[walid_elfeqi]

صراحة انا لم اشترك رسمي الا اليوم وذلك بعد تجربتي لكاس العالم ومحاولتي توليف الصوت العربي والصورة من الاوربي وعدم استمتاعي بالمباريات لذلك قررت اشترك رسمي .

ولم روحت للفرع الرئيسي لسي ان اي وجدت نظام الاشتراك لقنوات البين اسبورت كما هو التالي .

يمكن الاشتراك كل ثلاث اشهر يعني قسط السنه علي اربع اقساط .

قيمة الاشتراك لاول ثلاثة اشهر كتالي :
429 قيمة جهاز بين اسبورت نايل سات فقط .
265 قيمة اشتراك 3شهور .
44 قيمة تفعيل الخدمة وتوليف الجهاز بند اختياري يعني ممكن تفعل ببلاش لما تروح عن طريق خدمة العملاء .

اجمالي المطلوب منك للاشتراك لاول ثلاث شهور مبلغ 738 جنية او ٦٩٤ لو هتفعل انت الجهاز وتولفه .

بعد كدة تجدد كل ثلاث شهور بمبلغ 265 جنية .

وبكدة تكون الجزيرة خففت الموضوع شوية لما قسطت المبلغ علي اربع اقساط ومن وجهة نظري ده معقول بعض الشيئ ان كنت اتمني تخفيض الاشتراك ولكن ما باليد حيله .

انا كتبت الموضوع ده لان وجدت ناس بتستفسر ولكن محدش عرض التفصيل ده وده مهم علشان الي يحب يشترك يشترك ويشوف ظروفة .

والي عاوز يفضل شيرنج يفضل المهم ربنا يمتع كل واحد كما يحب هو .

وشكرا لكم جميعا .

[حسام مشعل]

الف شكر لك اخى

[سامح م]

شكراليك ياوليد
ممكن استفسار العرض داة سارى على جميع الفروع فى جميع المحافطات
والباقه كلها فاتحه

[CHMOUSA]

طب ممكن اشترك تلاث شهور واقعد شهر ما اشتركش وبعدين اشترك تاني

[spider201065]

ياااه يعنى مرتبى اصرف ربعه على الجزيره ........... مش عايز اتفرج على ماتشااااااااااااااااااااااااااااااااااااااات .......... اكيد فيه حلول تانيه
زى منا اتفرجت على كاس العالم ببلاااااااااااش

[محمد الانور]

ايوه انا هشترك رسمي واشتري دماغي يوم السبت بإذن الله اروح واشترك

[احمد العمده 2010]

المشاركة الأصلية كتبت بواسطة محمد الانور

ايوه انا هشترك رسمي واشتري دماغي يوم السبت بإذن الله اروح واشترك

وانا ان شاء الله

[russia199]

طيب يا أخى وليد الفقى
واللى عاوز يشترك سنة كامله ( نقدا )
مش المفروض الأشتراك بينزل سعره
ولا أيه
معلش دا أستفسار بسيط

[hakeem]

ولا بينزل ولا حاجه كل اللي بينزل 10 جنيه بس

[Ghalivic]

نقطة مهمة ومساعدة فعلاً

الاشتراك الشرعي افضل الحلول لتجنب هذه الامور

عندي استفسار انا جهازى لا يدعم ال HD هل تشتغل جميع

القنوات علي Sd لإني سمعت بإنه يجب ان يكون عندي شاشة

تدعم ال HD لكي اشاهد القنوات ؟

[جهاد33]

المشاركة الأصلية كتبت بواسطة Ghalivic

نقطة مهمة ومساعدة فعلاً

الاشتراك الشرعي افضل الحلول لتجنب هذه الامور

عندي استفسار انا جهازى لا يدعم ال HD هل تشتغل جميع

القنوات علي Sd لإني سمعت بإنه يجب ان يكون عندي شاشة

تدعم ال HD لكي اشاهد القنوات ؟

الجهاز يعمل على كابل الاوديو فيديو عادى جدا

[walid_elfeqi]

المشاركة الأصلية كتبت بواسطة سامح م

شكراليك ياوليد
ممكن استفسار العرض داة سارى على جميع الفروع فى جميع المحافطات
والباقه كلها فاتحه

ايوة العرض ده علي كل الفروع والباقة كاملة ١٧ قناة وانا قصدت اكتبه بالتفصيل علشان محدش ينصب علينا

[walid_elfeqi]

المشاركة الأصلية كتبت بواسطة CHMOUSA

طب ممكن اشترك تلاث شهور واقعد شهر ما اشتركش وبعدين اشترك تاني

اه ممكن براحتك كمان الجهاز بيدعم خاصية النقل عبر شاشات متعددة يعني ممكن اكتر من واحد يجيبوا اشتراك واحد

[walid_elfeqi]

المشاركة الأصلية كتبت بواسطة spider201065

ياااه يعنى مرتبى اصرف ربعه على الجزيره ........... مش عايز اتفرج على ماتشااااااااااااااااااااااااااااااااااااااات .......... اكيد فيه حلول تانيه
زى منا اتفرجت على كاس العالم ببلاااااااااااش

ممكن حضرتك تشوف ثلاثة غيرك في العمارة وتوصلوا اربع شاشات علي اشتراك واحد وبعدين هو كده الشهر واقف علي ٨٥ جنية يعني لو معاك اتنين كمان كل واحد فيكم هي دفع ٣٠ جنية في الشهر

[walid_elfeqi]

المشاركة الأصلية كتبت بواسطة russia199

طيب يا أخى وليد الفقى
واللى عاوز يشترك سنة كامله ( نقدا )
مش المفروض الأشتراك بينزل سعره
ولا أيه
معلش دا أستفسار بسيط

وده الي انا قلته ليهم قالوا هو ده الاشتراك السنوي بس الجزيرة حبت تخفف من الاعباءالمالية للمشتركين بدل متدفعك الاشتراك كله مرة واحدة بتدفعهولك علي اربع اقساط