بعيداً عن الكلام الكتير ... شاهد تجربتي الفعلية للقطعة PRIFIX علبة خضرا

playstation.2 · #1 2014/08/01, 11:02 PM

السلام عليكم

النهاردة جاتلي تركيبة في منطقة المنتزة بالأسكندرية وهي تركيبة نايل سات عادية جداً المهم إن الراجل قاللي إنك هتركبلي الطبق بتاعي وهتظبط الطبق بتاع أخويا علشان فيه قنوات بتقطع فقولتله ده ممكن يكون عيب قطعة أو سلك المهم إني أخدت الطبق الجديد إللي هيتركب وعملت حساب أخوه في القطعة والسلك

ما علينا من تركيبة النايل سات لأنها مش مستاهلة يعني وخلينا في الطبق بتاع أخوه ... هو قاللي إن فيه قنوات بتقطع أهمها قناة مسايا علشان المدام عنده لأنها قناة أفراح وفساتين وكدا يعني فأنا راجعت على السلك ولقيته زي الفل وسلك محمل ومحترم المهم فقولتله العيب في القطعة عاوزة تتغير وقولت بقى فرصة أصور وأعمل موضوع إثبات للناس إللي بتقول إنها قطعة عادية

وده شكل الطبق بالقطعة القديمة

مستوى قناة مسايا بالوضع القديم للطبق

ودي القطعة إللي كانت راكبة فيه وهي قطعة drake

المهم إني لما قولت للراجل إن العيب من القطعة ومحتاجة تتغير فقالي أنا عندي قطعة قديمة كنت مركبها أوروبي على طبق تاني وشلتها قولتله مفيش مشكلة هاتها أجرب بيها

هي دي القطعة المركونة عند الراجل

شكل الطبق بعد تركيب القطعة المركونة عنده

مستوى قناة مسايا بعد تركيب القطعة المركونة عند الراجل

المهم إني قولتله إن أخوك كلمني وإني جبت معايا قطعة جديدة فقاللي ماشي ركبها لو هي إللي هتحل المشكلة وطبعاً القطعة كانت PRIFIX علبة خضرا

شكل الطبق بعد تركيب القطعة الجبارة

مستوى قناة مسايا بعد تركيب القطعة بدون أي تعديل على الطبق

طبعاً الراجل كان مستغرب جداً إني عمال بصور القطع والطبق بس أنا فهمته إني عاوز أعمل موضوع وكدا يعني بس هو مكانش مهتم غير بتمن القطعة والتركيب وقعد يفاصل معايا هههههههه ... يارب بس الناس إللي بتقول إنها قطعة عادية يكون الموضوع ده إثبات ليهم وإللي حابب يعرف شكل القطعة ومعلومات عنها يتفضل هنا

mostafa osman · #2 2014/08/01, 11:14 PM

فعلا اخى playstation.2 انا جربت القطعة من غير تعديل على طبق 180 متحرك وكانت عاملة نتائج جيدة جدا معايا وشلتها وركبت فوجى قديم والفرق مش كبير جدا زى مكنت متوقع خالص تحياتى لك

محمد عباس انور · #3 2014/08/01, 11:24 PM

الله ينور عليك هستخدمها فى قمر أن أس أس 57 شرق لأنى جربت كذا قطعة مش عايز يجى وفى أتجاه القمر يوجد شبكة تقوية أتصالات

خالد الغمراوى · #4 2014/08/01, 11:27 PM

اولاالقطعة ركبت على طبق صغير يعنىى ثابت يبق الحكم عليها ىملهوش اساس والقطعة ضعيفة على المتحرك والله اعلم

richard2006 · #5 2014/08/01, 11:36 PM

مشكور أخي بلايستيشن 2 على الموضوع والتنسيق الرائع ويارب يكون في أستفاده للناس اللي بتبقى محتاره بالنسبه لقطعه الطبق الثابت ؛

playstation.2 · #6 2014/08/01, 11:38 PM

اقتباس:

المشاركة الأصلية كتبت بواسطة خالد الغمراوى

اولاالقطعة ركبت على طبق صغير يعنىى ثابت يبق الحكم عليها ىملهوش اساس والقطعة ضعيفة على المتحرك والله اعلم

لا حول ولا قوة إلا بالله ... إنتا ليه محسسني إني قريب أبو العزم مثلاً وبعدين فيه راجل بيقولك أهو إنه جربها على طبق متحرك والنتائج كانت ممتازة جداً وقريبة جداً جداً من الفوجي هذا كله بدون تعديل على القطعة هذا كله بالإضافة إلى أن الطبق كان راكب فيه قطعة وتم تجربة قطعة أخرى يعني قطعتين والنتائج كانت سيئة فما هو تفسيرك للنتائج الممتازة بمجرد تركيب القطعة البريفكس

عادل عامر · #7 2014/08/02, 12:50 AM

القطعة ممتاذة وعدلتها على 10 سم وكانت افضل من الاسترونج البلاستيك

خالد الغمراوى · #8 2014/08/02, 01:22 AM

مع احترام لكل الاراء على رائسى لكن لابد من وقفة من الاعضاء الجددالمحترمين

طة فؤاد · #9 2014/08/02, 02:06 AM

طيب حد يجرب التعديل عليها ويقولنا النتيجه
لآنى دورت على العلبه السوده ومش لقيتها
ولا الجديده ايضا

playstation.2 · #10 2014/08/02, 06:28 AM

اقتباس:

المشاركة الأصلية كتبت بواسطة عادل عامر

القطعة ممتاذة وعدلتها على 10 سم وكانت افضل من الاسترونج البلاستيك

الله ينور عليك يا أستاذ عامر كدا حضرتك أنهيت القصة وياريت لو تعمل موضوع منفصل تشرح لنا فيه طريقة التعديل مع الصور التي تميز موضوعاتك لأن القطعة دي أصبحت هي القطعة الوحيدة المحترمة في السوق لأن جميع القطع الأخرى غير متوفرة

playstation.2 · #11 2014/08/02, 06:34 AM

اقتباس:

المشاركة الأصلية كتبت بواسطة خالد الغمراوى

مع احترام لكل الاراء على رائسى لكن لابد من وقفة من الاعضاء الجددالمحترمين

بغض النظر عن عدد المشاركات ... ياريت لو تبص على تاريخ التسجيل في الموقع بتاعك وبتاعي وحضرتك هتعرف مين فينا إللي جديد

حماد · #12 2014/08/02, 06:45 AM

اقتباس:

المشاركة الأصلية كتبت بواسطة playstation.2

السلام عليكم

النهاردة جاتلي تركيبة في منطقة المنتزة بالأسكندرية وهي تركيبة نايل سات عادية جداً المهم إن الراجل قاللي إنك هتركبلي الطبق بتاعي وهتظبط الطبق بتاع أخويا علشان فيه قنوات بتقطع فقولتله ده ممكن يكون عيب قطعة أو سلك المهم إني أخدت الطبق الجديد إللي هيتركب وعملت حساب أخوه في القطعة والسلك

ما علينا من تركيبة النايل سات لأنها مش مستاهلة يعني وخلينا في الطبق بتاع أخوه ... هو قاللي إن فيه قنوات بتقطع أهمها قناة مسايا علشان المدام عنده لأنها قناة أفراح وفساتين وكدا يعني فأنا راجعت على السلك ولقيته زي الفل وسلك محمل ومحترم المهم فقولتله العيب في القطعة عاوزة تتغير وقولت بقى فرصة أصور وأعمل موضوع إثبات للناس إللي بتقول إنها قطعة عادية

وده شكل الطبق بالقطعة القديمة

مستوى قناة مسايا بالوضع القديم للطبق

ودي القطعة إللي كانت راكبة فيه وهي قطعة drake

المهم إني لما قولت للراجل إن العيب من القطعة ومحتاجة تتغير فقالي أنا عندي قطعة قديمة كنت مركبها أوروبي على طبق تاني وشلتها قولتله مفيش مشكلة هاتها أجرب بيها

هي دي القطعة المركونة عند الراجل

شكل الطبق بعد تركيب القطعة المركونة عنده

مستوى قناة مسايا بعد تركيب القطعة المركونة عند الراجل

المهم إني قولتله إن أخوك كلمني وإني جبت معايا قطعة جديدة فقاللي ماشي ركبها لو هي إللي هتحل المشكلة وطبعاً القطعة كانت PRIFIX علبة خضرا

شكل الطبق بعد تركيب القطعة الجبارة

مستوى قناة مسايا بعد تركيب القطعة بدون أي تعديل على الطبق

طبعاً الراجل كان مستغرب جداً إني عمال بصور القطع والطبق بس أنا فهمته إني عاوز أعمل موضوع وكدا يعني بس هو مكانش مهتم غير بتمن القطعة والتركيب وقعد يفاصل معايا هههههههه ... يارب بس الناس إللي بتقول إنها قطعة عادية يكون الموضوع ده إثبات ليهم وإللي حابب يعرف شكل القطعة ومعلومات عنها يتفضل هنا

ممتاز يا غالى .. والبرفيكس عموما ممتاز جدا..

لكن اخى الغالى.. لو كنت مثلا صورة القناة بالتردد او نسبة الاشارة كانت هاتفرق شويتين فى الحكم على القطعة... وفى انتظار ذالك ان شاء الله...

بالتوفيق يا غالى ..

playstation.2 · #13 2014/08/02, 10:25 AM

اقتباس:

المشاركة الأصلية كتبت بواسطة حماد

ممتاز يا غالى .. والبرفيكس عموما ممتاز جدا..

لكن اخى الغالى.. لو كنت مثلا صورة القناة بالتردد او نسبة الاشارة كانت هاتفرق شويتين فى الحكم على القطعة... وفى انتظار ذالك ان شاء الله...

بالتوفيق يا غالى ..

أنا فعلاً كنت عاوز أعمل كدا لكن الراجل كان عنده رسيفر من نوع starsat superXD40000 وده زرار الـ info بتاعه بيغطي الشاشة كلها ومش بيخليك تشوف القناة ده طبعاً مع الأخذ في الإعتبار إن كل رسيفر وله إشاراته يعني ممكن جهازك يكون إشارته 40 ومش بتقطع وأنا جهازي إشارته 60 وبتقطع فأنا قولت إن أحسن حاجة أعملها هي صورة من القناة نفسها بشكل مباشر لكن ده ميمنعش إن طلباتك أوامر وبإذن الله التركيبة الجاية نعمل موضوع الإشارة ده

lemon · #14 2014/08/02, 11:16 AM

بالفعل عدسة دريك البرتقالى تكنولوجيا امريكى صناعة صينى من اسواء العدسات فى السوق لاتستقبل بعض الترددات 10757 رأسى لقنوات
kurd max-mehwer drama2 المحور دراما+كورد ماكس

playstation.2 · #15 2014/08/02, 12:36 PM

اقتباس:

المشاركة الأصلية كتبت بواسطة lemon

بالفعل عدسة دريك البرتقالى تكنولوجيا امريكى صناعة صينى من اسواء العدسات فى السوق لاتستقبل بعض الترددات 10757 رأسى لقنوات
kurd max-mehwer drama2 المحور دراما+كورد ماكس

للأسف أغلب العدسات في السوق دلوقتي زي الزفت مش الدريك بس وعلشان كدا مابنصدق نلاقي عدسة حلوة وبنقول للناس عليها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
افضل سوفت للسالك اتش 1 الكبير من خلال تجربتي	القاضى الجهني	ساليك HD ( H1, H2, H3 , H7 )	10	2021/02/06 10:27 PM
حصريا اقوى ملف انجليزى مسلم PRIFIX 7500 HD الأسود الكبير فلاشة خلفية و6 زراير امامية ومفتاح باور تحت كلمة PRIFIX	حسن شحاتة ابو روفان	ملفات قنوات اجهزة البرفكس و الاى جى و دريم H D	4	2020/03/04 09:02 PM
تجربتي اليوم وحل مشاكل السوفت 2.27 والله عن تجربتي الشخصيه	محمودالهواري	ساليك HD ( H1, H2, H3 , H7 )	42	2018/05/12 10:31 PM
تجربتى مع العدسة بريفكس اللبنى علبة سوداء ، لكن لسيت A1	أحمد محمد نصار	تركيبات الدش و الدش المركزي	46	2017/12/21 08:01 AM
تعرف على القطعة PRIFIX علبة خضرا	playstation.2	تركيبات الدش و الدش المركزي	24	2014/08/03 02:58 AM