[أبوعرفة]

دلوقتى فى ناس عندها رسيفرات شغالة عن طريق الشيرنج
الناس دى بتيجى تقولى تعالى ركب الاوروبى وحجتهم الوحيدة هى القنوات الرياضية
بس للاسف انا عارف ومتاكد ان هم مش مركبين الاوروبى عشان الرياضة
اكيد الكل عارف عشان ايه
فهل لو انا بركب للناس دى هل كده فلوسهم حرام او بشارك معهم فى الحرام

[ابوفارس.]

بس بقى لما اقول ليك على حاجة هتريحك وهتريح الكل
لو طلب منك الزبون تركيب اى قمر حوال انك تعطية فكرة عنة قبل تركيبة
لوا وافق خلاص يبقى هو الاى شال الليلة
لوا تراجع يبقى شركتة فى الحسنة ....
تمام ..
اما لو انتى شاكك بس انة بيركب الاوروبى على شان الاى حاجة دى
تبقى شريك اساسى واول كمان فى الوزر يامعلم...
واللة اعلم .....

[shrifstar84]

والله انا بركب مثلك ولكن بحذف القنوات وبنزل القنوات الرياضيه وبعد ذلك هو وضميره واللي حيجيبه يتحاسب هو عليه اما اللي انا عارف ان عايز القمر للقنوات الشمال من البدايه انا بستحرم الفلوس وبرفض لأن اللي يساعد فيدد حاجه زي كده اكيد بيتحمل وزرها وعلي فكره اكتر من واحد اروح أظبط الإشاره ألاقي قمرين اكلمه وانصحه ولما ألاقيه مصمم امشي فيستجيب ويقولي ركب نايل سات فقط وبكده أكون كسبت ثواب كبير ومدخلش علي بيتي فلوس حرام

[أبوعرفة]

على فكرة انا بعرف الناس الشمال دى من حاجة واحدة بس
لما اقول لهم اركب قمر مثلا زى الاكسبريس او التركى بيرفضوا
وبيتمسكوا فى الاوروبى انا بضحك عليه واقوله اجيلك ومروحلوش والله
انما لما يوافق ويقول ركب اى حاجة عشان الماتشات بثق فى الجماعة دول وبركب وانا مطمن

[محمد القن]

بص ياغالي ابعد عن تركيب القمر دا ولو هتربح من وراه كتير

ولو حجه الزبون قنوات الرياضه فعنده اكتر من 20 قمر رياضي متكامل

[خالد سرية]

المشاركة الأصلية كتبت بواسطة أبوعرفة

دلوقتى فى ناس عندها رسيفرات شغالة عن طريق الشيرنج
الناس دى بتيجى تقولى تعالى ركب الاوروبى وحجتهم الوحيدة هى القنوات الرياضية
بس للاسف انا عارف ومتاكد ان هم مش مركبين الاوروبى عشان الرياضة
اكيد الكل عارف عشان ايه
فهل لو انا بركب للناس دى هل كده فلوسهم حرام او بشارك معهم فى الحرام

بص يا استاذنا قبل ما يشترى الريسفر اسأله انت عاوز تركب اوروبى ليه لو رد عليك وقالك عشان الكوورة ركب له الطبق والذنب عليه هو مشعليك انت
امتى حضرتك تكون مذنب اذا رد عليك وقلك انت تركبه ومش لك صالح هنا تبان ان النية مش سليمة وفيه شبه يبقى بلاش والرزق على الله
قال تعالى" وكل انسان الزمناه طائره فى عنقه" صدق الله العظيم
والله اعلم

[ثري ام]

يجماعه الفساد مش في الاروبي بس
دا فية بدايل خلت الناس بعدو عن الاروبي افظع زي النت والموبيلات الغالية
واذا كان الارو بي فية 20 قناة او اكثر احذفهم وكان لا وجود لهم بدون متقول للزبون لان لو قلتلو هحذف كام قناه حتى لو مكنشى يعرفهم من باب الفضول هيحاول يعرف
وصاحب التركيب اي الصنايعي فية منهم فئة قليلة بتروج للقنوات السيئة
فلازم يكون فية الفني الكويس والفني السيئ وربنا يهدي

[Rock Federer]

يا باشا اسأل اهل العلم عشان يعطيك فتوى سليمه
اما لو تكلمنا بالمطنق
هنقول طالما الشئ فيه اكثر من استخدام انت مش مسئول عن الاستخدام السئ
لكن هنا النيه
يعنى ممكن تركبه لواحد شيخ ومحترم وهتقول مستحيل انه يشغل القنوات دى ويكون عنده ابن فاسد يشغل القنوات دى من ورا اهله هتعمل انت ايه ؟
زى النت بالظبط شركه النت بتوصل نت للمشتركين هيراقب ببقى كل واحد يشوفه بيعمل ايه بالنت ؟ لان النت له استخدامات كثيره
زى الى بيبع سكينه برده ليها استخدامات كثيره انا مش مسؤل عن الى هياخدها يقتل بيها حد
زى ما قلت محتاج فتوى من اهل العلم بالدين انا قلت مجرد رأى حسب المنطق وليس بالدين عشان انا مش شيخ ولست فى موضع انى اقول فتوى دينيه

[Rock Federer]

لكن اعتقد انت لو متأكد 100 % أو مش مطمن بنسبه كبيره طبعا ارفض

[gameyking]

يا جماعه خلينا نركب بالنييه او بالتعب !!! خلينا واضحيين لو زبون قال لك ركبلي قمرين بكذا انا عن نفسي (((هاستحرم ))) ارفض 50 او 70 جنيه في الحال الواقف ده بصراحه اي واحد مثلي بستني الذبون والاهانقفل المحلات احنا كنا بنرفض القبرصي وده ممنوع عشان كان اي رسيفر شغال عيني عينك والهوت بيرد اغلب اللي بيركبه علي رسيفر عادي ويقل عايذ اشوف افلام اكشن ورعب والواحد بيركب وعشان ربنا عالم بينا وهو غفور رحيم .... وده رأيي

[mohamed gamal20]

خليك‏ ‏في‏ ‏الاقمار‏ ‏الشرقيه‏ ‏افضل‏ وقنواتها محترمه جدا
الاوربي‏ ‏زي‏ ‏نت‏ ‏الراجل‏ ‏بيركب‏ ‏‏ للناس هو غير مسئول عن مواقع ‏ بتفصحها مشتركين
الناس‏ ‏وضميرها‏ ‏

[DmgRoxx]

مين القلك ان كل المركب القمر ده عشان القنوات الشمال
مين القالك كده يا ريس صوابعك مش زى بعضها
وبعدين مفيش قمر وانا واثق من كلامى ينافس الاوروبى بشيرينج فى كل الرياضات والافلام(التمام) القمر رقم واحد عالميا يا كبير ويعتبر القمر الوحيد الاى بطوله تسمع عنها حتى لو مش معروفه بتبقى مطمن ان شاء الله 100% ان هتلاقى قناه عليه جيباه

انا والله لما راجل جه ركبلى القمر كان فاكر برده كده فعلا بس لما لقانى بتكلم معاه وهو شغال فى الرياضه وبتاع اقتنع انى مركبه للرياضه وطبعا كان عارف حوار Be بتنجان وركبلى القمر ونزلى القنوات كلها ومشلش ولا قناه وبعد م مشى شلت انا القنوات بايدى
وانما الاعمال بالنيات ولكل امرئ ما نوى
انت اعملها بنيع صافيه وحضر معاك قائمه فيها القمر بدون تلك القنوات ونزلهاله بس كده وهو وضميره بس انت كده عملت العليك ونيتك انك تمنوعوا من الكلام ده

[mohamed gamal20]

المشاركة الأصلية كتبت بواسطة DmgRoxx

مين القلك ان كل المركب القمر ده عشان القنوات الشمال
مين القالك كده يا ريس صوابعك مش زى بعضها
وبعدين مفيش قمر وانا واثق من كلامى ينافس الاوروبى بشيرينج فى كل الرياضات والافلام(التمام) القمر رقم واحد عالميا يا كبير ويعتبر القمر الوحيد الاى بطوله تسمع عنها حتى لو مش معروفه بتبقى مطمن ان شاء الله 100% ان هتلاقى قناه عليه جيباه

انا والله لما راجل جه ركبلى القمر كان فاكر برده كده فعلا بس لما لقانى بتكلم معاه وهو شغال فى الرياضه وبتاع اقتنع انى مركبه للرياضه وطبعا كان عارف حوار Be بتنجان وركبلى القمر ونزلى القنوات كلها ومشلش ولا قناه وبعد م مشى شلت انا القنوات بايدى
وانما الاعمال بالنيات ولكل امرئ ما نوى
انت اعملها بنيع صافيه وحضر معاك قائمه فيها القمر بدون تلك القنوات ونزلهاله بس كده وهو وضميره بس انت كده عملت العليك ونيتك انك تمنوعوا من الكلام ده

[balala]

والله الموضوع دا يحير بجد .. طب مانسأل السؤال دا ف القسم الاسلامي و نشوف هيقولو ايه

[owen_sat]

وانما الاعمال بالنيات ولكل امرئ ما نوى