[data2008]

موقع "net index" يصنف مصر ضمن أبطأ دول العالم فى سرعة الإنترنت الجمعة، 22 أغسطس 2014 - 08:48 ص صورة أرشيفية كتب سمير حسنى صنف موقع net index"" مصر ضمن أبطأ دول العالم فى سرعة الإنترنت، ووفقا لترتيب الدول بالموقع، توجد مصر ضمن الدول الـ10 الأبطأ فى سرعة رفع الملفات على شبكة الإنترنت، وتعد ضمن أقل 17 دولة كفاءة فى تنزيل الملفات من الشبكة العنكبوتية العالمية. وتحتل مصر، وفقا للموقع، المركز 175 فى سرعة تحميل الملفات بمتوسط 2.7 ميجابايت فى الثانية، و183 فى سرعة تنزيل الملفات بمتوسط 0.79 ميجاوات فى الثانية، من بين 192 دولة يتابعها الموقع، فيما أخرج تصنيف net index مصر من مؤشر جودة الإنترنت تماما. وبالنسبة لخدمة الإنترنت على الموبايل، احتلت مصر المركز 84 فى تحميل الملفات من الشبكة بمتوسط سرعة يبلغ 3.3 ميجابايت فى الثانية، مقابل 96 فى سرعة رفع الملفات بمتوسط سرعة 0.8 ميجابايت فى الثانية من بين 112 دولة رصدها الموقع. واللافت للنظر، أن هناك دولا أقل تكنولوجيًّا مقارنة بمصر، إلا أنها تفوقت من حيث تصنيف سرعات الإنترنت، مثل "جامبيا" المركز 182 عالميا، و"بنين" المركز 80 و"مالاوى" بالمرتبة 167، و"فلسطين" المركز 153. واحتلت السنغال، المركز التاسع بقائمة أقل دول فى سرعات الإنترنت، بمتوسط سرعة بلغ 0.73 ميجابايت فى الثانية، بينما احتلت "كوبا" المركز 186 عالميا، والثامن بقائمة الدول الأقل فى سرعات الإنترنت عقب تقييم متوسط السرعة بها بحو 0.72 ميجابايت فى الثانية. وحصلت دولة المغرب على المركز السابع بقائمة تقييم متوسط الخدم لديها مسجلة نحو 0.70 ميجابايت فى الثانية، ومحتلة المركز 187 عالميا، فيما جاءت فنزويلا فى المركز السادس بالتصنيف بمتوسط سرعة تقدر بنحو 0.54 ميجابايت فى الثانية، تسبقها سوريا بالمرتبة الخامسة بمتوسط سرعة 0.42 ميجابايت فى الثانية، وقبلها غينيا الإستوائية بالمركز الرابع وافغانستان بالمركز الثالث فيما حلت الكونغو الديمقراطية بالمرتبة الثانية، فيما تصدرت بوركينا فاسو قائمة الدول الأقل سرعة فى الإنترنت.



المصدر / اليوم السابع
http://www.youm7.com/story/2014/8/22...4#.U_duvKNB7Fw

[حسام مشعل]

الف شكر لك تحياتى

[eiasgh]

مصر اللى بيمر فيها اكبر عدد كابلات بحريه من ضمن أبطأ عشر دول فى العالم فى الانترنت بلد قايمه على السرقه والفساد هتنهض ازاى ولك ان تتخيل كمية النصب والسرقه اللى بيتعرض ليها المصريين فى النت عروض وهميه وخدمه رديئه واسعار اضعاف الاسعار العالميه

[ابوحنــين وأسيـــل]

الواحد ممكن يروح بره اي دوله محترمه ينزل لوكشه برامج وافلام وسوفتات يعني
تخيل سرعه النت 70 ميجا في ألمـانيا بجد لو عندك السرعه هتعمل ايه؟؟

[عصام الدين1975]

ومال احنا نقول ايه يا ابناء النيل
والله التصفح في مشكلة دع عنك التحميل
ما شايف السودان يكون اسوأ من بوركينا ههههههه

[badbadbad]

اي الجديد ياجماعة مش فاهم مصر على طول في اخر القايمة لو حد متابع Net index هيعرف اني احنا على طول ما بين 160-190 من اجمالي 196 دولة

[محمد فتحى الطباخ]

قيه دول لو بتاخد اقل من 5 ميجا تاخدها مجاني

[mohsenomar]

الحمد لله اخيرا حاجة نبقى فيها الاول على العالم

[عماد رياض]

كويس اصلا انهم عرفو ان مصر فها نت

[محمد_saper]

بسم الله ما شاء الله وكمان فى نت

[omda722]

الحمد لله اللى مصر فى المركز الاخير مش بعد الاخير

[usama hassan]

مصر فى المركز الاخير مش بعد الاخير

[صابر عبد الصبور]

لا يوجد ما يسمى نت اساسا فى مصر !
بالمناسبه ما هى النت ؟

[محمد وندوز]

الحمد لله على المركز الاخير عشان الحسد

[hamadaabbas]

نت اية اللى فى مصر هى اية السلاحف اللى عندنا دى نت شوف السرعات مشترك في سرعه 100ميجا فى ليتوانيا
بيدفع 8 يورو في السرعه ده تقريبا 75 جنيه مصري
وبياخد عليها اكثر من 30 قناه تلفزيونيه ومكالمات بالمجان

من شهرين كان بيدفع 15 يورو لنفس السرعه
بعد التخفيضات اصبحت السرعات كالتالي

- 100 ميجا داونلود و 50 ميجا ابلود بسعر 7 يورو او 65 جنيه مصري
- 100 ميجا داونلود و 100 ميجا ابلود بسعر 8 يورو او 75 جنيه مصري
- 1000 ميجا داونلود و 300 ميجا ابلود بسعر 15 يورو او 140 جنيه مصري

هههههههههههههههههه الفرق عندهم مابين ال 100 ميجا وال 1000 ميجا 7 يورو بس

ومفيش عندهم غير 100 ميجا و 1000 ميجا ددى موقع العرض http://www.kava.lt/lt/telekomunikaci...ams/internetas