[هاني عامر2]

شكرا بين سبورت
وفرتي كل بطولات العالم في معظم الالعاب الرياضية
ولا يوجد عندك باقة اساسية وفرعية والهبل بتاع الشيخ صالح كامل الله لا يرجع ايامة
15 قناة اتش دي بكل الغات
استديو تحليلي منظم وبه الافادة كلها مش زي شلبوكة يقعد للفجر عشان يقولك شلبلب وشلبوكة وشلبوب
85 جنية في الشهر سعر قليل على كل البطولات دي
انا كنت مشترك في المجحومة ايه ار تي جهاز زبالة ب450 جنية ايام مكان الجنية جنية ولما الاشتراك يخلص الجهاز حتتة صفيح
الان جهاز كوري ب 430 جنية شيل حتى الكارت والقنوات المفتوحة شغالة
ممكن حد يقلي السنة قبل الي فاتت كان اشتراك ابو ظبي الرياضية كام ومكنش معاهم غير الدوري الانجليزي فقط
وايام مكان مع الشوتايم كان الاشتراك كام
يا سادة الاشتراك في الشوتايم الان ب500 جنية في الشهر يعني 6000 في السنة وممعهمش بطولة او دوري محترم
تخيل لو ان الشو تايم معها الحقوق دي كانت خلت الاشتراك كام
يا سادة 85 جنية يعني 12 دولار تقريبا تخيل لو ان الدولار ب5 جنية زي زمان
يعني 60 جنية في الشهر
المشكلة اننا بنسمع كلام مطبلاتية الاعلام المصري الخنزيرة الاحتكار عزبة قطر
انت يا ابو 90 مليون مزعتش كاس العالم لية زي جزر القمر والدول الي افقر منها
عشان معندكش فلوس وتطلع تضحك على الشعب بالشعارات الهبلة بتاعة الحتكار والكلام الاهبل ده
مثال بسيط ميدو من اكتر الناس الي كانت مع 30 يونيو ومن اكتر الناس الي بتشتم في قطر ومع كل ده لما ساب الزمالك راح يحلل الدوري الانجليزي
ده شغل واكل عيش
من حق دولة زي قطر انها تصنع لنفسها حضارة وتاريخ ممكن حد يقلي امريكا قبل 300 سنة كانت اية ومصر ام 7000 سنة ايه دلوقتي
ليه لما العرب بيشترو مثلا اندية عريقة الجماهير مبتعترضش وتقول العرب المتخلفين يشترو انديتنا العريقة ده شغل وتجارة
انا الحمد لله اشتركت مع اني كنت بتفرج على الشيرنج من 2009
بس انا حسبتها حسبة تانية انا غير مدخن والحمد لله ولو حبيت اقعد على قهوة عشان اشوف ماتش مهم مش اقل من 10 جنية لو لوحدك
3 جنية في اليوم وقاعد في بيتي وسط عيالي مرتاح وبشتراك شرعي
في بدايل كتير زي دهوك والاوربي وغيرها وكل واحد على قد ظروفة
ومحدش ظريف يطلع يقلي احتكار عشان مقلوش هتلي قناة واحدة مفتوحة على اي قمر بتزيع الدوري الانجليزي مثلا على المفتوح وشرعي
يا جماعة الرياضة صناعة كبيرة وللاسف نحن في الاخر كالعادة دفنين نفسنا في الرمل بص حوليك دوري زي السعودي ب700 مليون جنية في السنة وانت بايع للتفزيون المصري الحرامي ب70 مليون
الكلام كتير ومش هيخلص واكيد في كتير هيوفقني او يعارضني

[م / محمود عبدالعال]

والله يا غالي مش تلزمنه القنوات دي الحمد لله بنتفرج على كل البطولات بفضل الله وعربي كمان من القنوات دي من غير ما ندفع ولا زاغ

[محمد عبده احمد]

انا لما سالت فى المكان الى عندنا قالى الجهاز و3 شهور ب1500 جنيه يبقى ازاى انت حاطط الاسعار دى

[هاني عامر2]

المشاركة الأصلية كتبت بواسطة محمد عبده احمد

انا لما سالت فى المكان الى عندنا قالى الجهاز و3 شهور ب1500 جنيه يبقى ازاى انت حاطط الاسعار دى

عاوز تشتري تجيب من فروع ال cne الرائسية
الهرم والمعادي والمهندسين
الجهاز ب 429 + اشتراك 3 شهور 265 يبقى المجموع 694 بالتمام
فيه خدمة برمجة الجهاز ب 44 جنية ولو مش عاوز هتاخد الجهاز وتبؤمجة في البيت وليه ملفات قنوات بتتحمل بالفلاشة عادي
ابعد عن الموزعين يعني مثلا موزع 6 اكتوبر بياخد 50 جنية اجباري على كل جهاز
لو حابب اشتري من الcne زي منا عملت

[هاني عامر2]

المشاركة الأصلية كتبت بواسطة م / محمود عبدالعال

والله يا غالي مش تلزمنه القنوات دي الحمد لله بنتفرج على كل البطولات بفضل الله وعربي كمان من القنوات دي من غير ما ندفع ولا زاغ

رايك يحترم وكل واحد وظروفه

[ali_dev]

بس سعر 85 جنيه شهريا وقي ظروفنا الهباب دي وبعد غلاء الاسعار

كلمة واحدة تكفي

مش هنقدر

يرخصوا الاسعار لتكون في متناول الناس هيكسبوا ويريحوا الجميع
غير كده مش هناكلم كتير في مين افضل ولا لا

يا ريت لو انت مندوب تسويق عنهم مثلا وصلهم الكلام ده

منهم لله ولو مرخصش الاشتراك

[abdalla tartor]

اتفق معك تماما اخ هاني

[DmgRoxx]

مع انى ضد قطر والبتعمله فى مصر سياسيا
بس معاك نفصل السياسه عن الرياضه
ومعاك هى اهم باقه حاليا فى العرب وناجحه نجاح باهر
بس الهتكلم عليه كرهها لمصر والسعوديه وكل البيساند مصر ليه ؟!
هتقولى جبت منين الكلام ده
اسالك ليه شاريه الكونفدراليه ودورى ابطال افريقيا مع انها بطوله ملهاش اى 30 لزمه ؟!
ليه باعت كاس العالم لمعظم الدول ارضى ومنعته عن مصر وكل البيساندها
زى منا قلتلك معاك انها ناجحه جدا واعلامنا عايز الحرق مش فالح غير فى التوك شو ويا ريتوا فالح فيه كمان بس مش دول اليتقلهم شكرا مش عشان الرياضه اساند العايز يهد بلدى تولع الرياضه بالفيها ومن غير كلام فى السياسه انا والله لا مع ده ولا ده بس الكل عارف ان منظمه قطر كامله عايز مصر تروح فين مثل ما فعلته اسرائيل فى كاس العالم للتودد مع العرب هل هنقولهم شكرا ؟!
وللعلم فى الاخر الرياضه والسياسه واحده فى منظورهم

[محمد_saper]

شكرا بى ان سبورت باقة روعة الروعه وكل واحد وظروفه وكفاية البانه الى مسكينها لنا قطر والمؤامره والزفت كرهونا فى عشيتنا عندك رجال اعمال مصريين منهم على سبيل الذكر نجيب سويرس قادر يعمل باقة تنافس الجزيره صح ولا لا يا جماعه احنا متخلفين اعلاميا
اما بين سبوت بصراحه بقت عالميه و100 جنيه فى الشهر قليله على البطولات الى معاها

طبعا مش هنعرف نشترك علشان حالنا اليومين دول لاكن اشتراك البين سبورت فى دول تانى لا يساوى شئ وده كله بسب مين ........................؟ الله اعلم

لما ميعجبكش حال البلد وتنتقد تبقى خاين واخوان

بالتوفيق لبين سبورت شاء من شاء وابى من ابى

[دودو بيبو]

ملهاش لازمه قنوات قطر حتي لو مش هتابع اي متش نهائي ويا ريت من الاخ اللي كاتب الموضوع يسال نفسه هي ليه القنوات دي سايبه بطوله اسيا للاندية تذاع علي القنوات الرياضيه المفتوحه علي النايل سات وكان اخرهم متش العين الاماراتي مش زي بطوله افريقيا عندنا مطلع عين الشعب لكن ربنا معانا احسن من مليون قناة اتش دي للبين سبورت حتي لو 50 جنية علي البطولات اللي معاها اخر الواحد المشترك الشرعي كام متش هتشوفه في اليوم الواحد لو من الساععه 3 عصر الي 12 بالليل بالكتير 5 متشات للبث المباشر وممكن اقل نظرا لاهمية المباراة او لو الواحد مش فاضي يعني مش هيفضل المشترك جالس امام البين يقلب في القنوات وسايب اللي وراه
من الاخر ملهاااااااااااااااااااااااااااااااش لازمه

[محمد_saper]

المشاركة الأصلية كتبت بواسطة دودو بيبو

ملهاش لازمه قنوات قطر حتي لو مش هتابع اي متش نهائي ويا ريت من الاخ اللي كاتب الموضوع يسال نفسه هي ليه القنوات دي سايبه بطوله اسيا للاندية تذاع علي القنوات الرياضيه المفتوحه علي النايل سات وكان اخرهم متش العين الاماراتي مش زي بطوله افريقيا عندنا مطلع عين الشعب لكن ربنا معانا احسن من مليون قناة اتش دي للبين سبورت حتي لو 50 جنية علي البطولات اللي معاها اخر الواحد المشترك الشرعي كام متش هتشوفه في اليوم الواحد لو من الساععه 3 عصر الي 12 بالليل بالكتير 5 متشات للبث المباشر وممكن اقل نظرا لاهمية المباراة او لو الواحد مش فاضي يعني مش هيفضل المشترك جالس امام البين يقلب في القنوات وسايب اللي وراه
من الاخر ملهاااااااااااااااااااااااااااااااش لازمه

وجهة نظر وتحترم ليس الا

[hamadasat96]

المشاركة الأصلية كتبت بواسطة هاني عامر2

عاوز تشتري تجيب من فروع ال cne الرائسية
الهرم والمعادي والمهندسين
الجهاز ب 429 + اشتراك 3 شهور 265 يبقى المجموع 694 بالتمام
فيه خدمة برمجة الجهاز ب 44 جنية ولو مش عاوز هتاخد الجهاز وتبؤمجة في البيت وليه ملفات قنوات بتتحمل بالفلاشة عادي
ابعد عن الموزعين يعني مثلا موزع 6 اكتوبر بياخد 50 جنية اجباري على كل جهاز
لو حابب اشتري من الcne زي منا عملت

فعلا الاسعار زي ماقولت
ودي صورة اخر جهاز عملته انهاردة لكن عيبه مميزات الجهاز محدودة جدا
والتحكم فيه صعب







لكن صورة الجهاز فعلا جميلة جدا

[ذياد الحسينى]

المشكلة البى ان سبورت لن تحترم مشتركيها فعلى سبيل المثال عند بداية كاس الامم الافريقية هيعملوا باقة خاصة بمبلغ معين لكاس الامم الافريقية بخلاف الاشتراك الاساسى265 كما فعلتها فى كاس العالم وهكذا فى البطولات المجمعة

[دودو بيبو]

المشاركة الأصلية كتبت بواسطة محمد_saper

وجهة نظر وتحترم ليس الا

لو كان في خطا في كلامي ارجو التوضيح علي الرغم اني متاكد ان كل واحد حر في انه يشترك او لا

[hamadasat96]

المشاركة الأصلية كتبت بواسطة ذياد الحسينى

المشكلة البى ان سبورت لن تحترم مشتركيها فعلى سبيل المثال عند بداية كاس الامم الافريقية هيعملوا باقة خاصة بمبلغ معين لكاس الامم الافريقية بخلاف الاشتراك الاساسى265 كما فعلتها فى كاس العالم وهكذا فى البطولات المجمعة

فعلا نفس الكلام ال اتذكر انهاردة من صاحب الجهاز