[عبدالعظيم عابد]

ارجو المساعده في توصيل شبكة دش منزليه
اريد تفريع الكابل القادم من العدسة الي عدة جاكات للريسفر بعدة غرف في الشقه يعني اخرج من السلك اللي نازل من العدسة لمثلا خمس جاكات كل جاك في غرفة طبعا مع عدم التاثير علي جودة الاشارة
ومشكووور لكم جداا

[احمد كمال جادالله]

بداية يا غالى اذا كنت تريد التوزيع على رسيفرات
يعنى لو حضرتك عندك 4 غرف وكل غرفة بها رسيفر
لازم تركب قطعة 4 مخرج -- ونزول 4 اسلاك من القطعة
على بواط تجميع الشقة اذا كان موجود لديك
او نزول الاسلاك مباشرا للرسيفرات
*********************
اما اذا كنت تقصد توزيع كابل واحد لعدسة مخرج واحد على رسيفرات اخرى
لالالالالالالالا ينفـــــــــــــــــــــــــــــــــــــــــع
******************************************
اما اذا كان رسيفر واحد
ويوجد لديك 4 تلفزيون
فهكذا سيكون القناة العاملة بالرسيفر
هى المنقولة على جميع التلفزيونات
وذالك من خلال خروج كابل من الار اف
وتوزيع الجاكات على التلفزيونات الاخرى

[عبدالعظيم عابد]

بداية يا غالى اذا كنت تريد التوزيع على رسيفرات
يعنى لو حضرتك عندك 4 غرف وكل غرفة بها رسيفر
لازم تركب قطعة 4 مخرج -- ونزول 4 اسلاك من القطعة
على بواط تجميع الشقة اذا كان موجود لديك
او نزول الاسلاك مباشرا للرسيفرات

هو ده اللي انا اقصده اخي الكريم وبعد اذنك شرح اكتر تفصيلا ولو فيه صور للقطع المستخدمه
ومشكووووووور جداا

[russia199]

واحده واحده أخى الكريم
أذكر لنا عدد الرسيفرات اللى عندك حاليا
وكمان نوع القطعة الموجوده
هل هى 4 مخارج ولا كام مخرج

[م/ احمد عنتر99]

بص يا باشا هتركب فى الطبق قطعه 4مخرج وتنزل منها 4سلوك والاربع سلوك هتنزلها عند التجميعه الا طالع من 4 اطراف الغرف عندك وتوصل الاربع سلوك الا نزيل من الطبق على السلوك الا عند التجميعه وتجمع كل سلك لوحدة وبعد كدة هتعمل ارربع وصلات وتوصل كل رسيفر لوحدة من كل غرفه وخلاص

[محمدفوم]

المشاركة الأصلية كتبت بواسطة احمد احمد عنتر

بص يا باشا هتركب فى الطبق قطعه 4مخرج وتنزل منها 4سلوك والاربع سلوك هتنزلها عند التجميعه الا طالع من 4 اطراف الغرف عندك وتوصل الاربع سلوك الا نزيل من الطبق على السلوك الا عند التجميعه وتجمع كل سلك لوحدة وبعد كدة هتعمل ارربع وصلات وتوصل كل رسيفر لوحدة من كل غرفه وخلاص

ده كلام صح ومظبوط ولو عايز 6او8مخارج ده موجود لان يوجد بالاسواق عدسه1 او 2 او 3 او4 او 6 او 8وده اقصي حاجه لان لو عايز اكثر من ذلك فده هيحتاج سوتش.

[عبدالعظيم عابد]

شاكر لكم جميعا علي الردود المميز ولكن هذه هي المشلكه بالظبط الرسم يوضح المراد من هذا الموضوع والمشكله عندي في جهاز التوزيع للريسيفرات من السلك القادم من الدايزك لا اعرف هذا الجهاز ان كان موجود فما اسمه او نوعه واين يباع في مصر
وهذه الصورة التي توضح ما اريد فعله في الشقه عندي

وارجو ان لا اكون قد اطلت عليكم او اتعبتكم معي
وفي النهايه مشكووووووووووورين جميعا لتفاعلكم معي

[عبدالعظيم عابد]

معلش يا شباب ممكن الرد علي الموضوع

[الحاج شريف]

المشاركة الأصلية كتبت بواسطة عبدالعظيم عابد

شاكر لكم جميعا علي الردود المميز ولكن هذه هي المشلكه بالظبط الرسم يوضح المراد من هذا الموضوع والمشكله عندي في جهاز التوزيع للريسيفرات من السلك القادم من الدايزك لا اعرف هذا الجهاز ان كان موجود فما اسمه او نوعه واين يباع في مصر
وهذه الصورة التي توضح ما اريد فعله في الشقه عندي

وارجو ان لا اكون قد اطلت عليكم او اتعبتكم معي
وفي النهايه مشكووووووووووورين جميعا لتفاعلكم معي

اللى موجود فى السوق يا أخ عبد العظيم حاجه بالشكل ده



وده سويتش مش دايزك وثمنه مش رخيص ومايشغلش 3 عدسات يشغل 4 أوضاع للعدسه يعنى رأسى عالى رأسى منخفض أفقى عالى أفقى منخفض بحسب أدوات التحكم لدى الريسيفر وهى 13/18 فولت 0/22khz وماحدش بيشغل معاه دايزك
لكن لو عايز توصل للتوصيله دى بأقل التكاليف فتعملها كده

والعدسه فى الرسم هى جزء من عدسه رباعيه لكل إتجاه
يعنى المطلوب عدد 3 عدسه رباعيه
عدد 4 دايزك عادى

[hassan_zein]

كل عام وأنتم بخير والامة الاسلامية

[russia199]

أخى الكريم " عبد العظيم "
شوف يا غالى لو خضرتك هتشغل قمر النايل سات فقط
فأنت مش محتاج ديزك أو بالبلدى مش محتاج مشترك فى النصف بين الرسيفر والعدسة ال 4 مخرج
أما لو حتشغل أكثر من قمر فلابد من وجود ديزك
ونصيحة أخوية فنيه أجعل السلك اللى نازل من العدسة ( lnb ) مباشر إلى الرسيفر
بلاش تعمل لحامات فى السلك لأن ذلك يؤدى إلى فقد فى بعض القنوات
ويجعل الأشارة رديئة

[سالم الشنيطى]

المشاركة الأصلية كتبت بواسطة عبدالعظيم عابد

معلش يا شباب ممكن الرد علي الموضوع

اخى الغالى اولا شكرا لجميع اخوانى للرد على العضو لاكن
لابد من سؤال العضو
حتركب كام قمر اولا اخى الغالى
مثلا نايل سات
لو نايل سات فقط حتركب lnb 4 مخرج من النوع العادى المتداول وتنزل 4 اطراف الى كل غرفة يعنى مباشرة من الطبق
اما لو عندك ريسفر واحد وعاوز تشغلة فى كل غرفة بمعنى ادق حتنقل الريسيفر من اوضة الى اوضة فلابد فى بداية التاسيس الشقة بعمل بواط تجميع لكل الغرف دى فى هذا البواط السلك الى جاى من الطبق طبعا جاى عليها وجتجيب وصلة ff وتركب فى كل الكابلات الغرف فى بواط التجميع كولكتر وترقم كل اوضة برقمة على السلك وتركب الff بالسلك الرئيسى النازل من الطبق وتحدد الغرفة المراد تشغيلها تبدل طبعا انت مش كل يوم حتنقل الريسيفر فى اوضة دة كل فترة فحضرتك حتبدل على حسب حاجتك من اى غرفة تريد تشغيلها دة بالنسبة لو عندك ريسيفر واحد وبطريقة سهلة
ام الطريقة الاخرى بردة
ممكن تشغل بها اكثر من قمر على ريسيفر واحد او عدة ريسيفرات داخل الغرف
اولا لوريسيفر او اكثر نايل سات
انتة محتاج قطعة 4 مخارج من نوع خاص
لو اكثر من قمر محتاج (شوف عدد الاقمار الى حضرتك محتاجها)
كل قمر بقطعة خاصة بيسموها لو فيرتكال وهاى فيرتكال
ولو هوريزنتال وهاى هوريزينتال
وجهاز اسمة ملتى سويتش
ممكن تخلى الجهاز دة تحت الطبق
او فى بواط التجميع