[mahmoud_zahran]

السلام عليكم , انا نزلت امبارح وسط البلد ما سبتش محل الا لما دخلته وبسأل علي سلك بوزيشنز ملقتش خالص لقيت بس في محل واحد قصاد كشري التحرير بس كان ردئ زي اللي مركبه بيقعد سنه ويبوظ , كتير من البياعين قالولي هات سلك نت واعمل كل طرفين مع بعض الكلام ده صحيح ؟

[البريمو1]

المشاركة الأصلية كتبت بواسطة mahmoud_zahran

السلام عليكم , انا نزلت امبارح وسط البلد ما سبتش محل الا لما دخلته وبسأل علي سلك بوزيشنز ملقتش خالص لقيت بس في محل واحد قصاد كشري التحرير بس كان ردئ زي اللي مركبه بيقعد سنه ويبوظ , كتير من البياعين قالولي هات سلك نت واعمل كل طرفين مع بعض الكلام ده صحيح ؟

هو ينفع

بس احسن منه

السلك الشعر النحاس من عند بتاع الاكسسوار السيارات

وخصوصا للمسافه الطويله

[mahmoud_zahran]

انا محتاج حوالي 15/20 متر كده والسلك ده اسمه ايه ؟

[البريمو1]

المشاركة الأصلية كتبت بواسطة mahmoud_zahran

انا محتاج حوالي 15/20 متر كده والسلك ده اسمه ايه ؟

اذا كان عندك سلك النت موجود ركبه وخلاص لان المسافه قريبه
لكن لو لسه هتشترى اشترى سلك نحاس شعر
بيقى طرفين مع بعض داخل غلاف
هتشترى ضعف المسافه يعنى طولها مرتين علشان يبقى اربعه طرف
من عند قطع غيار السيارات او محلات الكهرباء ولو من عير غلاف عادى ينفع
دى صورته

[الحاج شريف]

المشاركة الأصلية كتبت بواسطة البريمو1

هو ينفع

بس احسن منه

السلك الشعر النحاس من عند بتاع الاكسسوار السيارات

وخصوصا للمسافه الطويله

سلك إكسسوار السيارات ممتاز بس مش رخيص المتر سمك 2 مم ب 3 جنيه يعنى لما يكون عنده مسافه 20 متر حيكلفه 240 جنيه لاربع اسلاك
لكن سلك النت فى مسافه زى دى مش حيكلفه 15 جنيه
استاذ محمود عن تجربه سلك النت فى المسافات المتوسطه جيد ويؤدى الغرض بكفاءه بشرط
توصل كل جوز مع بعضه وتوصلهم كالآتى
الجوز برتقالى ابيض ب M1
الجوز أخضر أبيض ب M2
الجوز بنى أبيض ب sensor
الجوز أزرق أبيض ب Gnd
لأنه مش دايما كل الأزواج نحاس لكن الزوجين البرتقالى والأخضر مضمون إنهم يكونوا نحاس ويتحملوا تيار الموتور

[mahmoud_zahran]

طيب عشان نضمن انهم يبقوا نحاس فيه ماركه معينه ؟ بيلدن مثلا ؟

[الحاج شريف]

المشاركة الأصلية كتبت بواسطة mahmoud_zahran

طيب عشان نضمن انهم يبقوا نحاس فيه ماركه معينه ؟ بيلدن مثلا ؟

مافيش فى السوق تقريبا اربع ازواج نحاس لأنه زى مانت عارف النت بتشتغل علي الزوجين البرتقالى والأخضر والزوجين التانيين كماله عدد لغايه دلوقت مالقوش ليهم وظيفه فبيتعملوا من أى ماده والسلام لكن زوجين النت لازم يكونوا نحاس وإلا ماتشتغلش النت ،وبيلدن أو غيرها أسماء كبيره لكن اللى فى السوق تقليد لها مش أصلى ، انت حاول تشترى سلك سميك علي قد ماتقدر ولو كان عندك وصله استعملها زى ماقالك الأخ البريمو1 ، وأنا أقصد سلك سميك لو كان أكثر من 0.4 مم لأن معظم اللى فى السوق بيدور حوالين 0.4 و 0.5 مم كان زمان فيه 0.6 مم ولكن دلوقت مش موجود تقريبا لكن ممكن تسأل عليه

[ahmedsuperman]

سلك النت شغال عندى تمام بيبقى 8 اطراف بتدمج كل طرفين مع بعض عشان يبقى 4 اطراف كل طرف عباره عن سلكين عشان لو واحد قطع التانى يعمل

[البريمو1]

المشاركة الأصلية كتبت بواسطة asharif

سلك إكسسوار السيارات ممتاز بس مش رخيص المتر سمك 2 مم ب 3 جنيه يعنى لما يكون عنده مسافه 20 متر حيكلفه 240 جنيه لاربع اسلاك
لكن سلك النت فى مسافه زى دى مش حيكلفه 15 جنيه
استاذ محمود عن تجربه سلك النت فى المسافات المتوسطه جيد ويؤدى الغرض بكفاءه بشرط
توصل كل جوز مع بعضه وتوصلهم كالآتى
الجوز برتقالى ابيض ب M1
الجوز أخضر أبيض ب M2
الجوز بنى أبيض ب sensor
الجوز أزرق أبيض ب Gnd
لأنه مش دايما كل الأزواج نحاس لكن الزوجين البرتقالى والأخضر مضمون إنهم يكونوا نحاس ويتحملوا تيار الموتور

240 جنيه دى تجوز عروسه هههههه
فيه نصف مللى سعر المتر 50 قرش
المتر مجوز ب50 قرش بتاع البطاريات اللى بيبقى احمر واسود وملتصق فى بعضه زى سلك الشاحن بتاع الموبايل

[mahmoud_zahran]

الف شكر يا بشوات

[الحاج شريف]

المشاركة الأصلية كتبت بواسطة البريمو1

240 جنيه دى تجوز عروسه هههههه
فيه نصف مللى سعر المتر 50 قرش
المتر مجوز ب50 قرش بتاع البطاريات اللى بيبقى احمر واسود وملتصق فى بعضه زى سلك الشاحن بتاع الموبايل

أنا اللى دفعت الفلوس ليك حق تضحك ، أنا شاريه الأسبوع اللى فات من بتاع إكسسوار السيارات 2مم ب 3 جنيه 6 مم ب 8 جنيه متر مفرد
ولكن الفرق بين السلك بتاع السيارات والسلك العادى إن العزل بتاع سلك السيارات بيبقى بى فى سى علشان مايسيحش من سخونه الموتور وحراره الوسط لكن العزل بتاع سلك الكهربا بيبقى بلاستيك علشان كده الفرق فى السعر
لكن لو علي سلك 0.5 مم ما يبقى سلك النت أوفر لأنه لما يجوز سلكين نت مع بعض سمك كل منهم 0.4 مم حيعملوا سلك سمكه 0.57 يعنى حوالى 0.6 مم " علشان إحنا بنجمع مساحات مش اطوال" ويبقى أوفر له

[البريمو1]

المشاركة الأصلية كتبت بواسطة asharif

أنا اللى دفعت الفلوس ليك حق تضحك ، أنا شاريه الأسبوع اللى فات من بتاع إكسسوار السيارات 2مم ب 3 جنيه 6 مم ب 8 جنيه متر مفرد
ولكن الفرق بين السلك بتاع السيارات والسلك العادى إن العزل بتاع سلك السيارات بيبقى بى فى سى علشان مايسيحش من سخونه الموتور وحراره الوسط لكن العزل بتاع سلك الكهربا بيبقى بلاستيك علشان كده الفرق فى السعر
لكن لو علي سلك 0.5 مم ما يبقى سلك النت أوفر لأنه لما يجوز سلكين نت مع بعض سمك كل منهم 0.4 مم حيعملوا سلك سمكه 0.57 يعنى حوالى 0.6 مم " علشان إحنا بنجمع مساحات مش اطوال" ويبقى أوفر له

حلوه عباره احنا بنجمع مساحات موش اطوال
فكرتنى بسؤال ثالثه اعدادى
ما هى العوامل التى تؤثر على شده التيار المار فى سلك ؟
ثلاث حاجات فاكرهم

[mahmoud_zahran]

القطر والطول والمقاومه النوعيه للموصل :D

[البريمو1]

المشاركة الأصلية كتبت بواسطة mahmoud_zahran

القطر والطول والمقاومه النوعيه للموصل :D

عليك نور
اهو الثالثه بقى
نوع ماده السلك
سلك النت موش نحاس صافى
علشان كدا سلك (الشعر) احسن

[علىعمر]

يوجد سلك ترمو بلاست 4 طرف 1 مللى المتر بحدود 1.5 جنيه اسال عنه عند محلات الادوات الكهربائيه (كهرباء سلسيون)