[سامى عرابى]

أبدي وائل جمعة مدير الكرة بالفريق الأول لكرة القدم بالنادي الأهلي استياءه من تصرف أحمد فتحي ومماطلته للنادي في تجديد تعاقده مع الفريق حتي سفره لقطر للتوقيع لأم صلال القطري.
أكد جمعة في تصريحات تليفيزيونية لبرنامج " الملعب " أن فتحي أجري اتصالا هاتفيا به أثناء تواجده بالمطار لبيلغه بسفره لقطر من أجل التوقيع لأم صلال وعدم قدرته التجديد للأهلي مضيفا أن ما تم من فتحي عيب.
أضاف مدير الكرة بالنادي قائلا " عيب يا أحمد ده أحنا كنا بنتحايل عليك للتجديد ونقول أن النادي محتاجلك وأنت بتماطل معانا جاي دلوئتي وأنت مسافر تقول أنك مش معانا طيب أنا أعملك ايه".
أشار صخرة دفاع الأهلي السابق إلي أن فتحي في حالة رغبته العودة مرة أخري لصفوف الأهلي فهذا سيتم تحديده طبقا لرؤية مجلس الإدارة مؤكدا أنه لا يستطيع اتخاذ رأي في هذا التوقيت.
يذكر أن أحمد فتحي قد غادر إلي قطر ظهر اليوم من أجل التوقيع والانضمام لصفوف أم صلال القطري لمدة موسمين مقابل مليوني ومائتي ألف جنيه.

[alesraasat]

المركب اللى تودى ؟؟؟؟؟؟

[م / محمود عبدالعال]

كدا بيباي احمد فتحي لحق الحضري

وبكرة يرجع يبكي زاي الحضري

[عماد الصفتي]

رحل احسن لاعب في الاهلي لا تكابروا الاهلي سيخسر كثيرا برحيل احمد فتحي ومن قبله ربيعه

[السيدعبدالعزيز]

المشاركة الأصلية كتبت بواسطة عماد الصفتي

رحل احسن لاعب في الاهلي لا تكابروا الاهلي سيخسر كثيرا برحيل احمد فتحي ومن قبله ربيعه

الاهم من الكرة الاخلاق وحسن التعامل مع الكيان واحترام الجماهير .

[ابوشهد222]

اللى ميقفش جنب النادى اللى عمله فى وقت الشدة محدش يدور عليه السكة اللى تودى

[abo_sawsan2020]

النادى مبيقفش ع حد يافتحى علشان الاهلى فوق الجميع

[مـنـعـم امـبـابـى]

المشاركة الأصلية كتبت بواسطة abo_sawsan2020

النادى مبيقفش ع حد يافتحى علشان الاهلى فوق الجميع

الاهلى بمن حضر

[زياد77]

عمر الاهلى ما خسر
اللاعب هو الخسران
اللى ميقفش جنب النادى اللى عمله فى وقت الشدة محدش يدور عليه السكة اللى تودى

[نجم الليل]

والاهلى هايمشى عادى ومش هيوقف
يروح لاعب ياتى الف لاعب

[ابــــــــــومنــــــــــة]

كلة علشان الدولارات