقع

فبعد ما الناس فهمت القضيه وشغل الصهينه
Be بتنجان اكيد الخسرانه كفايه انها خسرتنا
بس هل احنا كسبنا ولا بعنا القضيه؟

[essamghazal]

انا وانا صغير كنت لما اسمع كلمة اسرائيل بكسر اى حاجة قدامى

دلوقتى بقول بتفرج على كاس العالم على القمر الاسرائلى وكأنها كلمه عادية

منك لله يا بى بتنجان

[احمد اون لاين]

كلام في السليم ولكننا خسرنا بتواجدنا ومساهمتنا في مكسب للصهاينة
بس اللي في القلب في القلب

[كيمو 1980]

كلامك سليم

[salahali244]

يا غالي انت بتتكلم ان البين خسروا كتير مش مصر بس الي بتتفرج علي كاس العالم في دول تانيه كتير بتتفرج علي كاس العالم ذي السعودية و الكويت والامارات وغيرهم كتير تفتكر هتفرق معاهم 2000 جنيه او حتي 2000 دولار وانا من رائي انهم كسبوا كتير اوي بدل ما الناس كانت بتتفرج ب 20 و 30 دلوقتي في ناس كتير اوي اشتركت عندهم ب 2000 جنيه ذي ما بتقول ... تفتكر كده هما كسبوا وله خسروا ؟؟؟

[هشام نوار]

معاك بس مش منك لله يا بين سبورت منك لله يا تليفزيون مصر اللى بيصرف الفلوس على حاجات تافهة وسايبنا ندور كده وكده علشان نسمع بطولة فيه دول كتير بتذيعها أرضى لشعبها منها فلسطين ودول افريقية مش لاقيه تاكل بس بتحترم شعوبها العيب عندنا مش فى بين سبورت هى قناة من حقها تكسب لكن احنا التليفزيون قدم لينا ايييييييه .

[elsaket]

ولكننا خسرنا بتواجدنا ومساهمتنا في مكسب للصهاينة

[بدر الزنارى]

مظنش ان الاسرائيلين كسبوا ولا حاجة لأن الاعلانات المعروضة على قنواتهم غير موجهة للمصريين او العرب هى منتجات موجودة فى اسرائيل وموجهة لشعب اسرائيل

[شريف عبدألمنعم]

مين الي قالك انها خسرت دي بن سبورت كسبت ملايين الملايين من كاس العالم وغطت تكاليف البطولات الي جايه والدليل بص شوف المحللين الي عليها مين وبيخدوا كام والخاسر الوحيد المشتركين الي انضحك عليهم والي مااشتركش اتفرج احسن من الي اشترك

[م.احمد جمال الدين]

أنا في رأيي ان beIN كسبت كتيييييييير اوي ، لأن بدل ماكان الاشتراك الرسمي ب700جنيه وقول كان فيه ناس كتيييييييييير اوي مشتركين .
أصبح الاشتراك ب2000جنيه لكن العدد أصبح قليل شوية
فدي بتعوض دي

[باسم سمير]

المشاركة الأصلية كتبت بواسطة شريف عبدألمنعم

مين الي قالك انها خسرت دي بن سبورت كسبت ملايين الملايين من كاس العالم وغطت تكاليف البطولات الي جايه والدليل بص شوف المحللين الي عليها مين وبيخدوا كام والخاسر الوحيد المشتركين الي انضحك عليهم والي مااشتركش اتفرج احسن من الي اشترك

لا اعتقد انها كسبت شئ واصلا هما بيعتمدوش علي الاشتراكات لانهم لو كانوا بيعتمدوا عليها كان مصيرهم مثل مصير ال ART . دولة دفعت مليارات من اجل شراء كاس العالم هل ستبخل بملاليم علي قناة البي ان وهي تعتبر اكبر دعاية لها انا لا اعرف شئ عن قطر سوي ان لديها شبكة الجزيرة

[abdo_750]

انا للاسف هشترك بعد الكاس العالم اشتراك رسمى واجيب الرسيفر منهم الواحد زهق تقليب قنوات وقرف

[bebo606]

لعنة الله على اليهود الملاعين النجس

ان شاء الله سينتقم منهم الله - تعالى - دنيا وأخرة

اللهم انتقم من اليهود النجس وزلزل الأرض من تحت أقدامهم ودمرهم تدميرا يا رب العالمين

حسبي الله ونعم الوكيل

[حسام زكى]

عادى يا جدعنا اغلبيت الناس مش معها2000 علشان تشترك ولكن ثمن LNB ثمنة ارخص بكتير خلينا نبص من الناحية الاقصادية و دة الاهم

[عادل ستار]

معظم اللي بيهاجموا بين سبورت اللي مع الانقلاب وعشان هي من قطر ولكن لو كانت من الامارات كانت طلعت الحجج والتماحيك ليهم هو ده طبع الانقلابيين كلهم